جنون عشقك

البارت السادس عشر

" جُوري "

حسيت على وجع مو طبيعي برأسي فتحت عيوني لگيت نفسي بغرفة مليانه ناس وهوسه رَتل بصفي باوعتلها وشفت بعيونها نظرة خوف

رَتل :- ها جُوري خوفتينا عليج شصار وياي

راسا تذكرت الموقف الصار وتسلل الرعب لگلبي نزلت دموعي بخوف وبدون ما احس

- وين عاصم

رَتل :- ديحجي وي الأمن هسه يجي ، كليلي شصارلج
شلون وگعتي راسج مشگوگ وخيطو وعندج تسارع

بعدني داحجي اجه عاصم راسا بجيت وهو اجه حظني

عاصم :- والله ما تمر على خير ادورهم وافلش رأسهم هالگ^^^

رَتل :- شكوو فهموني

- عاصم متت خوف والله

عاصم :- حقج وهاي اول واخر مره يصير هيج شي انا احجي وي محمد

-انطاني ظرف

عاصم :- شفته لا تهتمين حبيبة خالج والله اعلگه من اذاناته

رَتل :- احجو شصاررر فهموني مو گلبي حيوكف من الخوف

عاصم :- اجه تهديد لابوچن عن طريق جُوري

رَتل :- تهديد شنو شمسوي بابا وجُوري شعليها ليش يأذوها

عاصم :- مامسوي شي ابوج بس بأختصار النزيه والشريف بهذا البلد ميعيش وجُوري طريقة التهديد

رَتل :- والله بلوه

-طلعوني ماريد أضل هنا

عاصم :- هسه بس يخلص السيروم نطلع وترا اني لحد هسه مَگلت لاهلج على الصار من نروح يشوفون

- حاچيت الشرطه عليهم

عاصم :- لا يمعوده يا شرطه محد يردعهم هالگ^^^^
هيج سوالف لازم تسوي شغلك بأيدک

رَتل :- ترا اكو شي اسمه شرطه تگدر تقدم بلاغ ووضع جُوري اكبر دليل بعد شنو تسوي شغلك بأيدك بيا زمن احنه

عاصم :- عايشين بزمن إذا صرت نظيف وماقبلت على الغلط يصفوك ويخلصون منك
هيج جماعات مدعومه من الدولة مستحيل تردعهم شرطه لو تحقيق

رَتل :- ومنو يوگع بيها جُوري وهواي مثلها علمود شنو

عاصم :- فلوس منصب رفاهية كلها اغراءات تدفعك للحرام وتبقى ورا نفس الانسان بعد

رَتل :- نفسيات قذرة كسر بأيديهم ان شاء الله

عاصم:- صدك جُوري شفتي شكل الضربج

- اي

عاصم :- وصفي الي

- طويل كلش وضخم وعنده لحية طويله وشوارب واكيد شعر كلش مرعب

عاصم :- هايهيه عرفته

- صدك

عاصم :- الف واحد عنده هاي المواصفات صدك تحجين