خادمتى البريئة

البارت 20

الدكتور- للأسف 😥

كريم للأسف ايه متقول يا دكتور فيها ايه

الدكتور المدام كانت حامل و

كريم قاطعه وقاله يعنى ايه كانت

الدكتور للأسف المدام اجهضت والجنين مات

كريم ايه انت بتقول ايه وازاى ده حصل

الدكتور للأسف المدام كانت حامل فى الشهور الاولى والفترة دى عايزة راحة جسدية ونفسية وباين على المدام أنها معملتش كده وأنها تعبت نفسها وكمان كانت فى ضغط نفسى وكمان جالها اجهاض من الاكل اللى كلته لأنها كلت اكل مش صحى

كريم بص لسمر لأنها فعلا عملت اكل وحش وأكيد هو السبب وبعدين قال طب يا دكتور هى بخير دلوقتي؟

الدكتور الحمد لله بخير بس هى اكيد هتكون تحت صدمة وخصوصا انها ممكن متخلفش تانى

كريم بصدمة ليه يا دكتور متخلفش تاني

الدكتور المدام الرحم بتاعها ضعيف ومش مرن مع الجنين يعنى ممكن يحصل حمل بس لما حجم الجنين يزيد الرحم مش هيقدر يتمدد معاه فهيسبب اجهاض فأنا بنصحك يا كريم بيه أنها تشيل الرحم أو تاخد حاجة لمنع الحمل اصل كتر ما تحمل وتجهض هيسببلها صدمة كبيرة والرحم هيتعب جدا وممكن يجلها سرطان فيه وساعتها هتكون مشكلة كبيرة وهتحتاج تدخل جراحي

كريم ماشى يا دكتور متشكر ليك بجد

الدكتور لا شكر على واجب ، هى محتاجة دعمك وراحة فترة وتنتظم على الأدوية دى ، يلا سلام

كريم سلام يا دكتور

كريم وصل الدكتور لبره وحاسبه ورجع لرغد

كريم وسمر قعدوا جمب رغد عقبال لما تفوق

سمر هنعمل ايه يا كريم

كريم هنعمل ايه يعنى ، فيها ايه يعنى ، الولد ده مش ابنى وعلشان خاينة شوفى ربنا عمل فيها ايه وخلاها تجهض علشان الطفل ده طفل حرام

رغد بدأت تفوق وسمعت كلمت تجهض

رغد مين اللى اجهضت يا كريم ، ابنى كويس صح؟

سمر بشماته انتى يا ماما اللى اجهضتى

رغد حطت ايديها على بطنها وقالت ابنى راح فين ، قوللى يا كريم أن اللى سمعته وكلام سمر غلط

كريم لأ كلام سمر صح ، الطفل الحرام ربنا خده قبل ما يجى على الدنيا ويشوف امه الخائنة ،شوفتى ربنا بقى مش بيظلم حد ومخلاش الولد يجى ويتنسب ليا علشان مش ابنى ، يا ريت تتعظى وتتوبى بقى

رغد اخرس انت بتقول ايه، ده ابنك والله العظيم ابنك وبكرة هتكتشف الحقيقة بس الاوان هيكون فات وعمرى ما اسامحك وبعدين قعدت تعيط وتقول ابنى راح فين ، وحطت ايديها على بطنها وقالت انت اكيد جوا، انت سامعنى يا حبيبى ، رد عليهم وقولهم انك كويس