"... မင်းဒီလိုဖြစ်နေရင် လင်းရွှမ် စိတ်ပူရလိမ့်မယ်။" ဟန်ကု သူ့ကို နမ်းရင်း ပြောနေပေမယ့် သူ့လေသံကတော့ ပိုမိုနူးညံ့လာသည်။ "မကြောက်နဲ့ ကိုယ် မင်းကို ကူညီပါရစေ..."
"ကိုယ်က မင်းရဲ့ အယ်ဖာပါ။"
နောက်ဆုံးစာကြောင်းက ချူလင်းအား လုံးဝသက်တောင့်သက်သာဖြစ်သွားစေပုံရပြီး သူ့နှုတ်ခမ်းများကို နာခံမှုရှိရှိ ဖွင့်ဟလိုက်ကာ ဟန်ကုအား လျှာဖျားဖြင့် စုပ်ယူနမ်းရှိုက်ခွင့်ပေးလိုက်သည်။ ပြင်းထန်သည့်ရနံ့တစ်ခုက ချက်ချင်းပင် အခန်းထဲသို့ စိမ့်ဝင်သွားသည်။
အယ်ဖာတိုင်းသည် သူတို့၏ကိုယ်ပိုင် အိုမီဂါများကို မည်သို့ဦးဆောင်ရမည့်အပိုင်းတွင် ထူးချွန်ကြပြီး နည်းလမ်းများသည် မတူညီနိုင်သော်လည်း ကာကွယ်လိုသည့်သဘာဝဆန္ဒအရ မည်သို့ပင်ဖြစ်စေကာမူ သူတို့၏အသက်အန္တရာယ်ကို မထိခိုက်စေရန် တားမြစ်ထားလေသည်။
ဟန်ကုသည် သူ့ အိုမီဂါက မိမိကိုယ်ကို အနာခံမှကြိုက်တဲ့သူတစ်ယောက် ဖြစ်နေစေကာမူ သူလုပ်ချင်တာကို လုပ်ခွင့်ပေးတော့မည်မဟုတ်ပေ။
အခန်းထဲက မထွက်ခင် တစ်ဖက်လူကို နှစ်သိမ့်ပေးလိုက်သည်။
───
ချူလင်းသည် တစ်လနီးပါးမျှ ကောင်းကောင်းမအိပ်ခဲ့ရသောကြောင့် အချိန်အတော်ကြာအောင် နှစ်နှစ်ခြိုက်ခြိုက် အိပ်ပျော်နေခဲ့၏။ အိပ်ရာက နိုးလာတဲ့အခါ ဘယ်နှစ်နာရီရှိနေပြီလဲ ဆိုတာတောင် မပြောနိုင်တော့ပေ။
ခဏတာ အံ့အားသင့်သွားပြီးနောက် ဖြည်းဖြည်းချင်း သတိပြန်ဝင်လာသည်။
နောက်ဆုံး မှတ်ဉာဏ်အပိုင်းအစကတော့ ဟန်ကု သူ့ကို နမ်းလိုက်ခြင်းပင်။ ချူလင်း ထိတ်လန့်တကြားဖြင့် သူ့တစ်ကိုယ်လုံးကို စစ်ဆေးကြည့်ရာ ထူးခြားမှုမရှိကြောင်း တွေ့ရှိခဲ့သည်။ ထို့မှသာ သက်ပြင်းမောတစ်ချက် ချလိုက်ရတော့သည်။
ထိုအချိန် သူသည် heatကာလကုန်ဆုံးချိန်မှ နိုးလာပြီး တစ်ကိုယ်လုံး စိတ်ပျက်အားငယ်လုနီးပါးဖြစ်နေသည့်အချိန်ကို သတိရမိလိုက်သည်။
أنت تقرأ
TMAWNB ||မြန်မာဘာသာပြန်||
عاطفيةThis is just a fan translation.I don't own this novel.All credit to original author and Eng Translator. Title - Totally marked by the alpha who's not boyfriend Original Author - Luo Yue Qian Eng Translator - Leo's Kitty Total - 35 +11 Extras(Comp...
[3]
ابدأ من البداية
