ဖြစ်ပြန်သည် ။
" စျေးထဲက မအေးမာ ခေါက်ဆွဲဆိုင်ပါ "
" ဘာ မအေးမာ... ဘယ်ကမအေးမာလဲ
တစ်စျေးလုံးက စျေးသည်တွေနာမည်ကို
ငါမှတ်မိတယ် ဒါပေမယ့် အခုမင်းပြောတဲ့
နာမည်တော့ ငါမကြားဖူးဘူး... အတိအကျပြော
ဘယ်နားကလဲ "
" ဟို... ဟို ဒေါ်ကြိုင်ကုန်စုံဆိုင်ရဲ့အရှေ့က
အသစ်ဖွင့်ထားတဲ့ ခေါက်ဆွဲဆိုင်ကို
ပြောတာပါ... ဒေါ်ကြိုင်ကိုတော့
သိတယ်မဟုတ်လား... "
ငါတို့ဆိုင်ရှေ့ကို လူအသစ်ပြောင်းလာတယ်
ဆိုတာ သူတို့ပေါ့...
" သိတယ်... ငါလိုက်ပို့မယ်
မင်းရှေ့ကနေပြီးသွား... "
" ဟုတ်ကဲ့ ကျေးဇူးတင်ပါတယ်ဗျ... "
နှာထိပ်မှ လေပူပြင်းပြင်းတစ်ချက်
ရှူထုတ်လိုက်ပြီး စိတ်ရှုပ်လှချည်ရဲ့ဟူသည့်
မျက်နှာပုံစံက အရင်လုပ်လိုက်သည် ၊
အဲ့နောက်တော့မှ ရေပုံးနှစ်ပုံးကို
အားမာန်ပြည့်ဖြင့်ဆွဲပြီး ရှေ့ကသွားသူ
မော်'နောက်သို့ အသာတကြည်
လိုက်လာခဲ့တော့သည် ။
ခေါက်ဆွဲဆိုင်သို့ရောက်သောအခါ
မိုးည'က ရေပုံးကို အောက်သို့
ချပေးလိိုက်သည် ။
" ဟို ခင်ဗျားကို ကျေးဇူးတင်တဲ့အနေနဲ့
ခေါက်ဆွဲကျွေးချင်လို့ အဲ့ဒါ ခင်ဗျားအချိန်
ရရဲ့လား... "
" မလိုဘူး... "
" မငြင်းပါနဲ့...
ကျွန်တော်တကယ်ကျွေးချင်တာပါ
ကျွန်တော့်အမေရဲ့လက်ရာက အရမ်းကောင်း
တယ်... ခင်ဗျားကို ခံတွင်းတွေ့စေမှာသေချာတယ်
လာပါ ဒီမှာထိုင်လိုက်နော်... သိပ်မကြာဘူး"
မလိုပါဘူး ပြောပေမယ့်လည်း မော်'က
သူ့လက်ကို အတင်းဆွဲပြီး နေရာပေးတော့လည်း
မိုးည'မငြင်းနေတော့ပါ ၊ သူကိုယ်တိုင်လည်း
မနက်စာတစ်ခုခုဝယ်စားဖို့ ရောက်လာခဲ့
ခြင်းဖြစ်နေပြန်သည့်အတွက်လည်း ဖြစ်နေသည်။
မော်' ခေါက်ဆွဲပြင်နေသည့် သူ့အမေအနားသို့
အပြေးသွားပြီး တစ်ခုခုကို တိုးတိုးသာသာ
ပြောလိုက်တော့ အမေကလည်း ခေါင်းညိမ့်၍ ပြုံး
လေသည် ။
" ခေါက်ဆွဲရလာပါပြီဗျ... "
အငွေ့ထောင်းထောင်းဖြစ်နေသည့်
ခေါက်ဆွဲပန်းကန်ကို
မိုးည'အနားသို့ယူဆောင်လာသည်။
ထို့နောက် သူ့အဖို့ တူကိုလည်းယူပေးသည်။
YOU ARE READING
အနောက်စျေးက လူဆိုးလေး#
Romanceတစ်နေ့မှာ အနောက်ပိုင်းမနက်စျေးက ကောင်ဆိုးလေး တစ်ယောက်ရဲ့မျက်နှာချင်းက ကုန်စုံဆိုင်ရှေ့ကို ခေါက်ဆွဲသည်မိသားစုလေး တစ်စုက ရုတ်တရက်ပြောင်းရွှေ့လာခဲ့တယ်။ မိသားစုက ထိန်းချုပ်မနိုင်တော့အောင် ဆိုးပေနေတဲ့ကောင်ဆိုးလေးနဲ့ နွေးထွေးကြင်နာတတ်တဲ့ကောင်လေးတစ်ယောက...
Part 1
Start from the beginning
