မမွှေးသော်လည်း နမ်းထိုက်၏

YOU ARE READING

Fantasy

သူငယ်ချင်းအဖြစ်ကနေပေါက်ဖွားလာတဲ့ချစ်ခြင်းမေတ္တာ၊ထာဝရအတွက်ရည်ရွယ်ခဲ့သောအဖြူရောင်ချစ်ခြင်းတစ်ခု၏အဆုံးသတ်♡

#boyxboy #lgbt #myanmar #ownstory

part 11

Start from the beginning

by Mon-2003

"ကြယ်သီးတပ်ပေးအုံး ယောငယ်"

"ဟမ် အင်း"

ယော ပြုတ်နေသောလက်ကကြယ်သီးလေးအားငြင်သာစွာတပ်ပေးလိုက်လေသည်။လူစုံနေပြီးဖြစ်တာကြောင့် ပျော်ပွဲရွှင်ပွဲစရန်ဆရာကသတိပေးလိုက်လေသည်။နှုတ်ဆက်ပွဲအနေနှင့်ကတော့ နေစိုးတို့အိမ်က ကြက်သားဒန်ပေါက် ကြွေးတာကြောင့်အားလုံးစားသောက်ပြီးသည်နှင့်စတိတ်စင်ပုံစံဆောက်ထားသောစင်ငယ်လေးရှေ့သို့သွားရောက်နေရာယူကြလေသည်။ယောကဒန်ပေါက်မကြိုက်သည့်အတွက်မစားပေ။နောင်ကလည်းမစားဘူးဟုဆိုလာသည့်အတွက် သုံးယောက်သားဒေါ်ဒေါ့်ကိုနှုတ်ဆက်ကာ သူငယ်ချင်းတွေဆီသို့ထွက်ခဲ့လိုက်၏။

စင်ပေါ်တွင်တော့တစ်ယောက်တစ်လှည့်သီချင်းဆိုကြရင်း အောက်ကသူငယ်ချင်းများနှင့်ဆရာဆရာမများကအော်ဟစ်အားပေးကြလေသည်။ယောတို့သုံးယောက်လည်းနောက်ဆုံးတွင်သာဝင်ရပ်လိုက်ကြသည်။သီချင်းဆိုမည့်လူများကဆရာ့ကိုစာရင်းပေးထားတာကြောင့်ဆရာခေါ်သည့်အတိုင်းကိုယ့်အလှည့်ကြဆိုကြရသည်။

"ကဲ အခုတစ်ခါအလှည့်ကြတာကတော့ကျောင်းရဲ့ဂုဏ်ဆောင်ကြီးဖြစ်တဲ့ အတန်းခေါင်းဆောင်နောင်ထွဋ်ပိုင်ပါ အစောကမှစာရင်းလာပေးသွားတာ"

ဆရာအော်သံဆုံးတော့ ယောအံ့သြစွာဖြင့်နောင့်အားလှည့်ကြည့်လိုက်သည်။တစ်ချိန်လုံးယောနှင့်အတူရှိနေသည်ကိုဘယ်အချိန်စာရင်းပေးလိုက်လဲမသိပေ။

"ဆရာ့ကိုဖုန်းနဲ့ message ပို့လိုက်"

ယောအကြည့်ကိုနားလည်သည့်အလားနောင်ကဘောင်ဘီအိတ်ကပ်ထဲမှဖုန်းအားထုတ်ကာပြောလာလေသည်။ထို့နောက်စင်ပေါ်သို့ပြေးသွားလေသည်။မသွားခင်တစ်ခုပြောခဲ့ပါသေးသည်။

"သေချာဂရုစိုက်နားထောင်ပေးနော်ယောငယ်" တဲ့လေ။

"အဟမ်း အခုသီချင်းကကျွန်တော့်နှလုံးသားကိုကိုင်လှုပ်သွားတဲ့တစ်စုံတစ်ယောက်ကိုရည်ရွယ်တာပါ"

"ဝိုး...အတန်းခေါင်းဆောင်ကွ"

အားလုံးထံမှအံ့သြသံများနှင့်အတူ ယောနှလုံးသားလည်းတုန်ခါသွားရလေသည်။ခုနကပဲနောင်ကသူ့အားသေချာနားထောင်ဖို့ပြောသွားသည်မဟုတ်ပါလား။