" ဆရာမိုးသောက် မင်္ဂလာပါ "
" မင်္ဂလာပါ "
" ဟာ ဆရာ သန့်လှချည်လား "
" ပုံမှန်ပါပဲဗျာ "
အပြန်အလှန်နှုတ်ဆက်နေကြရင်း သူနာပြုဆရာမလေးက ထအော်သည်။
" ဆရာမိုးသောက် "
" ဗျာ "
" ဘာလို့ နှင်းဆီပန်းအနီကြီး ရင်ဘတ်ထိုးလာရတာလဲ ဟာ တကယ်ပါပဲ ဆရာကလည်း "
ဆေးရုံရှိ ဝန်ထမ်းများရဲ့ အစွဲတွေကို ယခုမှပင်သတိရမိတော့သည်။ နှင်းဆီပန်းကို မြင်စဥ်ကတော့ လှလွန်းသဖြင့် ရင်ဘတ်မှာ ထိုးထားလိုက်ခြင်းသာ။ ဆေးရုံမှ အယူအဆတစ်ခုက ဝန်ထမ်းတစ်ယောက်ဟာ ဆေးရုံကိုလာစဥ်မှာ အနီရောင်ယူဆောင်လာခဲ့လျှင် လူနာရှုပ်တတ်သည်တဲ့လေ။
" sorry ဆရာမရေ ကျွန်တော် တကယ်ကို မေ့သွားလို့ပါဗျာ ပြန်ဖြုတ်လိုက်ပြီနော် "
ရင်ဘတ်က ပန်းကိုဖြုတ်နေသည့်အခိုက်မှာပဲ အရေးပေါ်ကားသံ တဝီဝီကို ကြားလိုက်ရတော့သည်။
"ဝှီ..ဝီ....ဝှီ...ဝီ "
" ကဲ ဆရာ "
အပြစ်တင်သည်မဟုတ်ပေမယ့် 'တွေ့တယ်မလား ' ဆိုသည့်သဘောဖြင့် ကြည့်လာသည့် ဝန်ထမ်းတွေကြောင့် ရယ်ရယ်မောမောနဲ့ သာ ငြိမ်နေလိုက်ရတော့သည်။ ကားပေါ်ပါလာသည့် ပရဟိတအသင်းမှ လူတစ်ယောက်က တာဝန်ကျ ဆရာဝန်ဆီသွားကာ လူနာအကြောင်းသိသမျှ ပြောလာသည်။
" ကားနဲ့ ဆိုင်ကယ် တိုက်တာ ဆရာ ခြေထောက်ကျိုးသွားတယ်လို့လည်း ထင်တယ်ဆရာ အခြားပြင်ပဒဏ်ရာတော့ ဆိုးဆိုးရွားရွားမရှိဘူး မိသားစုတွေလည်း နောက်ကလိုက်လာနေပြီ "
ထိုအချိန်မှာ ကျန်ရှိသည့် ဆရာဝန်အငယ်နဲ့ ဆရာမတွေကတော့ လူနာအနားပြေးသွားကာ လိုအပ်သည့် စစ်ဆေးမှုများ လုပ်နေခဲ့သည်။ လူနာက သက်ကြီးပိုင်းအရွယ် တိုင်းရင်းသား ယောကျ်ားတစ်ယောက်ပင်။
"ဆရာ၊ အစ်ကိုသီဟ BP က 80/60 ပဲရှိနေတယ် Pulse ကလည်း နည်းနည်းတော့ faint ဖြစ်တယ် ညာဘက်ခြေထောက် ကတော့ BB fracture ဖြစ်လောက်မယ် "
YOU ARE READING
မောင့်ချယ်ရီ ဝေသောမြေ (Emergency Love Story)-Completed
Romanceခွဲစိတ်ဆရာဝန်နဲ့ အထွေထွေရောဂါကုဆရာဝန် ကြားက ဇာတ်လမ်းတစ်ပုဒ် ပါ မတူညီတဲ့ပြိုင်မျဥ်းတွေဟာ လားရာတစ်ခုတည်းအတူသွားကြတဲ့အချိန်မှာ မတော်တဆ ဆုံစည်းမိတတ်ကြတာပဲ မဟုတ်ပါလား အရေးပေါ်အခြေနေတွေကြားကနေ ဖြစ်ပေါ်လာမယ့် အချစ် Emergency Love Story ပါပဲ
