حين تحكي أسمهان

حلقه عشرون

-مااكدر يمه كلبي ماكلني عليهم وحاسة صاير شي

ـ ياستار نانا مابيهم شي ليش تفاولين عليهم

ـ كلبي ممرتاح لا هو يرد ولاهية بلة توريفار متعودة عليه مايرد دائما بس جوان متسويهه لو يم القاضي همين تجاوبني شعجب اليوم ابد ماكو رد منهه
-هسه تجي نانا لاتخافين القضية جبيرة

- هاااا انتي كلتي القضية جبيرة يعني صاير شي

.. شفتهه قلقة ماعرفت شسويلهه وشلون اصبرهه ملكيت حل غير اكذب عليهه

ـ أ..أ..توريفار خابرني فوك وحجيت وياه ووية جوان

ـ هااااصدددددك ليش مانزلتي احجس ويااهم

ـ عـ عبالي نايمة يا نانا والله مو بقصدي

ـ يعني همة زينين شنو كلولج

ـ كالو كاعدين يحلون القضية مدري شيسوون وحتى جوان كالت دازين على مندي من المطعم لان جوعانة

ـ يمة بنيتي اول مرة تطلب اكل بالليل شعجب طلبت مندي

- عادي نانا لان تشتغل جاعت ان شاء الله عليهه بالعافية
هسة معليج بجوان وتوريفار عوفيهم كليلي تردين شي اسويلج؟

ـ ماريد اكلفج

ـ اهو نانا يمعودة كولي حتى انة وياج نكعد نسولف

- يلة لعد سويلي كهوه او خلي الشغالة تسويلي

-لااا انا اسويها غير تموت تصير من ايدي

رحت للمطبخ اجهز الكهوه شغلت الجهاز خليت القرص وبسرعه صارت اخذت كليچه ام التمر خلیت بصحن ورتبت الصینیه وقدمت النانا

-عاااشت ايدج معدلة

-تدللين نانا

-احمد ربي الي خلاچ یمي لو تدرين شكد جنت اتململ وحدي

- والله انا هماتين فرحانه بوجودج يمي

ـ راح تشبعين مني وتملين همين

ـ يااا اكو بنت تمل من امهه حبيبتي نانا شهالحجي

كاعدين نسولف عن ايام زمان وشلون جانت ايام قبل واندك الباب راحت الشغاله تفتحه رجعت وبيدها سلة العاب
تصميمها حلو لان هي سله وهي جنطه شكله كلش واو
بقت متفاجاه نانا وبنفس الوكت طايرة من الفرحة كالت

-اجى الغالي ابن الغالي

ـ تقصدين منو نانا

ـ ابن توريفار حفيدي بنيتي ساعديني  اكوم ع الكرسيي

ـ صار

ساعدت ناناا تكوم عل كرسي خلت الالعاب الشغاله وراحت اتجيب كوساد ابن توريفار اجت شايلته للطفل

ودخلت لانــا وراهه جانت تتبختر من تمشي كلش تتماوع بتصرفاتهه بقيت صافنه على لبسها لابسه تنوره قصيره تبرز الافخاذ
وبوت شاموا رماني طويل فوك الركبه عالي بلون التنوره ووياه كوت طويل اوف وايت وشعرها ذيل حصان مكياج عبالك رايحه لحفلة كلش صارخ بس لايك عليهه
دخلت تضحك ويه ابنها
اول ماشافتني خزرتني و دنجت باست نانا