بين الروح والرحمة

بارت 23

يـ اول من تدور ايده اعلـه ايدي
يـ موتي واربعيني ويـوم عيدي

احس روحي تأمن بيك وتخافك !     
      
ـــــــــــــــــــــــــــــــــــــــ

نـور ـ

شويه خفت دوخه راسي الظلام محاوطني وبس صوت الفيران موجود الغرفه ظلمه وسخه كلشي بي تراب ماعرف وين اني وشكد الوقت رجعت ادك بالباب قووي

نور ـ افتحووو لباب ياااازمااايل افتحووو الله يلعنكم

بقيت ادك لحد ماتعبت ايدي انتجيت على الباب وكعدت ابجي من الخوف وقله حيلتي ماعرف شكد مر الوقت واني على كعدتي سمعت صوت بعيد ماعرف شنو يحجون تقربت خطوات كمت وتراجعت ليورا نفتحت الباب وصار ضوى قوي غمضت لحظه وفتحت باوعت ثنين رجاجيل واحد وكف يم الباب وثاني دخل بيده كاسه مي ونص اصابعه بالكاسه وخبزه

قادر ـ هااج تسممي

نور ـ لعبت نفسي منه ومن المي وخرهن من يمي كلشي ماريد منكم طلعوووني منااا

قادر ـ اخذيهن احسلج اذا بقيتي تعاندين راح تموتين من الجوع والعطش الج وجبه غذاء باليوم مره

نور ـ هههههههه وجبه غذاء هذني تسميهن وجبه غذاء واصابيعك وياهن تعقيم لو امووت من العطش هم ماشرب منكم

مااحس غير جر شعري بيده ولواه

قادر ـ شوفي لج تشربينه وغصب عليج

نور ـ وخر حيوان وخررر

بقيت ادفع بي واخرمشه واصيح اجه ثاني ضربني حيل على راسي واني بيه الدوخه ماتحملت وكعت بالكاع اخذ الكاسه ودارها بوجهي فزيت من برودته عافوني وطلعو سدو الباب رجع الظلام حاوطني

تعبت اعصابي وجسمي نمل

نور ـ وينك بابا وينككك وينك انمار وينج عني

تذكرت مره من عندي امتحان صعب وبجيت شافني بابا سولفلي قصه النبي يونس شلون جان بطن الحوت رغم كلشي عنده امل برب العالمين ومايصعب شي على رب العالمين الله الرحيم الكريم بوقتها كلي ابقي رددي دعاء النبي يونس يسهلج امرج

حطيت ايدي على كلبي ودموعي تنزل بقيت اردد

"لا إله إلا أنت ،سُبحانك إني كُنت من الظالمين".

.....................

انمـار ـ ضربني راجدي قوي وهاي اول مره يضربني وكدام مجيد نشغت ولزمت خدي دنكت راسي وعيوني نملت دموع احاول ماابجي واسيطر على نفسي معقوله بابا ماصدكني عفتهم ومشيت للغرفه واني ابلع الغصه طبيت وعضيت المخده كلبي محروك على نور وبابا ماصدكني وضربني نهديت ابجي

مرت اربع ساعات واني بالغرفه صداع لزمني ويمكن ضغطي ارتفع حطيت راسي ونمت

بين الحلم وبين الحاسه لمسات خفيفه على وجهي ابتسمت شوي ونطبعت بوسات على خدي استنشقت عطره المخلوط بالجكاير فتحت عيوني بسرعه وجه وجهي بيناتنه شعره اتلمس مكان الراجدي