" ငါမေးတာမဖြေဘဲ ဘာတွေတွေးနေပြန်တာလဲ ကိုချမ်းရ "
ညစာသင်ဝိုင်းမှာအောက်လင်းဓာတ်မီးထွန်းဖို့ပြင်တာကိုငေးကြည့်နေဆဲမှာပဲ အောက်လင်းဓာတ်မီးကိုပြင်နေတဲ့ လူပျိုကြီးကိုသာတုတ်စကားကြောင့် ငြိမ်းချမ်းလန့်သလိုဖြစ်သွားသည်။
" ဘာမှမတွေးပါဘူးဗျ၊ အောက်လင်းဓာတ်မီးထွန်းဖို့ ကိုသာတုတ်လုပ်နေတာကိုစိတ်ဝင်စားလို့ကြည့်နေတာပဲကို "
" အေးလေ… ဒါပေမဲ့ မင်းကငါမေးနေတာကိုမှမကြားဘဲ "
" အမ်… ဘာမေးလိုက်တာလဲ "
" ဘုဏ်းမိုရ်ကဘယ်တော့ပြန်လာမှာလဲလို့မေးတာ "
" ထွေးမတို့အမေနဲ့အတူတူပြန်လာမယ်ပြောတာပဲ၊ ထွေးမတို့အမေနေကောင်းမှပြန်လာမှာပေါ့ "
" ဪ… ကြာဦးမှာလား… "
" သူပြောတာတော့မကြာလောက်ဘူးပြောတာပဲ၊ ဆေးရုံမှာဆေးစစ်ဘာညာလုပ်ပြီးရင် ရက်ချိန်ပေးလောက်တယ်တဲ့၊ အလွန်ဆုံးဆယ်ရက်အပြင်မကြာလောက်ဘူးလို့ပြောသွားတာ၊ ဒါနဲ့ ကိုသာတုတ် အဲဒါလေးကဘာလုပ်ရတဲ့ဟာလဲ "
အောက်လင်းဓာတ်မီးအောက်ခြေ ဓာတ်ဆီထည့်တဲ့အိုးပေါ်က လေထိုးတံလိုအရာလေးကိုငြိမ်းချမ်းကပြလိုက်သည်။
" လေထိုးတာလေ၊ "
" ဪ… ဘာလို့ထိုးရတာလဲ "
" ဒီထဲကိုလေပြည့်တွားမှ ဓာတ်ဆီကိုပန်းထုတ်တာမို့ပေါ့ဟ ဒီမှာကြည့် "
လူပျိုကြီးကိုသာတုတ်ကအောက်လင်းဓာတ်မီးကြီးကိုတစစီပြန်ဖြုတ်လိုက်သည်။
" မထွန်းဘဲထားတာကြာရင် ဒီဟာတွေကိုရေဆေးပစ်ရတယ်၊ ပြီးရင်ခြောက်အောင်ထားရတယ် "
ကိုသာတုတ်ကတစ်ခုချင်းစီကိုကိုင်ပြီးရှင်းပြသည်။
" ရေခြောက်တွားပြီဆိုမှ ဟောဒီနေရာလေးမှာမီးစာကိုတပ် "
အောက်လင်းဓာတ်မီးရဲ့အတွင်းဘက်ကအပေါ်တည့်တည့်အမိုးမှာငုတ်ကလေးတစ်ခုရှိသည်။ကိုသာတုတ်ကအဲဒီနေရာမှာ အိတ်ပုံစံပိုက်ကွန်လေးတစ်ခုကိုတပ်လိုက်သည်။
YOU ARE READING
💕 ချစ်သောအမောင်
Romanceနဖူးစာမှန်ပြီဆိုရင် သိကြားမင်းဆင်းခွဲတောင် မကွဲတော့ဘူးတဲ့ ❤️❤️ yawthawemaung နဖူးစာမွန္ၿပီဆိုရင္ သိၾကားမင္းဆင္းခြဲေတာင္ မကြဲေတာ့ဘူးတဲ့ ❤️❤️
