النسويه والذكوريه ......
اول شي رب العالمين خلقنه نوعين من الجنس (انثى وذكر)
وذٌكر في كتابه الشريف ( يا أيها الناس انا خلقناكم من ذكر وأنثى وجعلناكم شعوباً وقبائل )
يعني الجنسين هم مهمين في المجتمع؟
طيب خلينه نعرف شنو الذكوريه؟
هي مجموعه من الناس الي تنكر المرأه وتعتبر الرجل هوة صاحب الفضل والاحسن من النساء ويضلم المرأه وايضاً البعض يعنف المرأه ويقتلهه لغايه إثبات رجوله "الذكور" وهذا يسمى (عنصريه) ...
الكثير من النساء نضلمو وتعرضو للعنف والظلم بحجه العادات والتقاليد ومما أدى كراهيه وجهل في المجتمع يتكونون هذول الناس من صنفين نساء ورجال يعني (عدو المرأه هي المرأه) ويتربون على هذا الشيء من الصغر ويدعون الدين والحلال والحرام !!!!
ابتكرو وخلقو اشياء مذاكرهه الإسلام وشوهو سمعه الإسلام ودين محمد (ص) حرفو بكتاب الله العظيم على كيفهم
مثل.... بسم الله الرحمن الرحيم ( الرجال قوامون على النساء ) البعض من الجهله فسر الايه أن الرجل اقوى من المرأه اي يعني ضرب واهانه المرأه حلال !!
لكن تفسير الايه أن الرجل واجب عليه مراعاه المرأه ومتطلباته وهوة الي يعمل لحتى يوفر احتياجات المرأه ويحق لها الضرب في حاله واحده وهي الجلد عندما تزني فقط وليس القتل الجلد هذا هوة حكم الدين
والرسول محمد (ص) اوصى في المرأه وقال النساء قوارير لكن الوضع للاسف ديستاء اكثر والجهل ديزيد وهذي الفئه دتكبر
اما نجي على النوع الثاني الي هيه النسويه ....
من بعد ما تعرضت المرأه للظلم والتعنيف قامو بعض النساء بمجموعه تسمى النسويه اي يعني ترفض هذي العادات والتقاليد وترفض الظلم بأي شكل من الأشكال لكن البعض من النساء فهمو النسويه غلط .....
اعتبرو النسويه طرف محايد الهم ونكرو الإسلام تحت هذا المسمى نكرو الرجل الي هوة نصف الثاني من المجتمع واطعنو بالرجال الي هوة الاب والأخ والابن والزوج ويفكرون انو النسويه هيه قوتهه بممارسه بعض الأعمال الشاقه والصوت العالي والشتائم يعتبروهه هذي قدوة وقوة وايضا هذا الشيء يأدي إلى العنصريه في المجتمع .....
ومثل مذكرت الكم في البدايه رب العالمين خلقنه من ذكر وأنثى يعني عمليه مشتركه وكلشي لالله حكمه
العنصريه حرام والمحايده لطرف واحد حرام ....
الرجل الحقيقي هو الي يكون مقتدي بالرسول محمد (ص) والي ملتزم بدينه أتم التزام الرجل الحقيقي الي يكون كريم وحكيم ومعتبر الصوت العالي والضرب قوة ..
المرأه الحقيقيه الي تقتدي بالزهراء عليها السلام وتلتزم بدينهه الي تكون مثقفه وواعيه والي متعتبر التعري تطور ولا الصوت العالي قوة ..
الرجل يضحي في شبابه ويتعب في عمله ليوفر عيشه كريمه لأولاده وعائلته
المرأه تضحي في صحته وحياتهه لتحافظ على بيتها والأولاد
فلتنكرون المرأه والرجل ..
المرأه كائن لطيف وحنون لحد يكول عقلهه صغير المرأه نصف المجتمع وتربي النصف الاخر يحقلهه تعيش الحياة التريده وتأخذ القرار الي تريده بنفسه تدرس وتزوج الي تريده وتتعلم وتشتغل بالتالي (العلم نور والجهل ظلام)
اتمنى توصل حجايتي الثانيه بلا تجريح نيتي افيدكم كأخت ✨
فُفه 🤎.
