لقيتا عبارة عن ورود طبيعية لكن ذابلة و لونا بني من كتر ما نشفت 🍂و معاها سلسل و خاتم و اسورة حقت حديد و مصدي😧 عاينت ليها باستغراب قلت دا شنو اججي يا الكدا 😳تاني في بوكس فيهو كم شوكلاتة فتحتهم طلع لي منها دود 🤢طوالي جدعت الكيس قلت دي شنو التفاهة دي🤬 زعلت زعل و قرفت بي طريقة رقدت في السرير كنت غضبانة شديد😡 بعد مسافة جاتني منو مكالمة رديت قلت اشوف اخرو شنو 😤قال لي هلا هلا😍 قلت ليهو اهلين😒 قال لي الخبر سنو 🥰قلت ليهو بخير الحمدلله 🙄قال لي ان شاء الله الهدية تكون عجبتك 😅قلت ليهو ااي عجبتني شديييد تصدق🙄 بالذات الاسورة و السلسل المصدي 😊لا و العجب الوردة بالله اشتريتا متين لمن ذبلت 🤔صحي ذكرتني الشوكلاتة لقيتا وين مدودة كدا 😒قال لي دا شنو البتقولي فيهو دا كيف يعني🤨 السلسل و الخاتم و الاسورة حقات فضة كيف يعني مصدية 🤔و الوردة اصلا ما طبيعية عشان تذبل و كمان لعلمك الشوكلاتة بتعتت ما بتدود🙄 تمام قلت ليهو لأ يعني انا بكذب😒 قال لي فطومة روقي في شنو🤨 قلت ليهو ممكن توريني انت عايز تصل لي شنو 😒🤨قال لي بالنسبة لي شنو يعني🤗 قلت ليهو المهزلة البتعمل فيها دي😠 قال لي ياتو مهزلة يا بت انا لو ما دايرك بالجد ما كنت اساسا اتقدمت لي ابوك و طلبتك منو😕💔قلت ليهو اووف طيب انا هسي ما عندي نفس اتكلم معاك ممكن تقفل 🤬قال لي حاضر يا ستي و متى ما اشتقتي لي اتذكري اني منتظر مكالمتك😢💔 قفلت الخط و رميت التلفون في السرير رقدت على بطني و دافنة وشي في المخدة💔 جات زوبة داخلة قالت لي مالك ما رديت عليها لقت الكيس مرمي في الارض قالت لي وااااو ديل جابهم ليك مازن😻 عاينت ليها قلت ليها الوااو شنو في الموضوع😒 قالت لي انتي مجنونة لو مجنونة وريني 🤨🤨غطيت وشي تاني قالت لي وااااي الاسورة ما قدري الضعيفة الغياظة دي😠 قلت ليها كان ما اسورة مصدية😒 عاينت لي و قالت لي مصدية 🤨؟! انتي ما نصيحة ولا شنو🤨 رفعت راسي و عاينت ليها لقيت انو فعلا الاسورة حقت فضة و حتى السلسل و الخاتم😦 ما عرفت اقول ليها شنو تاني طلعت الوردة قالت لي وااي مع انها ما طبيعية لكن رهيبة و ريحتها عجيبة 😍حسيت روحي اتصمغت ما قادرة اتكلم كيف يعني انا قبل شوية متأكدة اني شفت الحاجات دي غير😨 تاني طلعت الشوكلاتة قالت لي دي شنو قلة الأدب دي فتحتيهم كلهم ليشنو ولا واحدة ما اكلتيها😠 قمت مسكت منها الكيس و بقيت اعاين ليهو😨 قالت لي مالك 🙃قلت ليها انا هسسسي قبل ما تجي بي شوية فتحتو ... و حكيت ليها بالشفتو قالت لي اجججي كيف يعني انتي تعبانة ؟! الصداع راح منك😧 ؟! هبشت راسي لقت حرارتي عادية قلت ليها انا كويسة و ما مصدعة لكن😕 ... سكتت قالت لي مححن لكن يا بت نومي نومك ساي🤐 بقيت اعاين للكيس و مستغربة حتيتو في الدولاب و جيت رقدت اتغطيت و بقيت اتقلب مسافة ما قدرت انوم💔 فتحت الواتس لقيت مازن متصل و مغير بروفايلو الصورة ليهو هو زاتو لكن غريبة 😦عيونو حمرااا و وشو شااحب و شعرو كتير و اغبش و خشمو سايل منو دم😨💔 عاينت للصورة باستغراب طلعت منها و لقيتو مرسل لي حبيبتي 😍رديت ليهو اسفة على الكلام القلتو ليك قبل شوية💔 قال لي ما مشكلة حبيبي لكن انتي متأكدة من الشفتيهو 🤨؟! قلت ليهو متأكدة 😕قال لي حاتصل عليك قبل ما ارد اتصل رديت ليهو اهلين 😞قال لي بكون بتهيأ لي كدا بس🙁 حكيت ليهو بي الحصل تاني قال لي حاجة غريبة احتمال تكوني تعبانة ارتاحي حاليا و انا الصباح حاضرب ليك💜 قلت ليهو طيب قفلت منو و ختيت التلفون و رقدت نمت للصباح😴 صحيت فتحت التلفون عاينت للساعة لقيتا سبعة و نص قمت اتسوكت و اتوضيت صليت و لقيت امي قاعدة بتشرب في الشاي و معاها احمد صبحت عليهم💕 و قعدت امي كبت لي كنت سرحانة و بتذكر موقف امبارح دا ابدا ما قادرة اشيلو من بالي😕💔 احمد قال لي هاا🌚 عاينت ليهو قال لي