-HOW TO DATE WITH SINGLE FATHER-

Episode 4 ✓

"အဲ့ဒါခင်ဗျားအပိုင်းပဲ ကျွန်တော်နဲ့‌မဆိုင်ဘူး အခုခင်ဗျားပြန်လိုက်တော့"

"အဒေး! ငါပြောနေတယ် ငါ့ကိုပိုက်ဆံပေးလို့!"

ပိုက်ဆံမရရင် လူသတ်တော့မယ့် ပုံစံအတိုင်း မရမကဖြစ်ညှစ်ပြီး ‌လာတောင်းနေတဲ့ ဒီမိန်းမကြီးကို သူအတော်စိတ်ကုန်လှပြီ။ ပုံမှန်ဆိုရင် တောင်းလာတဲ့ငွေကို ပေးပြီးသား‌ဆိုပေမယ့် အခုသူ့ဆီမှာတစ်ကျပ်တောင်မရှိဘူးလေ။

"ကျွန်တော်ဆီမှာရှိရင် ခင်ဗျားကိုမပေးဘဲနေဖူးလို့လား အခုကျွန်တော်ဆီမှာ တစ်ကျပ်မှမရှိလို့ ခင်ဗျားကိုပြန်ခိုင်းနေတာ"

"ဟာ! ရှုပ်ပါတယ် ဖယ်!"

သူ့အားတွန်းထုတ်ပြီး အိမ်ထဲဝင်‌လာတဲ့ ထိုမိန်းမမှာ သူ့အိမ်ထဲကပစ္စည်းတွေအား သရဲဘီလူးစီးသလို ပတ်ကြည့်နေသည်။ နောက်တော့ ခုံပေါ်အား Laptop အား တွေ့သွားလေရဲ့။

"အဟမ်း မင်းအတွက် ဒါမျိုးတွေက ဘယ်ဘဲဆီကတောင်းတောင်း ရတယ်မဟုတ်လား ဒီတော့ ဒါကိုငါယူသွားလိုက်မယ်"

ခုံပေါ်က Laptop အားကောက်ယူကာ ထိုသို့ဆိုရင် အခန်းထဲကထွက်သွားသည့် သူ့အဒေါ်။

"ဟား! လိုချင်လွန်းလို့ ပိုက်ဆံစုပြီး ဝယ်ထားရတဲ့ ငါ့Laptopလေး ပါသွားပြန်ပြီ"

အဒေးစိတ်ပျက်သလို ဆိုဖာထက်ထိုင်ချရင်း လက်ထဲကကော်ဖီကိုလည်း ဆက်မသောက်ဖြစ်တော့။ အဲ့ဒီအစားက အိတ်ကတ်ထဲက သကြားလုံးတစ်လုံးအားထုတ်ကာ ပါးစပ်ထဲကောက်ဝါး‌ရင်း အတွေးများနေပြန်ရဲ့။

မကြာခင်ပြည့်တော့မည့် အိမ်လခနှင့်အတူ ညီလေးကျောင်းစရိတ်အား သူဘယ်ကနေ ရှာပေးရမလဲ စဉ်းစားရင်း ခေါင်းကိုက်ရသည်။ လက်ထဲမှာလည်း တစ်ကျပ်မှမကျန်တော့သလို သူ့အားလိုသမျှငွေထုတ်ပေးနေကြ စပွန်‌ဆာဘဲကြီးတွေဆီလည်း အဆက်သွယ်မလုပ်ဖြစ်တာကြာပြီပင်။

"တစ်ယောက်ယောက်ဆီ ဆက်သွယ်ဖို့တော့ လိုပြီထင်တယ်"

ဖုန်းအားထုတ်ကာ ဖုန်းထဲက Contact တစ်ခုခုအား ရိုက်ရှာလိုက်သည်။ ဒီရက်ပိုင်းလူကဘာဖြစ်နေမှန်းမသိ။ တွဲလက်စဘဲကြီးတွေနဲ့လည်း အဆက်အသွယ်မလုပ်ချင်သလို ထိုလူတွေနဲ့တွေ့ရမှာကိုလည်း အလိုလိုစိတ်ရှုပ်နေမိပြန်၏။