غيداء صحت لقت رغده قاعده جنبهاا
غيداء: خالتو رغده
رغده: هاا واخيرا صحيتي معقول يابتي دي عمله تعمليها خليني اجيب الدكتور واجيك
رغده مشت نادت الدكتور جا فحص غيداء
الدكتور:حاسه بأي وجع
غيداء: لا
الدكتور: تمااام طبعا الموضوع اتدخلت فيهو الشرطه لانها محاولة انتحاار
رغده: مافي داعي للشرطه حنحلها بيناا كداا
الدكتور: والله الشرطه واقفه بره
الدكتور طلع ورغده ضربت لرأفت يجي يتفاهم مع الشرطه
رغده: اها يا غيداء احكي لي
غيداء: خالتو رغده انا اسفه بس لمن كرم قال لي انو بحب عائشه وعايز يتزوجهاا ماقدرتا اتحملل وحسيت انو الموت اسلم خيار
رغده: ماكان تعملي كداا لسه في عز شبابك وفي اولاد احسن من كرم بتلقي الاحسن منوو كرم ما عايز يأملك فيه عشان كدا قال ليك الكلام داا
غيداء: انا اسفه يا خالتو رغده ما حتنعاااد تاني
رغده: يااريت
رغده طلعت من غرفة غيداء وضربت لكرم طلبت منو يجي
رأفت: يا سعادتك انا بقول ليك ماف اي محاولة انتحاار البت عايشه وحيده وفتحت انبوبة الغاز وشكلها نستها فاتحه وهي بتحاول تعمل ليها شي تاكلو حصل الحريق ما تخت في بالك الحكاية مجرد حادثه
الضابط: متأكد من الموضوع طيب عايزين نتكلم مع المريضه
رأفت: بس هي لسه ما بقت كويسه على الاخر اول ما تصح حاجيبها ليكم بنفسي ان شااءالله
قال ليهو تمام ومشو
رأفت: الحمدلله انحلت
رغده: مافي شي انحل ماشايف حالة البت
رأفت: حتبقى كويسة ان شااءالله
💚💚💚💚💚💚💚💚💚💚💚💚💚💚💚
كرم: امي ضربت لي قالت غيداء صحت وعايزاني اجي المستشفى
مروان: وحتمشي
كرم: ماش اي امي طلبتني
مروان: انا كمان ماش معاك
طلعو الاتنين ركبو عربية كرم ومشو المستشفى مروان دخل لغيداء وكرم وقف مع امو
رغده: كرم اسمعني كويس انا ما عايزه غيداء تفكر في الانتحار تاني بسببك
كرم: طيب يا امي وريني اعمل شنو
رغده: انت ما حتتزوج عائشه نفسيات البت اضطررت شدييد وحتدخل في حالة اكتئاب اتخيل معاي لو حصل ليها شي كنتا حتمشي وين من عذاب الضمير
كرم: بس اذا اتزوجتها الشي دا ما حيخليها ترتااح
رغده: اسمعني كويس البت الاسمها عائشه دي انا مستحيل اوافق بيها ومستحيل ارضى انها تبقى مرتك وتجي تدخل بيتناا
كرم: امي بس انتي ما بتعرفي عائشه هي زولة كويسه والله وقلبها طيب وهي الوحيده القدرت تخليني احبهاا انا كيف حاقدر
