رياح الانتقام 🔥(روايات ليبيه)

الحلقه 14 🔥

صقر بعصبيه :  ساكته ماساكته غصبن عنك بتسكتي والله بتتحملي نتائج اغلاطك ابروحك وحسك هذا معاش نبي نسمعه عالي سامعه واكسري الشر ره مانبيش اجنوني توا يطلعو عليك

انا وجعني كلامه : خليهم يطلعو انت امتي كنت هاذي اصلا خيرك تعرف تتفاهم زي الناس كل شي عندك الضرب والعياط

صقر رقتله اصفار مني 😡: تعرفي اتبدلي ساعه بساعه احسن مانوض نعجنك تعرفي الضرب علي اصوله

انا بتحدي 😠:ياريت بالك انموت ونتريح وانريحك مني

صقر تكلم بصوت عالي 😡: فررررح

انا خفت منه الحق تعابير وجهه كيف امعصب فعلا لو زدت امعا احتمال انموت هربت طول لدار سكرتها عليا خايفه منه واضح انه راقيله مني ضحكت بخبث وربي توا تشوف😏

صقر صبا بيلحقني جنبه وجعه رجع قعمز ياخد في نفس واضح انه راقيله وجه احمر ماتوقعش انه تحكي امعاي هكي قعدت انهدي في روحي لاني عارف لو لحقتها توا مش حيصير خير بكل عنجد وجها تبي مزال اتناقش فوق غلطها تنهدت بتعب انحاول انسيطر علي اعصابي لانه بجديات نرفزتني بكلامها لاني كنت مزال راقيلي منها وزادت هي عصبتني وانا كنت ماسك اعصابي عليها مانبيش انمد ايدي تاني عليها بس هي تختار في وقت الغلط اتناقشني فيه انا مانطلعش روحي برئي لانه حتي انا غلطان مش هي بس لكن انا هذا طبعي وشخصيتي بعد انعصب معاش انفرز شي يعني توقع مني اي تصرف انديره وهي تستفز فيا بكلامها واتعصبني من غير شي مش طايق روحي وقصة ولد عمها الي طلعتلي جديده هذي ضروري انديرلها حل ننهيها من اجدورها غمض اعيونه هو ايفكر

.
.
.
.
.
امير وصل في جماعته وخشلهم

امير : كنك قتلي تعالي بسرعه

صاحبه : خوه العبد حاول يهرب منا اتصاوب في رجله بلغلط كنا انخوفو فيه عشان يوقف

امير بعصبيه : ماتقولهاش كيف اديرو غلط زي هذا

صاحبه : تي قصه خشت في بعضها قعد يجري بسرعه ماقدرناش نمسكوه

امير : وين توا هوا

صاحبه : داخل

امير : رفعتوه لمستشفي ولا كيف

صاحبه : لالا ح يعرف العبد هكي

امير خش شبح الولد رابطيله رجله وجهه اسود 

امير بتوتر : مصيبه طيحتوني فيها قتلكم انتبهو عليه مانبيش خدش فيه علاش الزح تطلقو عليه 10 براميل جايبهم ع الفاضي عيل مش قادرين يمسكوه تي كيف تضربو عليه اضربو فوق يا اخي اوووووف شن انديرو توا

رن تليفونه وكان العبد سكر عله ناقص امك انا

صاحبه : حقه انت عندك ولد عمك دكتور صح تقدر اتكلمه

امير : اي شايفني هبل عشان انكلمه الموضوع يوصل في صقر وننتهي انا

صاحبه : شن انديرو