အမုန်းပင်မှပွင့်သောအချစ်ပန်း (Completed)

အပိုင်း (၂၁)

"ဟုတ်ကဲ့...အစ်ကိုပြောပါ"
"...."
"အဆင်ပြေတယ်ဆိုရုံပါပဲ။သူအများကြီးမျှော်လင့်ခဲ့တဲ့အရာဆိုတော့ အရမ်းဝမ်းနည်းနေတာ။"
"...."
"ဟုတ်။ဟယ်ရီဖြောင်းဖြပါ့မယ်။အစ်ကို အဲ့အိမ်ဘက်သွားအုံးမယ်မလား"
"..."
"ဟုတ်။သွားရင် တစ်ချက်ကူခဲ့လိုက်ပါအုံး။အန်တီအခြေအနေက အဲ့ကိုဟယ်ရီတို့လာဖို့မပြေလောက်ဘူး"
ဖုန်းချပြီးနောက် နာရီအားကြည့်မိတော့ ဆယ့်နှစ်နာရီစွန်းနေပေပြီ။အန်တီကတော့ ခုတင်ပေါ်တွင် ခပ်တွေတွေပြတင်းတံခါးအားငေးရင်း ထိုင်နေဆဲပင်။
"အန်တီ..."
အနောက်မှသိုင်းဖက်လိုက်ပြီး အန်တီ့ပုခုံးပေါ် မေးတင်ကာ ဟယ်ရီခေါ်လိုက်မိသည်။
"ဟယ်ရီတို့ နည်းလမ်းရှိအုံးမှာပါ။အမှန်တရားကအမြဲတမ်းတော့ ပျောက်ဆုံးမနေလောက်ပါဘူး နော်။လူတစ်ယောက်သေဆုံးမှုကို ဟယ်ရီတို့မှကြိုတင်မသိနိုင်တာပဲအန်တီရယ်"
"ဒီလူသေဆုံးမှုက သွေးရိုးသားရိုးလို့ ထင်နေတာလား ဟယ်ရီ"
ဟယ်ရီဘက်သို့လှည့်ရင်းဆိုလိုက်သည့်အန်တီ။ဟယ်ရီလက်ဖဝါးနှစ်ခုအား သူမပါးပြင်သို့ကပ်လိုက်ရင်း
"ဒီတိုင်းသေဆုံးသွားတာလို့တကယ်ပဲထင်နေတာလား။မနေ့ကထိကောင်းနေတဲ့​သူကလေ"
"သေဆုံးမှုက ကြိုတင်မှမသိနိုင်တာ အန်တီရဲ့"
"တို့သိနေတယ် ဒါက ရိုးရိုးသေဆုံးမှုမဖြစ်နိုင်ဘူး။မင်းမင်း အဲ့ဒီကိုသွားနေတယ်မလား"

"ဟုတ်တယ် အန်တီ"

"အင်း သူရောက်ရင်တစ်ခုခုတော့အကြောင်းထူးမှာပါ။အန်တီထင်တာသာမှန်ခဲ့ရင် အန်တီတို့တွေမှာ အချိန်သိပ်မကျန်တော့ဘူး"

အန်တီမျက်ဝန်းထဲတွင်စိုးရိမ်စိတ်တို့အား မြင်တွေ့ရသည်။ဟယ်ရီလည်း အန်တီလိုသာပင်။အကယ်ရျ်အန်တီပြောတာသာမှန်ခဲ့ရင် ဟယ်ရီတို့ရင်ဆိုင်ရမည့်ပြဿနာမှာမသေးလှပေ။
----
အနီရောင်ဆေးသုတ်ထားသည့် နှစ်ထပ်တိုက်၏ဧည့်ခန်းတွင်လူသုံးဦးမှာ စားသောက်ဖွယ်ရာများဖြင့် အောင်ပွဲခံနေကြတော့သည်။

"အောင်မြင်မှုအတွက် ချီးယားစ်"
သောက်လိုက်စားလိုက်ဖြင့်အတော်ပင်ပျော်ပါးနေကြသည်။
"အခုတော့ သူတို့ဘာတတ်နိုင်သေးလဲ"
"ခုချိန်လောက်ဆို အဓိကသက်သေ ဆုံးလို့သွေးရူးသွေးတန်းဖြစ်နေလောက်ပြီ ဟားဟားဟား"
အားပါးတရ ရယ်မောသံမှာ ဧည့်ခန်းထဲတွင်ပျံ့နှံ့သွားတော့သည်။
"ဒီပွဲက ဒီနေရာမှာပဲ ပြီးသွားလိမ့်မယ်လို့ ငါတော့ မထင်ဘူး"
"သက်သေမရှိဘဲ တရားရုံးကိုသူတို့ဘယ်လိုတက်မှာလဲ "
"နန်းရိပ်လွှာဆိုတဲ့မိန်းမကဒီလောက်နဲ့ရပ်တန့်သွားမှာမဟုတ်ဘူး။သူကထက်မြက်တဲ့မိန်းမတစ်ယောက်ပဲ။အခုတစ်နည်းမပြေရင် သူနောက်နည်းလမ်းကို စဥ်းစားနေလောက်ပြီ"
"သူစဥ်းစားလို့ပေါ်လည်းဘာအရေးလဲ ကျုပ်တို့ကလိုက်ဖျက်စီးရုံပေါ့။သူတို့ဘက်က တံခါးတစ်ချပ်ပွင့်နေတာဟာ သူတို့အတွက် ကျရှုံးမှုပဲ"