منقذي من الضلام

البارت17

Fatima_Al-juboory
هذول احنه..
مشت دنيانه بالمگلوب ولتمت
علينه حروب وانسد بوجهنه دروب وبوب••
          ...... ♡♡.....
بهل اثناء نضرب الباب بشكل قوي نخلسنه  بمكانه والخوف تملكنه فتحنه عيونه ع وسعهن وحده تباوع للثانيه بهل اثناء
صار صوت بره كلش قوي وصوت رمي صوت ركض
طفرت جمان من مكانها تباوعلنه بحيره والقلق باين ع عيونها وهيه تتلفت بينه وبين الباب حجت بصوت خائف
جمان:  شنو هذا الصوت
بان:  خايفه
ريناس:  لا تخافن هاي تلكين صار ضرب او صار شي او هجوم من قبل قوات الجيش العراقيه لاتخافين بان عادي  تعودت اني ع هل اصوات منذ اشهر كلش طويله اسمع هل اصوات بين فتره وفتره تصير هيج اصوات مرات ازيد من هيج
جمان: الحمدلله عبالي هذا الداعشي سمعنه
ريناس:  لا ابو خنجر يطلع بعد مايرجع لفتره طويله مرات يبقه ايام
بان:  اسمه ابو خنجر ههه شهل اسم
ريناس:  ي اسمه ابو خنجر ماتدرن مقامه شكد عالي يم الامير
جمان:  شعرفج بهل معلومات
ريناس:  اعرف كلشي جاي اكلج من اشهر هواي اني محبوسه يمه هنا وشفت كلشي كدام عيوني شلون اول ماشافني اختارني مجرد حجايه منه كلشي يتنفذ اله وحتلو قتل اكبر واحد هنا محد يحاجي ع مقامه العالي قبل لا اجي لهنا لهذا المكان جنه بمكان ثاني واني مسجونه بغرفه هاي الغرفه خاصه بابو خنجر هيه غرفه وبيها بوسطها غرفه وحمام
لمهم قبل لا اجي لهنا بايام فكرت اهرب منه هو اجه جان تعبان بلع حبايه منوم ونام........  حجيتلهن شلون من ردت اهرب شلون صحه وشلون قتل الشخص الحاول ياخذني والى ان وصلت لهنا
بان:  عزا شنو هاي معقوله هيج مقامه بحيث يقتل شخص كدام  اصدقائه عادي عنده
جمان: شتتوقعين من مجرم اصلا هذوله واحد يقتل الثاني نفس ماابن خالتج باعنه الهم وتالي غدرو وقتلو يعني عادي همه واحد يقتل الثاني
بان:  الله لايوفقه لزاكروس هو السبب بكلشي دا يصيرنه هنا
ريناس:  شنو السالفه منو زاكروس وشلون باعجن الهم ليش قتلو 
جمان:  سالفه طويله سالفتنه سالفه
ريناس:  فهمني شنو هاي السالفه تره دخت اريد اعرف سالفتجن وشلون وصلتن لهنا
بان: اهلي كلهم ماتو  قتلوهم كبال عيوني
جمان:  يقتلون زلمنه كدامنه ويبقون بس النسوان
ريناس:  شلون وصلتن لهنا
جمان:  بسبب ابن خالتي هو الي باعنه الهم باع عائلته واخواته واحنه باع الهم اربع عوائل وتخيلي منو ذوله العوائل

اهله اهللله باع اهله باع خطيبته وحبيبته اربع سنين علاقه حب اني ويا اربع سنين ضاعن من عمري ع واحد هيج نذل زحقير ع واحد داعشي
اربع سنين ضاعن من عمري واني غارقه بحبه  بس هو لو يحب ماسوه هذا تخيلي باع خطيبته اني خطيبته لمفروض  بعد كم شهر احنه مزوجين لمفروض حاليا دا نجهز لعرسنه مو هاي حالتنه مو بالضيم
ههه وشنو استفاد من سوه كل هذا شنو استفااااااد امه وابو قتلوهم كدام عيونه واخته اغتصبوها كدامه كددااااامه اغتصبوهاااااااا ورجعو قتلو مثل مايقتلون الحيوان ذبحو نفس ميذبحون البقره
جانت تحجي بحركه والم وهيه تأشر ع نفسها ودموعها عشره عشره جانت ويه كل حجايه تحجيها حركه والم كل حجايه تزيد شهكتها تزيد دمعتها بالنزول 
ريناس:  يعني انتي مخطوبه
جمان:  جنت مخطوبه جنت هسه  لا لااااا للاسف بس للاسف ع عمري الي كضيته ويه هيج واحد داعشي ونذل  اني مامقهوره بس ع ايامي الي كضيتهن ويا
كضيتهن بوهم وهيه هيج واحد حقير  تخيلي من شفته مذبوح كبالي شسويتله ع كد ماكرهته وتقززت منه  تفلت علييه بكره وحقد ودفرته ومشيت عفته مشموت شمره الجلب بالزبايل هذا مقامه ومقام كل شخص  مثله
باعي ياريناس الله بالمرصاد الله بالمرصاد باع اهله واخواته باع خطيبته خسه بعد اسمي نفسي خطيبته خسسيه بس باع اهله وتالي غدرو وقتلو بساع قتلو وشمرو بالزبايل نفس الجلب
مصدومه مصدومه من الي دااسمعه شلون شنو هذا شنو من كلب يملك ليش هيج  سوه تذكرت كلمات ابو خنجر من كال بعت اهلي هه نفسه لعد شنو همه ذوله واحد يغدر الثاني
جانت تحجي  ويه كل حجايه تمسح بدموعها الي يطيحن ع خدها بشكل سريع ابتسمت كأنو دا تخفي حزنها بهذي الابتسامه المزيفه وحجت بصوت مخنوك اثر العبره الخانكتها
جمان:  انتي شلون وصلتي لهنا
بان:  صدك ريناس شلون صلتي لهنا لحد هسة ماسولفتيلنه شنو قصتج
طاحت دمعتي من تذكرت الصارلي من تذكرت شلون وصلت لهنا وشصار، بيه حجيت بالم وخنكه وعبره
ريناس: اغتصبووني......
ماكدرت اكمل حجايتي واني اتذكر شلون اغتصبني بوحشيه كأنو حيوان جوه ايده زادت شهكتي من تذكرت كلماته القاسيه وحقده
خليت ايدي ع وجهي ودموعي تنزل بغزاره سمعت حسره جمان الي تطلع من صميم كلبها وشهكات بان الي تعلى