Sad But True ( Completed )

VOUS LISEZ

Nouvelles

စချစ်တာမောင်ဆိုရင် ဆက်ချစ်တာ ကိုယ်ပေါ့

#boylove #truestory

Part - 2

Depuis le début

par @Suu_KaNyar

ဘာကမောင့်ကိုပြောင်းလဲစေသလဲ ကျွန်တော်မသိသော်လည်း ကျွန်တော်သိတာကတော့ မောင့်အနားမှာ
ကျွန်တော် နေလို့ရမယ့်အချိန်ထိ နေချင်ခဲ့သည်။

'' ဒီပို့စ်အောက်မှာ မိန်းကလေးတွေချည်းပဲနော် ''

မောင်တင်ထားတဲ့ပုံတစ်ပုံအောက်မှာ ပလူပြန်နေတဲ့ ကော်မန့်တွေက မိန်းကလေးတွေချည်းသာ။ reply တွေကလည်း ရင်းနှီးသည့်ပုံနှင့် လူတိုင်းနီးပါးကိုပြန်ထားသည်။

ကျွန်တော်မေးတော့

'' ဒီလိုပဲ ပုံလာအပ်ရင်းနဲ့ ခင်ကြတာ ''

'' ဒါဆို ကိုယ်ကရော.... ကိုယ်ကရော ပုံအပ်ရင်းခင်လာတဲ့ သူသက်သက်ပဲလား ''

'' ခင်ဗျားကတော့ သူတို့နဲ့ဘယ်တူမလဲဗျ ။ ကျွန်တော့်အကြောင်းတွေ ပွင့်ပွင့်လင်းလင်း နဲ့ပြောပြဖူးတာ ခင်ဗျားတစ်ယောက်တည်းကိုပဲ ''

ကျွန်တော်ပြုံးမိသွားသည်။ သဘောက ကျေနပ်သွားသည်ပေါ့....မောင့်ရဲ့ အရေးပါတဲ့သူဖြစ်ခွင့်ရတာနဲ့တင် ကျွန်တော့် သံသယတွေ ကျွန်တော့် သဝန်တိုစိတ်တွေက အစအနသေးသေးလေးတောင် ရှိမနေတော့။

တစ်ရက် မောင်အရမ်းလိုချင်နေတဲ့ စာအုပ်လေးကို ကျွန်တော် မြို့ထဲက ဆိုင်တော်တော်များများမှာပတ်ရှာခဲ့သည်။ ခေါတ်အသီးသီးက ကနုတ်လက်ရာများကို တစ်စုတစ်စည်းတည်း စာတမ်းပြုစုကာထုတ်ထားသည့် စာအုပ်ဖြစ်ကာ အုပ်ရေနည်းတာကြောင့် ရှာရခက်နေသည်။

ကျွန်တော့် တစ်ကိုယ်လုံး မောပန်းနွမ်းနယ်သွားချိန်မှာတော့
ကျွန်တော့်လက်ထဲတွင် မောင်လိုချင်သည့် စာအုပ်လေးကို ရခဲ့ပြီဖြစ်သည်။

ဒါကို ကျွန်တော် မောင့်အား မပြောပြထား။ မောင်က
ပြည့်စုံသူမဟုတ်ပေမယ့် သူတစ်ပါးဆီက လက်ဆောင်ပစ္စည်းဆိုတာမျိုးကို မောင်က လက်ခံလေ့မရှိ။

စာအုပ်ကိုဝယ်ပြီးကာမှ မောင်လက်ခံပါ့မလား စိုးရိမ်ရသေးသည်။ မောင့်ကို အထင်သေးသလိုဖြစ်သွားမှာလည်း ကြောက်ရသည်။ မောင့်ဖြစ်တည်မှုအတွက် မောင့်ကို သိမ်ငယ်စိတ်ဝင်စေမှာမျိူးကို ကျွန်တော် လုံးလုံး လက်မခံခဲ့။