All He Ever Wanted(Completed)

27

Jungkookမျက်နှာက ပို၍ စူပုတ်သုံမှုန်လာပြီး

"မသိဘူး ကျွန်တော် သဝန်တိုတယ်ကိုကိုရဲ့"

Jeonကို ကြည့်ပြီး သူ သဘောတကျရယ်မိတော့သည်။တစ်ခါတစ်လေ သူ့ယောက်ျားက တကယ့်ကလေးလေးလိုပဲ။

စူပုတ်ပုတ်မျက်နှာလေးက တောင့်တင်းသန်မာနေသည့် လက်မောင်းသားများနှင့် မလိုက်မဖက်ဟု ထင်ရနိုင်သော်လည်း သူ့အတွက်တော့ ချစ်ဖို့ကောင်းလှသည်၊ ဖိညှစ်ပစ်ချင်သည်။

"ကိုကိုက ဘာလို့ ရယ်တာလဲ?"

"Jeonက ချစ်ဖို့ကောင်းလို့လေ"

"ချစ်ဖို့ကောင်းတယ်ဆိုတော့ ချစ်လား?"

"ချစ်တာပေါ့ အကိုက Jeonကို အများကြီး ချစ်တာ"

"ဒါဆို ဘာလို့ ကျွန်တော့်ကို သဝန်တိုအောင် လုပ်ရတာလဲ?စိတ်မကောင်းဖြစ်ရတယ်လေ.. ချစ်တယ်ဆိုရင် အဲ့လို မပျော်အောင်မလုပ်ရဘူးဗျ"

"ကဲ! ပြောပါဦး Jeonပျော်သွားအောင် အကိုက ဘာလုပ်ပေးရမလဲပြော"

"ဖက်ထားပေး ကျွန်တော့်ကို"

"လာပါပြီခင်ဗျာ"

Tae Hyungက ခပ်မြူးမြူးလေးဆိုပြီးနောက် ထိုင်နေရာမှ မဆိုင်းမတွပဲ ထရပ်လိုက်သည်။

ထို့နောက် ထိုင်ခုံမှာထိုင်နေသည့် သူ့ယောက်ျားဂျစ်တူးလေးကို အားပါးတရဖက်ပစ်လိုက်သည်။

Jungkook၏ လက်များက Tae Hyung၏ ခါးကို ပြန်လည်၍ ကျစ်ကျစ်သည်းသည်း သိုင်းဖက်သည်။

"ကဲ ပျော်သွားပြီလားဗျ"

"သိပ်မပျော်သေးဘူး..ဖက်ထားပေးဦး ကိုကိုရယ်..နော်!"

"ဟုတ်ပါပြီဗျာ"

ကိုကို့ရယ်သံလွင်လွင်လေးတွေက ထမင်းစားခန်းအနှံ့ပျံ့နှံ့သွားသည်။

ကိုကို့ရယ်သံလေးတွေကို သူသိပ်ချစ်သည်။ရုပ်ရှင်ကြည့်ရင်း သဘောကျစရာတွေ့လို့ တခစ်ခစ်ရယ်တတ်သည့် ရယ်သံကအစ သူချစ်သည်။

ကိုကိုနဲ့ ပတ်သက်သမျှ အရာရာတိုင်းကို သူမြတ်နိုးသည်။လူတစ်ယောက်ကို ဤမျှလောက်အထိ နင့်နင့်သည်းသည်း ချစ်ခင်မြတ်နိုးမိလိမ့်မယ်ဟု သူဘယ်တော့မှ မတွေးဖူးခဲ့။