وين انتي🙄 قلت ليهو قاعدة جمبك😒 قال لي ظريفة 😒امي قالت لي مالك 🤨قلت ليها ماف حاجة😕 كنت متأكدة اني لو حكيت ليها ما حاتصدق ف عشان كدا فضلت السكات🙄💔 قالت لي اصلك ما طبيعية الليلة قلت ليها لالا ماف حاجة💕 قالت لي سمح بعد خلصنا نضفت البيت كالعادة يعني و خليت لي زوبة العدة اصلا ريان دي قاعدة زيادة عدد سااي🍂 بعد انتهيت من النضافة استحميت و قعدت فتحت التلفزيون بقيت بقلب في القنوات😪 لقيت فلم بادي حضرتو فجأة كدا سرحت اتذكرت الحاجات الشفتها مشيت تاني فتحت الكيس لقيت الحاجات زي ما هي🤕 خفت الصراحة شلت شوكلاتة اكلتها و تاني رجعت لي فلمي😪 جات ريان قالت لي فطومة قلت ليها مالك قالت لي امي بتناديك قلت ليها طيب💕 طلعت ليها في البرندة قالت لي اها الفطور اسوي بي شنو 🙃قلت ليها ما عارفة والله 🙄قالت لي نرسل لي فول 😐؟! قلت لالا اعملي سخينة احسن 😊قالت لي خلاص😚 قلت ليها اعملا ليك 😅؟! قالت لي تكوني ما قصرتي💜😚 فعلا مشيت المطبخ قطعت البصل و حمرتو شوية ختيت مسافة يبرد مشيت شلت تلفوني من صحيت ما شفتو😪 لقيت تسعة مكالمات من مازن🙄 رجعت ليهو رد من اول جرس قال لي صباحو 💕قلت ليهو يسعد صباحك💜 كيفك قال لي بخير طالما انتي بخير😻 قلت ليهو تسلم اااا انا تلفوني كان صامت عشان كدا 😅قال لي لالا ما مشكلة😚 قلت ليهو طيب برجع ليك بعدين هسي مشغولة شوية😸 قال لي ما مشكلة انا زاتي عندي شغل خلاص لي بعدين❤️ قفلنا على كدا مشيت تميت السخينة و قطعت سلطة و ختيت الفطور اول ما ختيت الصينية جو راوية و حبوبة😻😻 سلمو علينا امي قالت ليهم اقعدو طوالي🥰 قعدو اكلنا تماام و اتونسنا بعد الفطور زوبة عملت الشاي✨ راوية قالت كدي انا ماشة اشوف ناس غادة ديل قلت ليها خلي اناديهم 😸قالت لي خلاص كوركت لي اسراء بي الحيطة جاتني قالت لي اها قلت ليها معانا ناس حبوبة تعالو🙃 قالت لي ظابط نحن هسي جاتنا هادية "مرت عمو بشرى نسيبة زوبة😂 " بالفطور قلت ليها خلاص ناديها هي زاتا تجي🤗 قالت لي كويس عشرة دقايق ماف جو😙 في قعدتنا كدا كوركت لي سجود بي الحيطة "اخت مصطفى الكبيرة 🍂" قالت لي دي شنو شغلة الخيانات دي😑 قلت ليها تعالو معانا ناس حبوبة و راوية و عمتو غادة و هادية😸 قالت لي تمام قلت ليها نادي معاك ناس سلمى🌚 قالت لي سلمى دي اظنها مشت لي اهلها لكن بشوفا برضو قلت ليها خلاص بننتظركم 💕( بيوتنا كلها جمب بعض ❤️ما عدا ناس حبوبة ساكنين بعد شارعين مننا ... بكون وريتكم قبل كدا😸 ) المهم عملنا جبنة و فنكوش و فول حجات و تسالي كانت قعدة ظابطة شديد❤️ و الونسة جرت لحد الساعة اتنين بعديها بدو يتفكفكو قعدت معاي الاء بس ضايرنا المظلة و لمينا العدة لي زوبة قلت لي الاء انتي عارفة امبارح حصلت حاجة غريبة😢 قالت لي حاجة شنو🤨 حكيت ليها قالت لي يا بت بتكوني بتتخيلي ساي او تعبانة ما تركزي مع الموضوع شديد 😅اتوقعت ردة فعلها و حاولت اقنع نفسي انو انا بتخيل بس😢💔 مرا اليوم عادي الساعة سبعة اتصل علي مازن❤️ رديت سمعت صوت مزعج ما نفس صوت يومداك غنية غريبة كلماتا ما مفهومة و الصوت حاد شديد 🤕ما قدرت استحمل طوالي قفلت الخط 💔تاني اتصل قلت ليهو دا شنو ياخي انا سامعة صوت غريب😫😫 قال لي ماف شي قلت ليهو ندردش واتس😕 طيب قال لي تمام❤️ قفلت منو دردشنا انا كنت بس برد ليهو على حسب الرسالة بسألني و بجاوب ما كنت قادرة اتفاعل خالص ما عارفة الحصل شنو💔 بليل بعد اتعشينا نمت 😴
مرت فترة و عرسنا تم *بدون تفاصيل* في يوم صحيت على صوت الغنية المزعجة البسمعها لمن اتكلم مع مازن في كل مرة💔🤕 كان مازن قاعد يغنيها 😨و وشو كان شاحب و شعرو كتير و اغبش و خشمو سايل منو دم و عيونو لونا احمر لابس اسود في اسود😨 و الغرفة لونا اسود مكسور بي رمادي كان بقرب مني و في يدو سكين💔 صرخت بصوت عالي ......
#نتلاقى ....
