اسكربتات مُتنوعة"بقلم رُقية محمد عبداللاه"

24

وقفنا في نظام كُل بنتين إتقابلوا مع بعض في أوضة واحدة وبدأنا نفكر هو إحنا جايين نتعلم ولا جايين نتحبس طلعنا وغيرنا هدومنا والأوضة كبيرة وفيها سريرين وكل واحد دولاب صغير وفي حمام مُشترك
ما بين الشخصين.

الليل ليل بسرعة وأكلنا والحمدلله تُقى قعدت تصلي وفجأة وهي بتصلي في آخِر ركعة سمعت صوت شهقتها وهي بتحاول تمنعها رفعت حاجبي وكُنت مستغربة أوي من ردة فعلها فقربت منها وهي بتمسح دموعها

_ خير يا تُقى مالك يا حبيبتي؟
•....!
_ طب مبترديش عليّا ليه؟ مش هترتاحي في الكلام معايا؟ طب إسمحيلي اقرالك كام آية من إللي حفاظهم لرقية الشرعية يهدوكي!

قعدت جنبها وحطيت يدي على راسها وهي كانت مُتوترة وفجأة وأنا بقرألها أواخر سورة البقرة قالت بكسوف:
• إحكيلك؟
_ لو شيفاني هستأمنك على سِرك إحكي؟
• أنا إرتحتلك أوي وربنا يعلم قلبي إنشرح لمَّ قرأتي القرآن إزاي!
_ أصل صوتي حلو
• طب سيبيلي مِساحة أعاكس؟
_ ها لو حابه تحكي أنا موجودة في إي وقت

أخدت نفس طويل وإتكلمت:
• أصل أنا بحب!
_ وإللي يحب يعيط يا تُقى؟
كُنت مِستعجبة أوي
• مِش كده إلحكاية إهدي!
_ هو مبيحبكيش؟
• إسمعيني!
_ طب قوتيلُه بحبك قبل كده وراح كسفك
• يخرب بيت الروايات إللي أكلت دماغنا ما تسكتي والدة كلبة في بوقك!
_ لا دي إهانة وِ مش هسكت عليها
• رُقيااااااا!
_ إني آسفةٌ يا فتاة لم أتعمد إن أضايقك
• هو!
_ مالُه هو؟
• بيحبني من خمس سنين!
_ وه يا بت هتتحسدوا!
• وعلى إيه يا حسرة؟ إسمعيني للآخِر!
_ كُل آذاني صاغية
• كُنا مع بعض في الإعدادي وبعدين لمَّ دخلنا الثانوية كُنا في نفس الدروس
_ قصة حُب تُحترم
• أنا مكنتش حاسه بيه ولا بحبُه ولا بهتم بيه تمامًا كان لبسي بناطيل ودلع البنات والفاشون والموضة والكلام ده هو إنسان مُحترم جدًا وأحلى حاجه فيه حافظ القرآن الكريم وصوته جميل جدًا بحسه في وداني كُل دقيقة والتانية
_ لا دَه إحنا محبيناش وبس ده إحنا إتجنينا كمان إحكي.
• واللهِ هتصدقيني لو قولتلك إني حاسة نفسي بحبه من أول السنة دي بس!
_ ده إنتِ جبلة
• واللهِ زي ما بقولك كده مش عارفه حاسه نفسي فجأة حبيتُه وبدأت إدعي لو كان ليا خير فيه ربنا يقدم فيه الخير
_ يا رب ويُرزقنا جميعًا
• إتقدملي بعد إمتحانات الثانوية العامة وقبل النتيجة مرة وبابا رفضه بحجه إنُه صغير أو الأصح لمَّ تطلع النتيجة.. بعد ما طلعت النتيجة وجاب المجموع اللي بيحلم بيه إتقدملي وإترفض وقبل ما إنزل الكُلية إتقدملي وإترفض وأنا مِش عارفه إيه اللي حصلي بحس نفسي!
_ بتحسي بإيه!؟
• أنا لو عارفه أحدد إللي جوايا ڪُنت شخصته ولڪن مش عارفه ڪُل إللي حاسه بيه إني حبيته وده إزاي وإمتى معرفش!
حكيت شعري وسرحت دقيقتين وقولت:
_ يبقا هو إللي ڪان بيسأل ربنا عنك في قيام الليل بإن ربنا يڪرمڪم ويجمع ما بينكم ويحببكم في بعض
• يمكن أنا مِلغبطة ومُشوشة جامد أوي ومِحتارة ومِش لاقيه تفسير للي بيحصل ونفسيتي زفت خالص
_ قولي الحمدلله
• واللهِ بقول الحمدلله وبدعي كتير!
_ يا رب، مش نقوم ننام نرتاح شوية؟
• يلا يا حُب ننام