السلام عليكم حبيباتي ، وياكم الكاتبه زهراء طبعاً هاي اول قصه الي واتمنى تدعموني ، ان شاء الله تعجبكم القصه
قصتي خيال ، تجربه
_________________مـشهد الاول
تـركـيا- إسـطنبـول
جالسة على الكرسي في يدي اليسار كوب من القهوه و ايدي اليمنى فرشاة الرسم ، أرسم بهدوء و حـب ، الـرسـم يأخذني الى عالم اخر ، عـالم ما بي بس انـا و فرشاة الـرسم ، هـاي انـا من اضوج اكعد ارسم ، جـنت كاعدة ارسم بأمان الله فجاة رن تلفوني خرب كل اجوائي ،
شفت المتصل رقم غريب ! رقم عراقي!!
جـاوبت ؛- الـو
محد يرد!
:- الو يمعودين ، جاي اسد الخط سمعت صوته !!! بعد سنتين سمعت صوته !! هوه !
همس بتعب ، حـزن :- حـوبتج دمرتنـي
__________مـشهد الثانـي
بـغداد الساعة 5:57
دخلت لابسه عبايه على وجها منقبة بسلاسل مرصعة بالذهب تخفي ملامحها بارز بس عيونها السوداء
اشتغلت اغنيه ساجده عبيد ( ذبـي العـبايه)
ذبت العبايه وضلت تتمايل مع الاغنيه اني بنيه انعجبت بيها ضليت فاكه حلكي الجسم شنو ! لو ركصها لابسه فستان اسود ضيگ لحد الساق كلش حلوه وكل الموجودات بالعرس يباوعن عليها
؛- رحاب هاي التركص منو
رحـاب:- ولج معرفتيها هاي ايفان
______مـشهـد الـثالث
تعب، خوف، توتر، ضليت اون وجع رجليه وكفت يم الشجره الهث من الركض
تعبت ما اكدر اركض بس لازم اطلع من الغابه قبل لا يلكاني ضليت امشي على كيف الغابه عباره عن ظلام سمعت صوت خطوات ضليت اركض وادعي تعبت ما اعرف وين اروح الغابه عباره عن اشجار وكلشي مجاي اشوف
ما حسيت له اسلاح صار على راسي
انتهيت هاي هيه لكاني
ايده انمدت على خصري ، ضهري صار على صدره ،
همس بأذني بصوته المرعب :- انـه مثل خيالج وراج وراج
وراح يبدي جـحيمـي ويـا
😈 . . .
عـزيزاتـي ادري م فهمتو شي ان شاء الله بـ البارتات القادمه يتوضح كلشي اريد بس الدعم منكم🦋💙
2022/12/12
