حوريتى المجنونة

البارت الخامس

البارت الخامس
محمد كان ماشي بسرعة اوي عشان يلحق الدرس
واول ما وصل
حذيفة:كويس إنك وصلت إحنا لسه مابداناش
محمد: الحمدلله ربنا بيحبنى
على : طب يالله يا جماعة عشان لو مابداناش دلوقتي بسام هيقتلنا
حذيفة ومحمد: ابتسموا يالله بينا
حذيفة: الحمدلله رب العالمين والصلاه والسلام على اشرف الانبياء والمرسلين سيدنا محمد صلى الله عليه وسلم جاء رحمة للعالمين
كل الموجودين: علية افضل الصلاة والسلام
حذيفة: هنتكلم النهاردة عن التوبة حد يقولى يعنى إيه توبة
بسام: يعنى نرجع لربنا
على: ولما نرجعله نكون راجعين واحنا واثقين اننا مش هنعمل الذنب ده تانى
محمد: ويكون عندنا يقين إنه هيقبلنا
حذيفة: جزاكم الله كل خير شاطرين يبقى إحنا دلوقتي لو عايزين نتكلم عن التوبة هنقول التوبة هي: الرجوع إلى الله تعالى، وترك المعصية والندم على فعلها والعزم على عدم العودة إليها. وهي واجبة على كل مسلم من جميع الذنوب، كبيرة كانت أو صغيرة
على: أي ذنب مهما كان كبير ؟
حذيفة: ايوة يا على أي ذنب مهما كان ربنا بيقول " ورحمتي وسعت كل شيء" اوعى في يوم تقول  ربنا مش هيسامحنى أنا عملت ذنب كبير اوى عشان ده الشيطان هو اللى بيوسوسلك عشان ماتستغفرش ربنا وربنا يتوب عنك بس اهم حاجه نعمل بشروط التوبة اللى النبي صلى الله عليه وسلم تحدث عنها
الكل: عليه الصلاة والسلام
بسام : هي التوبة ليها شروط
حذيفة: ايوة يا بسام ليها شروط شروط التوبة الصحيحة هي:
1-الإقلاع عن الذنب.
2-الندم على ما فات.
3- العزم على عدم العودة إليه.
وإذا كانت التوبة من مظالم العباد في مال أو عرض أو نفس، فتزيد شرطا رابعا، هو:
4-التحلل من صاحب الحق، أو إعطاؤه حقه.
وقد أمر الله تعالى عباده بالتوبة النصوح، فقال:   يَاأَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَى رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ نُورُهُمْ يَسْعَى بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ
والندم هو ركن التوبة الأعظم
فعَنْ عَبْدِ اللَّهِ بْنِ مَعْقِلٍ بْنِ مُقَرِّنٍ قَالَ: كَانَ أَبِي عِنْدَ عَبْدِ اللَّهِ بْنِ مَسْعُودٍ فَسَمِعَهُ يَقُولُ:
سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:  النَّدَمُ تَوْبَةٌ
وقد قال بعض أهل العلم:
" يَكْفِي فِي التَّوْبَةِ تَحَقُّقُ النَّدَمِ ؛ فَإِنَّهُ يَسْتَلْزِمُ الْإِقْلَاعَ عَن الذنوب، وَالْعَزْمِ عَلَى عَدَمِ الْعَوْدِ؛ فَهُمَا نَاشِئَانِ عَنِ النَّدَمِ لَا أَصْلَانِ مَعَهُ " .
فإذا كان هذا الندم صادقا، فإن العاصي سوف يترك المعصية، ويعزم على عدم فعلها مرة أخرى، وبهذا تكمل التوبة وتتحقق شروطها كلها
المؤذن الله أكبر الله أكبر
حذيفة: طيب أنا هنهى الدرس النهاردة ويارب اكون قدرت افيدكم ويالله بينا نقوم نصلي اربع ركعات بين الأذان والإقامة 🌹
#بقلمي_أية_سمير
#حوريتى_المجنونة