" အင်္ကျီလှန်ဦးမယ်နော် "
ခွင့်တောင်းပြီးမှသာ အင်္ကျီကို လှန်လိုက်ပြီးနောက် ပတ်တီးစကို ခွာကာ အမှိုက်ပုံးထဲ ပစ်ထည့်လိုက်သည်။ အနာအခြေနေကောင်းသည်ကို မြင်မှ ဆရာမလေးကို ပြောလိုက်သည်။
" ဆရာမရေ STO လုပ်မယ် ပြင်ထားပြီးသားလား " ( ချုပ်ရိုးဖြည် )
" Dressing box ထဲမှာ အသင့်ပါပြီးသားပါ ဆရာ Glove လဲဦးမလား " (အနာဆေးထည့်ရန် ပိုးသတ်ထားသည့် box, Glove လက်အိတ် ).
" ဟုတ် ၇ ခွဲလေး တစ်စုံပေးပါ " ( ပိုးသတ်ထားသည့် လက်အိတ် size 7 1/2 )
ဆရာမလေး ကမ်းပေးလာသည့် လက်အိတ်ကို ဖောက်ဝတ်ပြီးမှ အနာချုပ်ရိုးများကို ဖြည်လိုက်သည်။ အပြီးသတ် betadine သုတ်လိမ်းပြီးနောက် လက်အိတ်ကို ချွတ်ကာ ဘေစင်တွင် လက်သွားဆေးလိုက်သည်။ လူနာသည်လည်း အရှေ့ခုံတွင် ပြန်ထိုင်သည်။
" အခုက ချုပ်ရိုးဖြည်ပြီးပြီဆိုတော့ ရပါပြီ သောက်လက်စဆေးတွေကုန်ရင် ရပ်လိုက်တော့ "
" ဘယ်ရက် ပြန်လာပြရဦးမလဲဆရာ "
"ပြန်လာပြဖို့ မလိုတော့ပါဘူး "
ဦးလေးကြီးက မေးစရာကျန်နေသေးသည့်ဟန် တွန့်ဆုတ်တွန့်ဆုတ် လုပ်နေခဲ့သဖြင့် သူကပင် အလိုက်တသိ မေးမြန်းလိုက်သည်။
" ရတယ် ဦးလေး မေးစရာရှိတာ မေးပါ "
" အစားအသောက် ဘာတွေစားရမလဲ ရေချိုးလို့ရော ရပြီလား ဆရာ "
" အပူအစပ်ကလွဲရင် စားလို့ရပြီ ရေလည်း ချိုးလို့ရပါတယ် ကဲ မေးစရာ မရှိရင် နောက်တစ်ယောက် ခေါ်လိုက်မယ်နော် "
" ခဏလေး ဆရာ ပိုက်ဆံ ဘယ်လောက်ပေးရမလဲ "
တိုင်းရင်းသားဦးကြီးတွေဆိုတော့လည်း စကားကို တည့်တိုးသာ ပြောတတ်ကြသည်။ ဆေးရုံလာလျှင် ပိုက်ဆံပေးရမည်ဆိုသည့် အသိသာ ရှိကြသည် မဟုတ်လား။
" အစိုးရဆေးရုံမှာ ပိုက်ဆံပေးဖို့ မလိုပါဘူး ဆေးရုံမှာမရှိတဲ့ဟာတွေ ဝယ်ရရင်သာ ပိုက်ဆံလိုတာပါ "
" ဟုတ်ပြီဆရာ ကျေးဇူးပဲနော့် သွားလိုက်ဦးမယ် "
ဦးလေးကြီး ထွက်သွားမှ ဘေးနားကဆရာမနှင့် အပြန်အလှန်ကြည့်ကာပြုံးလိုက်မိကြသည်။ ဆရာမလေးကလည်း ပစ္စည်းတွေကို အမြန်သိမ်းလိုက်ရင်း ပြောသည်။
ESTÁ A LER
မောင့်ချယ်ရီ ဝေသောမြေ (Emergency Love Story)-Completed
Romanceခွဲစိတ်ဆရာဝန်နဲ့ အထွေထွေရောဂါကုဆရာဝန် ကြားက ဇာတ်လမ်းတစ်ပုဒ် ပါ မတူညီတဲ့ပြိုင်မျဥ်းတွေဟာ လားရာတစ်ခုတည်းအတူသွားကြတဲ့အချိန်မှာ မတော်တဆ ဆုံစည်းမိတတ်ကြတာပဲ မဟုတ်ပါလား အရေးပေါ်အခြေနေတွေကြားကနေ ဖြစ်ပေါ်လာမယ့် အချစ် Emergency Love Story ပါပဲ
