قصة # طائر العنقاء
(لقد استنفذ الدرب الطويل مشاعري )
لميس : بوجهي عله عمادة الجامعه دكيت الباب ودخلت تخبلو من شافو حالتي كتلهم ماما بالمستشفى متخربطه
طلبت اجازه سبوع وافقو طلعت عله قاعتي دموعي تجري
اول مادخلت تخبلو زملائي لتمو عليه
شبيج ؟ منو وياج ؟ محتاجه شي ؟
بالكوه رديت عليهم من بين شهكاتي ماما بالمستشفى متخربطه
اخذت كتبي وملازمي وطلعت
تبارك تركض ورايه
تبارك : اوكفي حبيبتي عله كيفج ليصير بيج شي .. زين وين رايحه بعده الدوام مخلص والسايق مااجه
لميس : امشي سريع ودموعي تجري كتلها خابري عمو مجيد يجي ياخذني رفعت التلفون وتصلت عليه وصلنه للبوابه وكفت انتضره تبارك تهدي بيه
تبارك : عله كيفج بنفسج ياروحي انشاء الله امج مابيها شي الله يشفيها ويعافيها
لميس : بجييت بالزايد فولت عله ماما بس شسوي مالكيت غير هل سالفه حته يعذرون حالتي لان نهاريت مثل ميتلي اسم الله ميت
حضنتني تبارك كافي تبجين يروحي عيونج ورمت كعدتني عل مسطبه جابتلي بطل مي شربت اجه عمو مجيد ودعتها صعدت ويا ورحت للبيت
سالني عمو مجيد خير بنتي اكو شي ؟
ماجاوبته صديت عل جامه دموعي تجري ماعاد السؤال نزلت يم بيتنه دخلت
ماما جانت بالمطبخ سوي غده من شافتني نهد حيلها كالت
ماما : شبيج......؟
رحت اركض ذبيت نفسي بحضنها اشهك
من شافت حالتي سكتت اخذتني عله غرفتي مددت نمت بحضنها كامت تمسد عله راسي لحد ماغفيت
___
صهيب : بعد طلعت لطخت راسي بالباب شلون هيج سوي ياصهيب شلووون
ردت الحكها خفت عليها قربي منها راح يزيد حالتها سوء خل ابتعد ضليت العن بنفسي اضرب عل مكتب باايدي وارجع اضرب راسي بقبضت ايدي
شلون هيج سوي صهيب شلوون
وكفت يم الشباك اباوع
طلعت هيه وتبارك تبجي ومنهاره تبارك تهدي بيها
همست اسف سامحيني احجي همس
اسف والله اسف اني واحد نذل وبلا اخلاق
خلصت الدوام ورجعت للبيت طافره روحي طلعت لغرفتي
جتي لمى الحمد لله عله سلامتك
صهيب : الله يسلمج روحي لاهلج
لمى : ليش شكوو ؟
صهيب : ماكو بس اختج تعبانه محتاجتج
YOU ARE READING
طائر العنقاء
Romance_اشعر بالتبعثر... رتبني _ولكن كيف _بحضن طويل يزيل من عاتقي تعب الهموم ومرسى الندوب كان يَا مَكَان لأسْرد لَكم قصة مَليئَة بِالْألْغاز حُب تَكون على مر الأيام عَاشقة مستهامه بِفَلك الأنْوار لِترفض مِن قَبْل الفُؤاد الولْهان أنَا مِن هَزئت بِها الص...
