ထိုသို့ပြောလိုက်ပီးမှချီဖုန်းလည်းသူ့ကိုယ်သူအနည်းငယ်ရူးကြောင်ကြောင်နိုင်သည်ဟုခံစားလိုက်ရပေသည်။
ယခုလက်ရှိအခြေအနေကပုံမှန်နှင့်မတူပါချေ။သူ့ထံ၌ပိုက်ဆံရှိနေခဲ့ပါကယွမ်နှစ်ရာလောက်ပေးပစ်ရင်တောင်ကိစ္စမရှိပါသော်လည်းယခုကျသူ့လက်ထဲယွမ်နှစ်ဆယ်သာရှိသည်မဟုတ်ပါလား။ထို 'ရိုးသားမှု' အတွက်ရှိသမျှအားလုံးစိတ်မြန်လက်မြန်ပေးပစ်လိုက်ခြင်းကအတော်လေးတုံးအလွန်းသည်ပင်။
လင်းခယ်သည်အနည်းငယ်အံ့သြသွားခဲ့သော်လည်းတစ်ဖက်သူ၏စစ်မှန်သည့်စိတ်ထားလေးကတော့ချီးကျူးထိုက်သည်ဟုခံစားလိုက်မိသည်။ပြောရရင်ချီဖုန်းကအပြန်ခရီးစားရိတ်အားလုံးပါပေးခဲ့ခြင်းလည်းမဟုတ်သည့်အတွက်သူ၏စိတ်မြန်လက်မြန်ရှိမှုကဘောင်အတွင်း၌ရှိသေးသည်ဟုဖော်ပြနေခဲ့ပေသည်။
လင်းခယ်လည်းသူ့လက်ထဲရှိတံဆိပ်ပြားသေးသေးလေးအားငုံ့ကြည့်၍ပြောလိုက်မိသည်။
" ငါ့ရဲ့ဂိမ်းထဲကနာမည်လေးပဲလုပ်ခဲ့ရတာတော့စိတ်မကောင်းစရာပဲ ငါဒိုတာ(Dota)ခုတ်တဲ့အချိန်လောက်ပဲ ဗုဒ္ဓရဲ့အစွမ်းကိုထုတ်ပြရမှာပေါ့ "
ချီဖုန်းကရီလိုက်ပီးအကူအညီမဲ့နေခဲ့သလိုလေသံဖြင့် - " ဒီအချိန်တုန်းကတော့ဒီသစ်သားစလေးကတော်တော်အဓိပ္ပါယ်ရှိနေလိမ့်မယ်လို့ငါမသိခဲ့ဘူးလေ အင်္ဂလိပ်စာလုံးတွေကထွင်းရလွယ်လောက်မယ်လို့ပဲတွေးလိုက်မိတာ ငါစောစောကသာသိခဲ့ရင်ဦးလေးကြီးကိုမင်းနာမည်ရင်းထွင်းခိုင်းလိုက်ပါတယ် "
" ထားလိုက်တော့ နာမည်ဆိုတာအမှတ်သင်္ကေတတစ်ခုပါပဲ ဒါပေမယ့်လက်ဆောင်ကိုတော့ ... ငါတော်တော်လေးကြိုက်ပါတယ် "
လင်းခယ်ကထိုတံဆိပ်ပြားလေးအားသူ၏ဘောင်းဘီအိပ်ကပ်ထဲသို့သေချာဂရုတစိုက်ထည့်လိုက်ပီးတစ်ဖက်သူအားပြုံး၍ပြောလိုက်ပေသည်။
" ကျေးဇူးနော် "
ချီဖုန်းကလက်မြှောက်၍သူ၏လည်ပင်းအားထိလိုက်ပီးသူ၏နှုတ်ခမ်းထောင့်လေးများကလည်းထိန်းချုပ်ရခက်စွာကွေးတက်သွားခဲ့လေသည်။
YOU ARE READING
The Daily Life Of Being The Campus Idol's Fake Boyfriend (MM Translation)
RomanceTitle - The Daily Life Of Being The Campus Idol's Fake Boyfriend (给校草当假男友的日子) Arthor - 羲和清零(Xi He Qing Ling) Status in COO - 65 Chapters + 9 Side Chapters Genre - Romance, School Life, Yaoi Tags - Music, Modern Days, Pretend Lovers, First Time Inter...
43 - Pop Music Club
Start from the beginning
