حب محكوم بالأعدام

part41

ـ ءء ولله عمة نسيت

ام ذياب ... يا يمة شلون تنسين رجلج روحِـ‏ʊ̤ خابري شوفي ليمتة يوصل يلحك ؏ غدا لا

ـ يا عمة دنيا صبح هـسهہ بعد هواي وكت للغداء اكيد يلحك

بيبي ... كرت عين امچ يا صبح الساعة بـ 10 ونص

ـ يححح واني اكول كعدت من الصبح

بيبي ... اخخ ولجج نويرة بتج دغتني بفهاوتها

ماما ... اي ولله عمة حتئ اني دغتني

ـ يا ماما صفيتي ويه بيبي عليه

ماما ... ما صفيت يا يمة بس هذا الصدك

باوعتلها بزعل ضحكت وجرتني باستني

غرير ... عمي القاضي راضي بفهاوتها شعليچن انتن

ـ يا قاضي

غرير ... اخويـة العلم

اجانة صوته وهوَ يكول
... ياهو منهم العلم

درت وجهي لمصدر الصوت لكيتة واكف وبيدة جنطتة
كامن يسلمن عليـة واني بس كمت وكفت ؏ جهه
بعد ما سلم عليهن كلهن باوعتلي بيبي ورجعت بلوعتلة

بيبي ... چَا يمة جنك نسيت تسلم ؏ مريتك

ذياب ... لا مانسيت بس سلامي وياها بلغرفة

باوعتلة بعصبية ؏ جرئتة بلكلام كدامهن

ردت علية بيبي
... اي مابيها شي سلم عليها سلامين

ام ذياب ... اي يمة ؏ كول بيبيتك سلم ؏ مريتك
خطية لا تكسر بخاطرها 

ـ لا عمـ...

قاطعني وهوَ يجرني لحظنة كدامهن ويبوسني فوك كصتي من الصدمة ضليت صافنة بوجهه

ذياب ... هـسهہ هاهيه اكدر آروحـح بعد ما سلمت

ام ذياب ... ههههه اي يمة روح

بيبي ... يا فلك شوف الفرخة انصبغ وجهه احمر استحت

صعد ذياب والبنات استلمني مغامز وتكرص
انتبهت لماما تخزر بية وتأشرلي فوك عود اصعدي
ورا رجلج غلست عنها

اجتي رنين كعدت يمي
... وتين تكول ماما اصعدي لغرفتج لا اجي اسحلج كدامهن

باوعتلها بضوجة وصعدت ، فتحت الباب ودخلت
لكيتة ما موجود بس سمعت صوت الدوش اكيد بلحمام
ذبيت نفسي ؏ جرباية بضوجة واني احجي بيني وبين نفسي ، هـسهہ صعدت لصخامتي غرفتي شسوي عشتوا عود ورا رجلي ..

ضليت كاعدة لحد ماطلع باوعلي وراح يمشط
كدام المرايا ، من شفتة مو يمي كلت خلنزل شعندي مكابلتة .. نزلت من الجرباية ﭑريد آروحـح بس وكفني
صوته ..

ذياب ... اشتريتي ملابس للعرس

ـ اي

ذياب ... اشوفهن بلله