المتمرد و الصغيره

البارت الرابع

راهب- أريد احاچيچ بشي .

إيزل- وشنو هو ؟.

راهب- بما انو انتي فصليتي ومتزوجين شرعياً و سمر همينَ مرتي صح .

إيزل- اي؟.

راهب- ابوي قرر كل لليله يم وحده .

إيزل:

من گال هيج احس نفسي دتطير من الفرحه بس ما اعرف ليش وهزيت براسي ..

راهب- ها شرايچ؟.

إيزل- الي تريده يجرالك .

راهب- تمام ...

وگف وراد يطلع واندار عليه .

راهب- حضري نفسچ الليله..

إيزل- ليش؟.

راهب- حضري وبدون ليش مفهوم!؟.

إيزل- صار .

طلع وبقيت أغسل المواعين وكملت التنظيف وصعدت فوگ ولگيت سمر تحجي وي امها وآني بسرعه خطفت وره الباب واسمعهم ..

تُقىٰ: بعد يومين وما اخليه يصير لغيرچ .

سمر: ماما بس اخاف يشكون .

تُقىٰ: ما عليچ انتي بس ركزي على شغلي ومالچ دخل ..

إيزل:
بسرعه طلعت التلفون وسجلت كلشي ..

سمر- واذا احد دره هذا سحر .

تُقىٰ- محد يدري إذا انتي سكتي يلا اني رايحه .

سمر- يلا ماما اوصلچ للباب ..

إيزل:

ركضت ودخلت غرفة هُمام والحمدلله ما كشفتني ..

انداريت ولگيت همام مصدومه ..

إيزل- همام ، ولچ اخوچ ..

هُمام- شبيه! .

عاد هي وگفت بفزع وخايفه .

إيزل- هذي مرت اخوچ تريد تسوي لـ راهب سحر!.

همام- يمه ، أهخ گلبي ..

إيزل- التسجيل عندي .

همام- شنو منتظرين .

إيزل- يلا مشينه! .

نزلنا اني و همام ركض وچانت ام سمر و سمر والكل مجتمعين وكاعدين .

همام- لچ شنو انتي ما تستحين ما تخافين ربچ الي بگدچ هسه بالگبور .

راهب- همام احترمي نفسچ شنو دتحجين انتي!.

همام- اسأل عمتك بلا .

راهب- إيزل شصاير!.

إيزل- تفضل اسمع التسجيل .

خمش التلفون من ايدي وسمع التسجيل وبدأ يضحك ..

راهب- لچ انتي عود صدگ ، تردين تخربين بيتي؟ ، عمتي تُقىٰ ما تحجي بالمعنى خرسه!! -بعصبيه- .

إيزل- والله سمعتها تحجي شبيك انت!..

راهب- أمشي لچ اني اعلمچ اليوم!..

جرني من شعري وسحبني للغرفه والكل يصيح ويدگون بالباب بس تجاهلهم، ودخلني وبدا يضرب ويعذب بكل قوته فوگ الثلاث ساعات وهو بس يضرب ..

أني انغمى عليه من الضرب حتى جلدي صار أزرگ بسبب الضرب ..

طلع والكل بدأ يبچي ويلومه ....

مرت ساعات وصارت الساعة بـ 9:30 فتحت عيوني شوي شوي ..

انداريت ولگيت همام لازمه القرآن وتحجي وهي تدمع ..

إيزل- همام -بصوت متعوب- .

همام- اسم الله عليچ يروحي عذريني والله ما چان بيدي .. -بـ بچي- .

إيزل- الغلط مو منچ ، بسبب الي حبه گلبي وركضت حتى بس انبهه بس شصار ..

همام- كافي لا تحجين هيچ ارتاحي هسه والله ما يردلچ ..

عاد اني نمت لحد ما صار الصبح ، گعدت وگمت بهدوء لان ألم بكل جسمي ..

دخلت الحمام وسبحت واشوف الضرب بكل جسمي ..

طلعت ودخل راهب وآني بديت أرجف وبلعت ريجي ..

راهب- إيزل الي صار....

إيزل- راهب اريد اطلگ وشيصير خلي يصير ..

راهب- إيزل أني آسف عرفت غلطي ....

إيزل- طلگني ما اتحمل بعد ..

راهب- تمام ..

اباوع على جسمها چان مزورگ من الضرب احس نفسي واحد قذر ..

ردت بس الزمها واحضنها بس هي بعدت ...

إيزل- شتريد بعد مني ! ، كافي تره وصلت حدها !! ، ما اريدگ خلاص طلگني ما اريدك ، وايدك ما تمدها علي مره ثانيه ..

راهب:

باوعت بعيونها كل الحقد هذا علي والغلط مني وما ينغفر .

راهب- حضري نفسچ راح اوديچ لاهلچ .

إيزل- إطلع بره أريد أغير ملابسي ..

راهب- تره اني رچلچ .

إيزل- چنت بس هسه لا .

راهب- براحتچ ..

طلع وسديت الباب وبچيت بحرگه بس يستاهل مو اني الي اسامح الي يغلط بحقي ويطلعني غلطانه .

لميت غراضي بسرعه وبدلت وطلعت ..

لگيت الكل يم الباب حتى عمي ..

ألاب- بويه عذريني ما گدرت احميچ ..

إيزل- ولا يهمك عمي انتم معذورين .

همام- الله يخليچ ابقي ولا ترحين .

إيزل- خلص وقتي همام ..

راهب- يلا نروح ..

حضنتهم واحد واحد راهب راد يحضني بس وخرت عنه وطلعت ..

دخلت السيارة وهو دخل همات و بدا يسوق للبيت اهلي

وصلنه وآني نزلت ونزلت الاغراض ...

راهب- إيزل آسف ..

إيزل- بعد وكت ، صحيح الورقه باچر اريدها .

دخلت بدون ما اسمعله..

.
.
.

دخلت البيت ولكيت امي تبچي بحضن ابوي .

إيزل- ماما ، بابا

اندارو عليه وبسرعه نزلت وحضنتهم بشوگ احس ما شفتهم سنين .

......