احببت ملتزمة

البارت الخامس والعشرون

اميرة بابتسامة_خلي بالك بعد كده هتقولي يا وحش الكون.
زين_‏انتي مِش وحش الكَون ، انتي  الكَون كُله♥️.
اميرة قربت منه _ ‏أنا ظلك وضيِّك وأنا التي تحبك للأبَد♥️.
__________________ᥫ᭡

شايفة الورد اللي في ايدك دول ٤٩ وردة وانتي ال٥٠🤎🤎🤎🤎🤎🫶🏽".
Flash back

""في منزل اميرة احمد""

بسمة_مين اللي هتعمل الاكل انا جاية تعبانه جدا فا واحدة فيكم تشد حيلها وتقوم
ملك_ااااه انا رجلي بتقطعني
اميرة_ لا لا لا محدش يبصلي انا لا انا لا راعو ان النهارده كان كتب كتابي
بسمة_قومي يا ملك
ملك_لا انا فعلا مش قادرة اقوم
بسمة_انتي علطول مش قادرة و
اميرة_بببس خلاص بطلوا صياح هقوم انا وخلاص
وبعدين اتكلمت بدلع
بكرا امشي وهتعملوا اكل لوحدكم
ملك_لسه ممشيت وبتتكلم اومال بعد الجواز هتقطعينا يبت
بسمة_ كان نفسي نعمل حنة العروسة بس الفقر اميرة بنتي مش عايزة تعمل
اميرة_يا امي دي حاجة تافها يعني اي نشغل اغاني ونهيص واحط هحنه انا وصحابي وقرايبيي ويجي زين يرقص معايا شويتين تلاته وانا اصلا بكره الاغاني ومش بحب الحنة هي فلوس وخلاص مال سايب ولا انتي فاكرة جوزي مدير شركة
ملك _اميرة زين مدير شركة ف الدور مش واكل عليكي
اميرة_ think's malak
بسمة وملك في صوت واحد_وبقت بتكلمنا لغاااات
"" اميرة بتضحك عليهم""
'"وبعدين دخلت المطبخ تعمل اكل""
""كانت اميرة شاردة تفكر في حياتها الجديدة مع زين ليقطع تفكيرها صوت رنين هاتفها ""

اميرة_السلام عليكم ورحمه الله وبركاته
زين_وعليكم السلام ورحمه الله وبركاته
اميرة_نعم يا زيني
زين_اي ده بقى فيها زيني وبتاع
اميرة بضحك_زينن بقى انت خلاص بقيت جوزي قبل كنت لسه خطيبي فا غريب عني يدوب دبلة في ايدي ف مينفعش منلتزمش بضوابط الخطوبة ونغضب ربنا
زين_حصل يجميل
اميرة بكسوف_زينن بقى
زين_يقلبه
اميرة بتقليد_اي ده ده بقى فيها قلبه وبتاع
زين_لا انا بقولك يقلبه من زمان
اميرة_عشان انت صايع 
زين_اميررة مش موضوعنا دلوقتي انا كنت هكلمك في موضوع تاني
اميرة_لو هيطول فا شوية كده عشان بعمل اكل ولو اتحرق امي هتلحسني البلاط
زين ضحك _لا مش هيطول متخافيش
اميرة_قول
زين_لو حوريتي فاضية انا عازمك بكرا في مطعم خمس نجوم ومحضرلك مفأجأة
اميرة_ خمس نجوم مرة واحدة ده انا مكالتش قبل كده في نجمة واحدة حتى مش كثير عليا
زين_ انتي تستاهلي يجميل فاضية؟
اميرة_ ولو مش فاضية افاضلك
زين_ انا مش مصدق اميرة انتي اللي بتقولي الكلام ده بجد
اميرة بضحك_لا صدق مش بقيت جوزي .يلا هقفل عشان بعمل الاكل
زين_ عقبال ما تعمليه في بيتي
اميرة ضحكت بخجل _ في رعاية الله.
________________⁦ᥫ᭡

'"في منزل رضوى""
مروان_ انا جيت عشان نحدد موعد كتب الكتاب
رضوى_ بس مش كده بدري شوية
مروان_ مش شايف فيها حاجة انا جهزت الشقة وانتي جاهزة ليه نأجله؟
رضوى_ مروان بصراحة انا خايفة تندم بعدين
مروان_ اندم !! رضوى انتي الحاجة الوحيدة اللي عمري ما هندم اني اخترتها انا اول مرة اختار حاجة صح في حياتي اصلا انا واثق ومتأكد اني اخترت صح⁦  فا كتب كتابنا بعد اسبوع❤️⁩.
رضوى _ مروان
مروان_ يقلب مروان
رضوى_ لا بعظ يقلب مروان دي مش هقدر اعترض على خيرة الله.
________________⁦ᥫ᭡
""في منزل اميرة احمد"""
اميرة_ ب باب بابا
احمد_ انطقيي يبت اي
اميرة_ انا خارجة بكرا مع زين انا مكنتش عايزة اخرج اصلا بس هو أصر وحجز في المطعم لكن انا مش عا...
احمد_ اي الخوف ده بقى جوزك اخرجي بس متتأخريشششش وتلفونك ميتقفلش تمام لو مجتيش قبل الساعةة ٨ متدخليش البيت ... مفهوم
اميرة بابتسمة_ مفهوم
_________________⁦ᥫ᭡