" ဟုတ်လား... အဲ့ဆို ဒီတစ်ပွဲပြီးရင်
မြန်မြန်ပြင်ပေးလိုက်မယ်
သားက သွားပို့ပေးလိုက်နော်... "
" ဟုတ်ကဲ့အမေ... "
ငါးမိနစ်ခန့်ကြာပြီးသော်...
" မော် ခေါက်ဆွဲရပြီ
အရှေ့က ကုန်စုံဆိုင်လေးအတွက်ပါ... "
" ဟုတ် ကျွန်တော် လာပြီအမေ... "
" ဗန်းကိုသေချာကိုင်နော် နိုင်ရဲ့လားသား "
" နိုင်တယ် အမေ..."
" အေးအေး ပို့ရင်း ဘာလိုသေးလဲလို့လည်း
တစ်ခါတည်းမေးလာခဲ့နော်...
ဖောက်သည်တွေကို
အဆင်ပြေပြေလုပ်ပေးရမယ်သိလားမော်' "
" ကျွန်တော် သိပြီအမေ..."
ဒီလိုနဲ့ မော်က ခေါက်ဆွဲဗန်းကို
မကိုင်ပြီး သူတို့ဆိုင်နဲ့ မျက်နှာချင်းဆိုင်က
ကုန်စုံဆိုင်လေးဆီကို ထွက်လာခဲ့သည်။
" ခေါက်ဆွဲလာပြီ မငယ် ကူလိုက်ပါအုံး "
ဟု ဒေါ် ကြိုင်'က ထိုသို့ပြောသည်။
" မိုးည ရောက်မလာသေးဘူးလား "
" မရောက်သေးဘူး မမကြီး
သူက အခုချိန်ဆို အိပ်လို့ကောင်းတုန်း
အချိန်ပဲဖြစ်နေမှာပေါ့... "
" ဒါတော့ဟုတ်တယ်
ယောကျ်ားလေးတစ်ယောက်ရှိလို့
အားကိုးရမလား မှတ်ပါတယ်
လက်ကျောကိုမတင်းဘူး ဆိုင်အလုပ်လည်း
မကူချင် ဟိုဟာဝယ်ချင် လိုချင်တာလောက်ပဲ
သိတယ်... "
အစ်မကြီး ခင်ဦး'က သူမမောင် မိုးည'ကို
အားကိုးမရ၍ အားမလိုအားမရ စိတ်တို၍
နေသည် ။
" သူ့ကိုတော့ ထားလိုက်ပါ ခင်ဦးရယ် "
ဟု မိခင်ကြီးမှ ဝင်ပြောတော့ ခင်ဦး'က
ပို၍ စိတ်ဆိုးသွားခဲ့သည်။
" မောင်လေး ခုလိုဖြစ်နေတာ အမေ့ကြောင့်လည်း
ပါတယ် သိလားအမေ... သားယောကျ်ားလေးတစ်
ယောက်ပဲပါတယ်ဆိုပြီး အလိုလိုက်ထားလို့
အခုလို အဲ့ကောင်က ကန်းတက်နေတာလေ ..."
သမီးစကားလည်းအမှန်တစ်ဝက်ဖြစ်ပြန်တော့
ဒေါ်ကြိုင် နှုတ်ဆိတ်သွားလေသည်။
" ခေါက်ဆွဲမြန်မြန်စားကြတော့ ပွကုန်မယ်
ပြီးရင် အငယ်မက ကျောင်းသွားဖို့လုပ်တော့ "
KAMU SEDANG MEMBACA
အနောက်စျေးက လူဆိုးလေး#
Romansaတစ်နေ့မှာ အနောက်ပိုင်းမနက်စျေးက ကောင်ဆိုးလေး တစ်ယောက်ရဲ့မျက်နှာချင်းက ကုန်စုံဆိုင်ရှေ့ကို ခေါက်ဆွဲသည်မိသားစုလေး တစ်စုက ရုတ်တရက်ပြောင်းရွှေ့လာခဲ့တယ်။ မိသားစုက ထိန်းချုပ်မနိုင်တော့အောင် ဆိုးပေနေတဲ့ကောင်ဆိုးလေးနဲ့ နွေးထွေးကြင်နာတတ်တဲ့ကောင်လေးတစ်ယောက...
Part 1
Mulai dari awal
