" ဆရာမရေ ကျွန်တော့်အခန်းထဲက ကော်ဖီကုန်သွားလို့ ဆရာမတို့ဆီမှာများ ရှိဦးမလား "
တာဝန်ကျဆရာမလေးများက တစ်ယောက်မျက်နှာတစ်ယောက်ကြည့်ကာ ခပ်တိုးတိုးမေးမြန်းကြသည်။
" ကျွန်မတို့ဆီလည်း မရှိဘူးဆရာ worker တစ်ယောက်ကို သွားဝယ်ခိုင်းလိုက်ရမလား "
အလုပ်သမားတစ်ယောက်ကို သွားဝယ်ခိုင်းလိုက်မည်တွေးလိုက်ပေမယ့် မကြာခင် ခွဲစိတ် ခန်းကထွက်လာမည့် လူနာကို သွားကြိုရပေဦးမည်။
" နေပါစေတော့ ဆရာမ.. OT က patient လာရင် သွားကြိုရဦးမယ်လေ "
(ခွဲစိတ်ခန်းက လူနာပြန်လာရင် သွားကြိုရပါမယ် )
" medical ward မှာတော့ ရှိတယ်ဆရာ ဆရာ အရုဏ်ကလည်း ကော်ဖီမကြိုက်တော့ ဒီတိုင်းပဲသိမ်းထားလိုက်တာ ကျွန်မသွားယူပေးမယ်နော် "
( medical ward ဖျားနာဆောင်)
ဖျားနာဆောင်မှ ဆရာမတစ်ယောက်က အနားတွင်ရှိနေသဖြင့် ပြောလာသည်။ အရုဏ်ဦး ဆိုသူရဲ့ အမည်ကိုကြားလိုက်ရုံဖြင့် အေးစက်စက် ခံစားချက်ကိုပါ ခံစားလိုက်မိသည်။ သူနှင့် Dr.အရုဏ်ဦးဟာ တကယ်ကို ဆန့်ကျင်ဘက်လူနှစ်ယောက်ပင်။သူဟာ တစ်နေ့ ကော်ဖီတစ်ခွက်မသောက်ရမနေနိုင်ပေမယ့် အရုဏ်ဦးကတော့ ကော်ဖီကို တစ်စက်ကလေးတောင်မှ မသောက်သည့်သူ။
" အဲ့ဒါဆိုလည်း ကျေးဇူးပဲနော် ဆရာမ "
ကောင်တာနားမှာ ဝင်ထိုင်လိုက်ပြီး အနားရှိ လက်ထောက်ဆရာဝန် ဖြိုးသူကို မေးလိုက်သည်။
" OT က chart လာပို့ပြီလား "
" ရောက်နေပြီဆရာ post op treatment မပါသေးဘူးဗျ "
" ပေး ပေး "
( chart_ လူနာမှတ်တမ်း
post op treatment ခွဲစိတ်ပြီး နောက်ညွှန်ကြားချက်များ)
ခွဲစိတ်ပြီးလူနာအတွက် ဆေးမပေးရသေးသဖြင့် မှတ်တမ်းထဲတွင်ချရေးရသည်။ ရေးရင်းနဲ့ အနားတွင်ရှိသော ဆရာမတွေကိုလည်း ညွှန်ကြားရသည်။
" ဆရာမရေ OT patient ရောက်လာရင် ECG လေး တစ်ချက်ဆွဲပေးပါဦး ပြီးရင် Dr. အရုဏ်ကိုလည်း show ပေးပါဦးနော် "
YOU ARE READING
မောင့်ချယ်ရီ ဝေသောမြေ (Emergency Love Story)-Completed
Romanceခွဲစိတ်ဆရာဝန်နဲ့ အထွေထွေရောဂါကုဆရာဝန် ကြားက ဇာတ်လမ်းတစ်ပုဒ် ပါ မတူညီတဲ့ပြိုင်မျဥ်းတွေဟာ လားရာတစ်ခုတည်းအတူသွားကြတဲ့အချိန်မှာ မတော်တဆ ဆုံစည်းမိတတ်ကြတာပဲ မဟုတ်ပါလား အရေးပေါ်အခြေနေတွေကြားကနေ ဖြစ်ပေါ်လာမယ့် အချစ် Emergency Love Story ပါပဲ
