قلبي بيدهِ

بارت 14

-مشة الوقت بسرعه بين عشة ولمه وهوسه والبنات صعدن نامن بغرفه رفل القديمه وكاللي هم تعالي ويانه
اني صراحه استحيت لان وياهم جهالهم وصارت هوسة اكو غرفه مال ضيوف هم فوك بس من زمان مافاتحيها رتبتها ونظفتها وكلت انام هنا خل ياخذن راحتهن وهم الجهال يصيرون فوك راسي اتبهذل واخاف ماتحملهم وعيط واتفشل كدام بنات هم هيج استرلي ههههههههه

-رحت اشوف لؤي لكيته نايم خطيه ومامتغطي جبتله غطه وغطيته رحت اشوف امي وعمتي لكيتهن بغرفت عمتي يسولفن ضليت يمهن شويه ونعست كلت اصعد بصعدتي

-لكيت باب غرفه حسام مفتوح ومردود شويه اني استغربت معقولة اجه شو ما حسينا عليه ولا شفناه فات ابد

-فكرت اطب اشوفه واني التوتر عندي يقرة الف وكَلبي يدك الف دكه ضليت امشي رجل ليكدام ورجل ورة تشجعت وفتت هههه هاي شبيه خايفه

-لكيته نايم ومبين تعبان ونعسان وصاير سواد جوة عيونه كلش واضح

شعره مبلل وصاير على نص وجهه رحت ووخرت شعره حطيته ورة اذنه ضليت اتأمل بملامحه وشواربه وعيونه ياربي هل زلمه دوخني حجيتها بصوت ناصي

-اشو ماحس غير اني مكلوبه فوكاه
حساممممم عفيه لا يجن البنات وننفضح
والله عيب

حسام : توج كلتي مدوخج كلت الزمج لا تتخربطين ههههههههههههاي

اماني : ضحك بصوت عالي كلت هسة البنات يجن لك بس هدني عيب وربي لا يجي احد

حسام : ماهتميت لكلامها ولج هيامج بكَلبي دوخنييي يابنت الناس شسويتي بحالي ههههه

اماني : سمعت هيج واستحيت حطيت راسي على صدره وكتله اوعدني ماتتركني ولا تخذلني بيوم

حسام : ولج اني يله لكيتج انوب اعوفج بس انطيني صبر اخلص هل سالفه واخوج يشفى اذا ماخلي كل بنيه تحسدج اني مو حسام ووعد مني اضل وياج للموت واضل احبج

اماني : لؤي بعد هواي يطيب مو مكسورة رجله وايده خلي السالفه بعدين

حسام : لا سئلت الدكتور كال بيهن رضوض مو كسور بس لو ضالات مامجبرات ويحاول يمشي عليهن يصير كسر فا حاطيهن للاحتياط وان شاء الله اذا صار تحسن يشيلوهن

اماني : الله يشافيه ان شاء الله يتحسن

حسام : باوعت بعيونها وصافن على صفارهن اخذت بوسه من شفتها وكتلها

-كومي يبوي لا اسوي شي مايرضي الله ههههههههه وخري من يمي حركتي كلشي بيه الله لاينطيج

اماني : اني سمعت هيج لوكمت وركض هم ههههه هذا خبل كلشي اتوقع منه

حسام : بصوت عالي شويه على كيفج بويه لا تكعين هههههههه خما راكض وراج احد ههههه

اماني : طلعت من الغرفه واني وجهي احمر دم صاير من المستحه ماباوعت كدامي وجان انلطخ برفل
اخخ شسالفه