ورد بعد ما سمع صوت والده رد عليه مباشرة وهو بالطابق الثاني:ها يابه
بنفس النبره:انزل ورد
ترك ورد الفرجه مال صبغ الي بيده وطلع من الغرفه الي جان يصبغ بيها متوجه لطابق الجوه واكف كدام ابوه ورافع حاجبه بستفهام
:شني ما خلصت الغرفه
ورد:لا بقن حايطين واخلص
:اي اليوم بجينا ابن عمك علي اريدك تغسل وترتب نفسك
ورد:ليش؟
:عيب من ابن عمك يشوفك مخربط وهو مرتب
ورد:صار يابه
سكت ثواني وحجه:شوكت يجي هو؟
:الليله 7 ونص هيج كال
همهم ورد وراح يكمل شغله هو ما يشتغل صباغ ولكن يعرف لهذا السبب اهله ما يجيبون صباغ هو يصبغ اما عن شغله فهو بالجامعه مرحله ثالثه..........خلص واخذ الخاولي ناوي يطب يسبح على السريع لكون ممكن واحد من اخوانه يحتاج الحمام..غسل وكمل وضل يصيح من وره الباب
ورد بصوت عالي:يمهههههههه
اخو عادل بصوت عالي:شتريد
ورد بصوت عالي:ملابسيي!
طلع عادل من المطبخ وراح للحمام ورزل ورد بصوت عالي:ادري شنو انتَ من بشر زمال خوما زمال هيه ملابس اخذهن وياك قبل لتطب للخره!
ورد:يتبللن،وجيبلي من الكنتور هياته بصفك مترتين ميبعد جيبلي هذا التراك سود الي اشتريته البارحه
تنهد عادل وراح لكنتور ورد فتحه وجر العلاكه وفتح باب الحمام شمرهن على ورد ورجع يكمل شغله..لبسهن ورد وطلع من الحمام طب للهول ولگه مرة عادل گاعده تشرب ابنها حليب
ورد وهو ينشف شعره بخاولي'منشفه صغيره:اكلج شيماء عادي اخذ شسوارج اسوي بي شعري!
(مداقصد مقتدى.همم اسم عابر، اقصد بي اسم ابو ابن عمه الي هو يصير اخو حميد ابو ورد ولمن تگول شيماء عمي تقصد ابو ورد اسمه حميد و ورد ماعنده بس اخو عادل وامه يم بيت اهلها وهاي عائلة ورد كلها)
شيماء:هلا بيهم صالهم هواي مجايين
عفط ورد:يا هواي مجايين ذوله النغوله جيتهم تكلف اليوم ابويه يذبح 3 طليان على جيتهم عود ناس طاكه واحنا لازم نبين يمهم زناكين وهو عمج الباسه مداينه..
ورد لف الخاولي على راسه عبالك شماغ تلثم بي ويتلفت بشكل مضحك وهو يحاجي شيماء بنية اضحاكها:نوب يكولون يدور ولد واني الخاولي عليه مبين غتره خاف يخيل عليه هذا!!
ضحكت شيماء:ايي واذا يدور ولد،وبعدين خلي يخلي عليك الا متى تضل عانس على گلبنا بلكت تزوج شي هههه اي و والله انتَ صاك تمشي بسرعه
وبلفعل ورد جان شكله حلو وجذاب عيونه مسحوبه وخشمه منبل عدل وصغيروني وحلكه صغير ومليان وابيض وشعره نازل على عينه لان سابح ومبلل بس هو بلعاده يرفعه يطلع يخبل اما التراك الي لابسه جان لونه زيتوني جان شورت جوه الركبه شويه وقميص زيتوني عليه كتابات انكليزيه وعريض جان صيفي..جانت علاقته هو وشيماء كلش حلوه عباره ضحك وشقه وتحشيش شيماء تحبه اكثر من زوجهه لان عادل جدي تحسه عبالك شايب بينما ورد ف حيل لطيف وسبورت ودائما لمن ضايجه يطلعها عن جو الكئابه الي هيه بي وتعرف ميوله ومع ذلك تشجعه بس ورد الخايف منه انو بحب وهيج ويعيش اللحضات يخاف من المرض الي ينتقل من ممارسة الجنس او البوس حتى خايف من هاي الشغلات ومن انو ممكن يستغله الشخص الي يحبه ويضحك عليه ويعيشه اجواء وهميه ويعوفه ويروح ولو هو نفسه يحب ويعيش قصص حب خياليه وبرضى اهله ويطب ويطلع ميحب شي بلختلات أبداً..
ـــــــــــــــــــــــــــــــــــــــــــــــ
Oops! This image does not follow our content guidelines. To continue publishing, please remove it or upload a different image.
وبحبك اعيش احلى عمر...
هذا شعر من يمي..روايه جديده والله عندي دراسه وملحكت اكتب الف بارت وهيج ف گلت خلي انشرها وكل فتره ازرك انزل بارت واروح 🖤
