غسـق اللـيل

BART 5

شوي دخلت للمطبخ ماكو اكل توضيت صليت وخلصت ودخلت امي بيدها علاگة.

ام حنين -: اجيتي يمة

حنين -: لا يمة بعدني..

ام حنين -: نجبي طايحة الحض..

حنين - جا شني ياهو يشوفني يكلي اجيتي هوة هذا هم سؤال..
ليش متأخرة اليوم؟
متت جوع..

دخلت للمطبخ جابت صينية كعدت بالكاع فتحت العلاكة طلعت منها جدر خلتة بصينية
بي دولمة الريحة تخبل عگدت حاجبي وسألتها

حنين -: منين هذا يمة؟

ام حنين -: من بيت ام شايار يعني منين..

حنين -: يمة صدك تحجين؟ ماريد اكل من احد مثل النطلب منهم اكل..
رفعت راسها هزت ايدها وردت علية..

ام حنين -: لا تخافين انا سويتة وبقى منة هواي وشجن بتهم كالتلي اخذي تعاي تغدي بدون كلام زايد..

كعدت يمها بدون كلام الريحة تخبل جبتلي خاشوگة تربعت بالكاع وأكلت لحد الشبع..
خلصنا ثنينة هية راحت تصلي وانا نضفت المكان

خليت جاي على الطباخ بقيت انتضرة صافنة اجة سؤال بالي صبيت الجاي
وخليتة كدام امي كعدت مقابيلها  نطيتها

كلاص الجاي وانا همات تحمحمت وحجيت

حنين -: اكلج يمة سؤال..

ام حنين -: الله اليستر من سؤالج كولي خل نسمع..

حنين -: لا بسيط هيج اجة بالي.. ليش ما عدي خوال عمام؟. خالات وعمات؟..

جانت تشرب كحت بصوت تشخطت بجاي بلعت ريك خزرتني وحجت بعصبية..

ام حنين-: ما عدج يعني شسوي اروح لكبور اهلي وكلهم ليش خلفتوني انا و..

سكتت وصفنت كأنما تذكرت شيء

حنين -: وو شنو يمة؟؟

ام حنين -: ولي من وجهي لا بارك الله بيج وين وديتيني..

فتحت عيوني بصدمة كامت لغرفتها دخلت وسدت الباب بقيت كاعدة متعجبة..
ياا شحجيت انا؟ والله هاية سالفة مو خالية اكيد

ورة عصبيتها شيء...

..................... ♡

شجن.. كاعدة بصالة كدام التلفزون مخليتة على الشرقية اسمع اخبار
وماعرف ليش احب اسمعها برغم بس تسد النفس..

نفتح الباب ودخل شايار منو غيرة ما هتميت كعد على الكرويتة مخلي رجل فوك الإخ
درت عيوني علي يباوع علية رافع حاجبة.

شايار -: اليوم ماكو كواك الله..
الله يساعدك..

عوجت حلكي وما رديت علية

شايار -: شني ست شجن بعدج زعلانة على مود الراجدي؟؟

شجن -: لااااا..