"ဘာပဲဖြစ်ဖြစ် အဲ့ကောင်လေးကိစ္စက တစ်ယောက်ယောက်ကတမင်တကာလုပ်တာသေချာတယ်၊ နင်တို့လဲသတိထားကြဉီး..."
မင်းခေတ်လှိုင်းက သူတို့အကုန်လုံးကိုသတိပေးစကားပြောလေသည်။ဘယ်လိုပဲဖြစ်ဖြစ် ကျောင်းတွင်းရန်ပွဲများထက်ပင် အခြေအနေဆိုးလှသော ထိုကောင်လေး၏လက်ခုံပေါ်မှ ဓားမွှန်းရာများကြောင့် မင်းခေတ်လှိုင်းပင်ဖြုံသွားမိသည်။အကယ်၍ ထိုကောင်လေးနှင့်ရန်ငြိုးရှိသူကလုပ်သည်ဆိုလျှင်တောင်မှ အလွန်ကိုရက်စက်ရာကျလွန်းလှသည်။
"အောင်မာ၊ ငါတို့ကဘယ်သူတွေမို့လို့လဲ ငါတို့ကိုထိရဲတဲ့သူက အသက်အပိုပါလို့နေမှာပေါ့..."
နှင်းစက်လင်းက ဆောင့်ကြွားကြွားလေးဖြင့်ဝင်ထောက်သည်။ထုအခါ လရောင်ငေးက သူ၏ဆံပင်အရှည်ကို နဖူးပေါ်သပ်တင်ရင်းဝင်ပြောသည်။
"ဒါပေမဲ့ မင်းခေတ်လှိုင်းပြောတာမမှားဘူး၊ မင်းတို့၃ယောက်ဂရုစိုက်သင့်တယ်၊ မင်းတို့၃ယောက်က အဓိကအိမ်တော်ကြီးကလူတွေ၊ ပြီးတော့ မင်းတို့တွေကအရေးကြီးပုဂ္ဂိုလ်လေးတွေ"
လရောင်ငေး၏စကားအဓိပ္ပါယ်ကိုမူ မင်းသွန်းညှာသေချာနားလည်လေသည်။ဘယ်လိုပင်အမြှောက်စာဇာတ်ကောင်ပြောပြော စောစောစီးစီးစျာန်ကြွသွားလျှင်ပင် မူရင်းဇာတ်ကြောင်းကိုထိခိုက်မှုရှိနိုင်သောကြောင့်ပင်။ဒါ့အပြင် လရောင်ငေး၏ပုံစံက သူတို့ကိုတကယ်စိတ်ပူ၍ပြောနေပုံလဲပေါ်လေသည်။
"ဟဲ့၊ Ecရေ နင့်ဖားသားကြီးကအစိုးရဖက်ကနော်၊ တစ်ခုခုဆို နင်ကပိုသတိထားရမှာ၊ နိုင်ငံရေးအရလုပ်ကြံတာတွေကများရများနဲ့၊"
ထိုအခါ မင်းခေတ်လှိုင်းကလဲ ကြားထဲကအမှတ်ဝင်ယူလေသည်။
"ဟုတ် ဟုတ်တယ်၊ မင်းလဲ ဂရုစိုက်သင့်တယ်၊ ဘာပဲဖြစ်ဖြစ် အကုန်လုံးသွားသတိ လာသတိထားကြ၊"
သို့နှင့်သူတို့လဲ ထိုကောင်လေးကိစ္စကိုစိတ်ထဲမထားပဲ မနက်ပိုင်းအတန်းချိန်တွေကိုဆက်တက်ကြသည်။ဤသို့ဖြင့်နေ့ခင်းဘက် ကန်တင်းထိုင်ချိန်ရောက်သောအခါ မင်းသွန်းညှာ၊နှင်းစက်လင်းနှင့်မင်းခေတ်လှိုင်းတို့က နေနိုင်းမာန်လေး၏အခန်းကိုဝင်ခေါ်ပြီးကာမှ ကန်တင်းသွားရန်ပြင်ကြသည်။နှင်းစက်လင်းကမူ လရောင်ငေးကိုပါ တစ်ပါတည်းချောဆွဲလာခဲ့လိုက်လေသည်။ဤသို့ဖြင့် လရောင်ငေးခမြာ ကန့်လန့်ကန့်လန့်ဖြင့်ပါလာရတော့သည်။
YOU ARE READING
ငါကဗီလိန်! [Uni + Zaw]
Romanceစာအုပ်ထဲက အမြှောက်စာဇာတ်ကောင်ထဲကူးပြောင်းသွားရရင်တော်ရောပေါ့၊ ဘာလို့ ငါက ကလေးပါထိန်းနေရတာလဲ၊ Whyyy????! Updates at every monday. Cover Art - Adi HoseKi
![ငါကဗီလိန်! [Uni + Zaw]](https://img.wattpad.com/cover/324346869-64-k811530.jpg)