SS2:តាមស្នេហ៍លោកម៉ាហ្វៀ(ចប់)

29+30

#តាមស្នេហ៍លោកម៉ាហ្វៀ
ភាគ២៩

      ភឹប!!>ជេគគីទម្លាក់ខ្លួនរបស់ជីនឲ្យគេងនៅលើពូក។
  “លោកចាំទីនេះបន្តិចចាំខ្ញុំទៅយកសម្លៀកបំពាក់បងប្រុសខ្ញុំមកឲ្យលោកផ្លាស់ចេះ"
  នាងនិយាយហើយក៏ដើរចេញទៅបន្ទប់បងប្រុសរបស់នាងដែលនៅជិតនេះ។
តុក…តុក
   សម្លេងគោះវាពីរដងមុននឹងនាងរុញទ្វាចូលទៅក្នុង។
ឈូៗៗ>ពេលនាងចូលទៅដល់ក៏ឮសម្លេងចាក់ទឹកដែលបញ្ជាក់ថាម្ចាស់បន្ទប់កំពុងតែងូតទឹក។
  ជីស៊ូក៏ដើរទៅរកទូខោអាវហើយយកសម្លៀកបំពាក់ពីរសម្រាប់ចេញមក។
  “បងប្រុសខ្ញុំខ្ចីសម្លៀកបំពាក់បងសិន" នាងនិយាយតិចៗហើក៏រត់ចេញទៅយ៉ាងលឿនកុំឲ្យជេហូបចេញមកជេរនាងទាន់។

  “លោកជេគគីនេះសម្រាប់លោក-ហើយលោកជួយប្ដូរឲ្យបងជីនផងខ្ញុំទៅរកថ្នាំយកមកឲ្យគាត់សិន" នាងចូលមកហុចសម្លៀកបំពាក់ឲ្យជេគគីហើយក៏បែរខ្លួនចេញទៅវិញ។
  “ខ្ញុំសុំសួរអ្វីបន្តិចបានទេ"នាងក៏ស្រាប់តែនឹងឃើញរឿងអ្វីម្យ៉ាងក៏ងាលមកវិញយ៉ាងលឿន។
“បាទ!ប្រាកដជាបានអ្នកនាង"
“ហេតុអីមើលទៅបងជីនគាត់ដូចជាខ្សោយម្លេះគាត់ឈឺអ្វីមែនទេ?ហើយថ្ងៃមុនខ្ញុំឃើញខ្លួនគាត់សុទ្ធតែឈាមទៀត"
  “រឿងវែងឆ្ងាយណាស់" ជេគគីក៏ឱនមុខចុះហើយចាប់ផ្ដើមធ្វើមុខកំសត់ភ្លាម។ ឱកាសល្អបានមកដល់ហើយគេនឹងធ្វើឲ្យអ្នកនាងជីស៊ូអាណិតចៅហ្វាយគេឲ្យកាន់តែខ្លាំង។

“ឆាប់និយាយមក"

“ហ្ហឹកៗ!គឺ-គឺ" ជេគគីធ្វើជាយំ។គេដើរទៅជិតជីនហើយបើកអាវបង្ហាញរបួស
“នេះជាស្នាដៃរបស់បងប្រុសអ្នកនាង-គាត់បានបាញ់ចៅហ្វាយរបស់ខ្ញុំ"
  “ពិតមែនហ្ហេស"ជីស៊ូយកដៃខ្ទប់មាត់ហួសចិត្តមិននឹកស្មានថាបងប្រុសនាងធ្វើចឹងទេ។

  “ចាប់តាំងពីថ្ងៃអ្នកនាងចេញទៅចៅហ្វាយខ្ញុំមិនបានសម្រាកឡើយរហូតដល់ថ្ងៃដែលគាត់បានជួបអ្នកនាងលើចុងក្រោយនោះគាត់ក៏សន្លប់មួយអាទិត្យ តែពេលដឹងខ្លួនភ្លាមក៏មករកអ្នកនាងភ្លាម"
   “បងជីន!ហេតុអីបងធ្វើដល់ថ្នាក់នេះ"

……………………
  ព្រឹកថ្មីគ្រាន់តែព្រះអាទិត្យរះភ្លាមជីស៊ូក៏ភ្ញាក់ភ្លាម។នាងស្ទុះចូលទៅមើលជីនដែលកំពុងតែគេង។