و صلوا الشقه اللي عدال الفندق لكن محد كان مرتاح انه يرقد في ها المكان دخلوا الشقه و حطوا اغراضهم لكن ميره تمت واقفه عند الباب و تقول ميره :اخ لاه شو ها الارف و الوصخ انتو كيف تبونا نرقد هني المكان شكله محد دخله من زمان المكان كله غبار و شبك عنكبوت ويع
ابو شيخه: ادخلي و خلي عنج ها الدلع و هاي الحركات اللي مالها داعي
ميره : اف عمي انته كيف مستحمل
اول ما تدخل الشقه علطول بتحصل جدامك الصاله و بتحصل فيها غنفه و تيلفزيون جديم
و المطبخ علئ اليمين و الغرف موزعه في الشقه
الشقه مكونه من 3 غرف
الغرفة الاولى : تحتوي علئ سرير كبير لكنه قديم جدًا الغرفه الاولى اخذها ابو مهره (زايد هو و حرمته (بدور)
الغرفة الثانية: تحتوي علئ سريرين منفصلات اخذتها علياء و بنتها شيخه
الغرفة الثالثة : بس فيها سرير واحد و محطوط علئ الزاويه و جديم وايد و اخذها ابو شيخه (حمدان)
و مهره و ميره بيرقدون علئ الغنفه لكن الغنفه وايد صغيره لكن هم ضعاف ف كفتهم و كل حد دخل غرفته و رقد لكن زايد حس ب شي ثجيل فوقه و نش من الرقاد و حصل غرشه فيها ماي و خذاها و شربها لكن الماي كان حار و رجع كمل رقاده
انتبهت ميره الساعه 2:45 الفجر علئ صوت قطوه سودا تركض صوب المطبخ و تمت تصارخ لين ما كل حد في الشقه نش من الرقاد و سارو الصاله و ابوها سار يهديها و قالها شو بلاج ليش تصارخين قالت شي قطوه سودا سارت صوب المطبخ قالها كيف بدش القطوة و نحنا في الطابق الثالث قالتله سير شوف و تئكد بروحك و سار ابو مهره (زايد)سار و حصل القطوع لكن ابو مهره (زايد )كان متأكد ان هاذي مب قطوه هاذا جن مب قطوه و سار عند بنته و قال لها خلاص كشيتها و طلعت من جامت المطبخ لكن ميره كانت متئكده انا ابوها كان يقص عليها عشان يهديها
قال ابو مهره (زايد ) حق ميره سيري ارقدي في الحجره عدال امج
مهره : وانا اتم بروحي هني لا ما يخصني بسير وياها
ابو مهره (زايد ) :ه ه ه ه
عليا ام شيخه: تنتبه انه في حد يالس يسحب اللحاف من عندها و هي ماسكتنه مب طايعه تهده
و نشوا الصبح كلهم يجهزون اغراضهم عشان يطلعون من الشقه الغريب هاذا كلهم واقفين عند الباب عشان يطلعون لكن هني كانت الصدمة انه الباب ما يفتح و كلهم يحاولون يفتحون الباب لكن مب طايع يفتح
يتبع...
