#انياط_الانتقام
#الكاتبة من البصاروه 🤎
بسمِ اللَه على الغَاياتِ
حتّى نَصِل
بسمِ اللَهِ على الأحلامِ
حتّى نراها"
.
.
.
.
شكد سعر هاي لعلاليك
ثنين بربع
هاج هذا الف والباقي الج
اخذتهم منهم وانطيتهم اربع علاليك
مؤمل :- تاجه اني راجع للبيت صارت دنيا مغرب
وامي متقبل ابقه العب
تاج الحُسنِ :- مؤمل مو تكول لأمي ابيع علاليك كلها راحت وياي لبيتنه
:- لا لاتخافين ماحجي مو صغير والفلوس ذني منين
نكلها جبتيهن
:- مادري امولي
:- لاتخافين اني اكلها بعت لخبز ليابس مال بيت ام عدنان وانطتني فلوسه وقسمتها بينه
ابتسم بوجهي ولزم ايدي ومشينه عبر لشارع
مؤمل :- من اجر ايدج اركضي ويايه
ضحكت وكف لسير ركضنه اني ويا لشارع بيتنه
بقينه نمشي اني وامولي هو يراوغ بتراب ويشمر علي
صرخت بي
:-مؤملللل لاتذب علي تراب ماما بس تشوفني متربه تكتلنا
:-اللهه واشوفج تنضربين كبالي وصيحين اموليي امولي
:-اصيح نعولي امداني شبيه واصيح بأسمك
:-دولي ام وجهه بي دود
:-ع الاقل مو جني عود ماسحه
:- امشي نصعد ع سياج بيت الدرويش
جني ماصدكت كلي شلت نعالي بين ايديه طبكت ايديه
ع لسياج صعد ومدلي ايده صعدني لسياج ناصي
طرت من لفرح صرنه نركض ع السياج ونضحك
مؤمل جنه قرد يمشي ع ايديه
سمعنه صوت صرخه
:-لك مؤمل اصبرلي اذا ماشلع ذاناتك
طفر مؤمل من لسياج وتركني مشنكله ضليت اصيح
نزلت ركض ورحت وراه للبيت طبيت لبيت خالي
فحطانه
:-مؤمللل تعالل اليوم حضك اطيحه
اجت مرت خالي
كيوي :- ياطلابة مئيميل لماتخلص شمسوي عاد
رفع راسه من الجليكان مال ماي وهو مبلل ويلهث
:-ممسوي شي والعباس
خاله كيويه شافته مد راسه من التانكي مال ماي حلو
وهي صرخت وبأيدها لجفجير
:-ولكك مئيميلل اصبرلييي اذا ماليوم اطيح حضك
ضحكت عليه هو يسويلي بسيطه
YOU ARE READING
انياط الأنتقام
Romanceتاج الحُسن لست من محبي الانتقام لكن سيأتي يوم ابدع بتصفيه الحساب طفله عراقيه ذات 9 اعوام تعيش مع امها في حياه مؤلمه تذهب في احد الاسواق الشعبية العراقيه وبيدها تحمل اكياس للمواد الغذائيه تقوم ببيعهم لكي لاتضطر للذهاب الى اخ امها وتطلب منه في مثل كل...
