اســكــريــبــتــات °مــكــتــمــلــه°

•اسكريبت

-مليكه: رجعت ليه
-سيف: انا لسه بحبك يـ مليكه
-مليكه بـ وجع: اللي بيحب مش بيخون
-سيف: انا مش خونتك انا معملتش حاجه
-مليكه: مجرد تفكير فـ واحده تانيه ديه خيانه، ده غير ان شوفتك يـ سيف مبقتش عاوزك فـ حياتي امشي يـ سيف امشي وسيبني اعيش ما صدقت انسي بتظهر ليه
-سيف: مكنتش متخيل ان وجعتك اوي كده يـ مليكه على العموم همشي
-مليكه: استني خد شبكتك وحاجتك مش عاوزه حاجه افتكرك بيها
-سيف: بس انا عاوزك تعرفِ ان مش هتروحي عن بالي
-مليكه: وانا مش هرجع واول مره اكون بسبب خيانتك ليا مش عاوزه اشوفك امشي
-سيف: حاضر يـ مليكه
-محمد: كده انتِ مرتاحه
-مليكه: اه مرتاحه عن اذنك يـ بابا
-محمد: ربنا يهديكِ يـ مليكه
-فيروز: سيبها يـ محمد انت عارف ان هيا قويه ومفيش حاجه بتاثر فيها
-محمد: للاسف المرادي اثر فـ مليكه اوي
-فيروز: متقلقش عليها هتبقي بخير
-محمد: يارب
---------------------------------------------------
-مليكه: الو
-منه: ايه يـ مليكه كل ده نوم قومي انتِ ناسيه الجامعه
-مليكه: معلش يـ منه تعبانه شويه وراحت عليا نومه
-منه: طب يلا قومي اجهزي وانا هعدي عليكِ
-مليكه: ماشي سلام
-فيروز: صباح الخير يـ حبيبتي
-مليكه: صباح النور يـ ماما
-فيروز: عامله ايه احسن دلوقتي
-مليكه: الحمدلله كويسه
-فيروز: باين على عينك اللي ورمه من العياط
-مليكه: ماما بعد اذنك الموضوع ده اتقفل
-فيروز: يـ بنتي انا خايفه عليكِ
-مليكه: صدقيني انا كويسه يـ حبيبتي
-فيروز: مش هعوز اكتر من كده
-مليكه: طول ما بابا وانتِ فـ حياتي انا مش زعلانه من حاجه
-فيروز: انتِ جميله يـ مليكه العيب مش منك هو اللي مش يستاهلك
-مليكه: ربنا يخليكِ ليا يـ ست الكل دعواتك عشان افرح قلبك السنادي واطلع دكتوره
-فيروز: بدعيلك
-مليكه: باي يـ ماما
-----------------------------------------------------
-منه: صباح الخير
-مليكه: صباح الورد
-منه: الموضوع انتهي صح
-مليكه: صح
-منه: ربنا شايل الاحسن لينا
-مليكه: اه بما انك قولتِ كده والبصه ديه فـ حاجه صح
-منه: يعني انتِ مش عارفه دكتور الجامعه عينه عليكِ وبتلمع اول ما يشوفك
-مليكه: لا لا بطلي هبل يلا عشان مش نتاخر
-منه: ماشي يـ مليكه يلا
* AFTER 1 HOUR
-مليكه: منك لله يـ منه اتاخرنا بسببك اهو عارفه لو اطردت من المحاضره مش هرحمك
-منه: ده دكتور احمد اللي دايب فيكِ يـ جميل
-مليكه: اسكتِ عشان مش اولع فيكِ دلوقتي
-منه: خلاص سكت اهو
-مليكه بـ احراج: والله يـ دكتور مش عارفه اقول لـ حضرتك ايه بس ان شاء الله ديه اخر مره مش هتتكرر
-احمد: زي كل مره كده ادخلي يـ انسه اتفضلي
-مليكه: شكرا
-منه: والله ذوق دكتور احمد ده
-مليكه: لمي نفسك يـ منه عشان مش ناقصه
-احمد: لا مش كمان جايه متاخر وبنتكلم نركز مع بعض شويه
-مليكه: تمام يـ دكتور
-منه: طلع عنيف اوي
----------------------------------------------------
* بعد 5 شهور، يوم حفلة التخرج
-مليكه: انا مبسوطه اوي ان جه اليوم اللي كان نفسي فيه وانتو معايا
-محمد: حبيبة بابا كبرت وبقت دكتوره
-مليكه: كله بفضلك انتِ وماما
-فيروز: ومجهودك يـ حبيبتي
-محمد: روحي يلا عشان تاخدي شهادتك
-فيروز: مليكه كبرت وكبرتنا معاها
-محمد: مليكه جت بعد تعب وتعبنا مش راح علي فاضي بقت دكتوره مليكه محمد
-احمد: طبعا اول مره احضر حفلة تخرج بس عشان سبب واحد
-مليكه: فاهمه حاجه
-منه: انا لا خالص
-احمد قرب من مليكه وقال: انا جاى انهارده عشان اطلب ايد اغلي واحده فـ قلبي بقالي سنين مستنى اليوم ده اتمني بعد الصبر ده وافرح انهارده
• مليكه بصت ناحية محمد حرك راسه ان موافق
-احمد: ها مش تتعبي اعصابي موافقه
-مليكه: انا موافقه
-احمد: اخيرا حلم حياتي اتحقق
‏"ثم يأتي من يحمل لكِ الحُب في قلبه وقوله و فعله".
----------------------------------------------------
#فوفا_محمد