نزلوه من السياره وطببوه للمحكمة طب ولكه كم واحد من كرايبه حاضرين واكفين على صفحه يحجون و وحده من كرايبه وجهه احمر من البجي هم يتناقشون وهي تباوع على صفحه وتبجي خمن عناد انو هاي صديقتها لان اجت بخطوبتها بعد ما راوته امه صورهم مال خطوبه واكثر من مره يشوفهم سوه،وكفو بنص مربع خشب'تعرفو بعد اليوكف بي المجرم ' و وكف بي ثواني وانترست القاعه ناس اكو يعرفهم عناد وتكو لا لكونهم من صفحة ساره وما جان على علاقه ب البنيه ومايعرف عليها اي شي ومو مهتم جان اهتمامه متركز ب ادم فقط هو ما انتبه على الحضور كلهم بس الي جذب انتباها والي اخذ عقله من شاف ادم ويا اخته گاعدين بواحد من الكراسي ليكدام وهو يحاجي اخته وعيونه حمر من البجي نقهر ادم وهو يتمتم بينه وبين عقله"يا بعد روحي بيه ولا بيك هل قهر والبجي بس ليش كل هذا علمود گحبه شمقصر وياك اني؟"نزل راسه و ره شويه اجويه الي يحكمون على المتهم جانو اربعه كعدو وهم يباوعون على الاورق ويتهامسون بينهم وجان اكو رجال واكف يم ادم يتهامس وياه عناد كل شي ما افتهم عدى شغله وحده الكل راح يوكف ضده! هو هذا الي افتهمه...ثواني ودك القاضي ب الجاكوك ماله وهدئت القاعه
بده المحامي بحجي وبعدها القاضي حجه ويا ادم واندم نطق:سيدي القاضي راح احجيلك الي شفته وهذا القران كون اموت اذا اجذب بحرف...
بلع عناد ريكه وهو يتمتم اسم الله عليك اسم الله عليك خره بيه على هاي السالفه من جبتك لهذا المكان،تنهد ادم وكمل حجيه:اني وساره مخطوبين بلجديد ما صالنا كم اسبوع وجان مره جنا يم بيت ابو عمار (والد عناد) جوه ب الصاله كاعدين نحجي ونضحك وخطيبتي كبالي كاعده على القنفه تضحك وتسولف وخجلانه مني..جان ينزل عناد!وهو شايل سلاحه و وجهه عليها واني عبالي ديشاقه بس وجهه جان بارد وجاد وصوبه والبنيه ياره خطيبتي ماتت..! بعد ما وديناها للمستشفه الضربه جايه على كلبها عدل و وحده براسها واكو ادله على كلامي هذا وكرايبي كلهم جانو كاعدين وشهدو والكاميرات الي بلصاله..اني ميهمني شي بعد ما راحت ساره،بس اتمنى تحكمون حكم عدل على المتهم وميضلم اي احد....
كال كلامه وسكت والمحامي كعد يحاجي القاضي الي صافن على كلامهم بتركيز،اما عناد ف جان كلبه يم تدم كل كلمه نطقها جان مركز عليها..... المهم وره نص ساعه من الحجي وكذا ضرب القاضي على الميز وكال:حكم على المحكوم عناد عمار الدين** بالسجن المؤبد بسبب جريمة قتله للبنت ساره البالغه من العمر ٢٤ سنه
صارت القاعه كلها ضجه وهوسه اما ادم ف نزل وراح لاخته لان اشرتله يجي بعد ما حست بوضع امها مو تمام..اما اهله ل عناد ما حصل منهم غير نضرات الحقد والغضب وبعضها شفقه كلهم جانو ضايجين منه وكارهي حيل..
المهم جرجرو عناد وهو يصرخ على ادم الي شافه من بعيد صرخ باعلى صوته بنية يندار له بعد ما أيس يأس تام من اهله وسالفة يجون له اندار عليه ادم وعيونه غركانه دموع صرخ عناد بعلو صوته:ادم لتخليني تعال لي لليجن حتى لو بس مره احاجيك ادمم
