حين أتى

١٨

#حين_اتى

تعليقكم ع الفقرات 💚
______________________¹⁸

كنت اتجرع دفعات من الألم
حتى شعرت بغياب عقلي ولم أفقه شيئاً
تمنيت لو ان ألمي البسيط لم يكن منك

ماتحرك من كدامي لحد ما السيارات كلها حركت للزفة خلة السيارة كدامي مباشرة
واخذني لازم ايدي صعد الجنط واخذني لبيتنة بس وصلت دخلت للأستقبال رديت الباب وراي
ثوبي البيتي بعدة بألاستقبال لبستة تغطيت وتمددت بفراشي

وهو ما الة صوت ولا حجة وياي بس تلفونة دك دخل للغرفة مبدل گلي راح اطلع كومي سدي الباب وراي
...ضياء وديني يم أهلي
...كطنة وطلعيها من اذنج وهسة كومي سدي  الباب
ضربت ع خدي بهستيريا
...ممضطرة اتحملك ممضطرة اعتقني والله يا ضياء لو مو عرس اختي اليوم وماريد بدايتها مشاكل جان هسة خابرت أبوية

...وشتكوليلة شنو سبب وضعج ؟
...اكولة جنت وي شباب رايحين ع الشط اشم هوة
ضحك مستهزء بية ...عفية عليج
... والله الا احرك گلبك تطلگني وتشوف اذا ما انزع البوشية والعباية ما اطلع زهراء
نگلب وجهة لميت جسمي بالبطانية
...ولعلمك ماكو طلعة هسة روح بدل ملابسك
...هه شنو ؟!
...بكيفك اطلع ، واني هم ما ابقالك اخابر أبوية والله بس تخطي خطوة وحدة

ضحك بقوة بس واضح عصبي ...لا والله !!
خزرني وصل يم الباب صرخت
... والله تندم والله اخابر بابا
رجع يمشي سريع خفت لا علية ابتعدت لآخر الغرفة
اخذ موبايلي من يمي وطلع من البيت
ماطول نص ساعة ورجعلي بيدة علبة اكل وعلبة مال بيتزا وعصير حطهن كدامي
درت وجهي راد يروح من شافني هيج رجعلي
...تعشي
...ماريد
...اكلي حتى ترجع صحتج
...الله يخليك ضياء ماريد منك شي ولا اريد اكل
بس وديني ارتاح يم أهلي احس شي هيج نايم ع گلبي ومخنوكة حتلو فترة زغيرة
وجهة لأن ورجع يحجي بحزم
... خلص تعشي وتعاي نامي ارتاحي انسي تروحين لأهلج واودعدج هالايام راح تكون افضل

...ممنتضرة منك شي صرت اعرفك صح وصرت اعرف الزلة يمك ذنب لايغتفر وحياتي وياك كإني ماشية ع سراط مستقيم

كعدت وحجيت بجدية
...ضياء اني مو طير حتى تخلي بقفص وماتريد تسمع منة غير تغريدات تونسك
اني جزء منك تقبل وحدة من عيونك ماتشوف بس الفرح والثانية مخلصتها بجي
شون راضي علية كل هالأذية وساكت

...انتي غلطتي واعرف لو هسة يرجع الوقت هم تعيدين الغلط واعرف تستمرين بأغلاطج بدون ماتعترفين بيها 
...كم مرة كلتلك آسفة والله تعبت اني ماعندي احد غيرك بالبيت حتى لمن انت تعوفني لو تزعل احجي ويا ابقة وحدي وي أفكاري وحزني وانت ميهمك
ضل يباوعلي بقوة نضرات عينة تكول بعد
أيدة الباردة مانمدت لأيدي وشدت عليها

...اكلي هسة وبعدين نحجي
...وانت ؟
...متعشي ماعليج بية اكلي
فتح العصير ونطانيا وفتح علبة البيتزا
وعلبة كص بقة كاعد لحد ما اكلت وخلصت كام ، جريت نفس وشلت الباقي من الاكل ضميتة بالثلاجة وسويت جاي وديتلة كوب الة وكوب الي