သည်ဘက်နားတွင် ပြတိုက်များကလို ရုပ်ရှင်လက်မှတ်လေးစောင်ကို ဖန်ပေါင်းချောင်အုပ်၍ထားသည်။ ညီညီတို့ရုပ်ရှင်နှစ်ခါကြည့်ဖူးသည့် အမှတ်တရအနေနှင့်ဖြစ်သည်။
ဇေသိမ်းထား၍သာ လက်မှတ်လေးနှစ်ခုကို ပြနိုင်ခဲ့တာဖြစ်သည်။
ညီညီနဲ့ဇေ ကာလတစ်လျှောက်လုံးအတူရိုက်ခဲ့ဖူးသမျှ ဓာတ်ပုံဖိုင်ကလည်း ဖန်ပေါင်းချောင်တစ်ခု။ သင်တန်းသားဘဝတည်းက ဇေ့မွေးနေ့ဖြစ်ဖြစ် ညီညီ့မွေးနေ့ဖြစ်ဖြစ် တစ်ယောက်တပြန်ပေးခဲ့ကြသည့် အရုပ်လေးတွေ၊ လက်ကောက်လေးတွေ၊ သိုးမွေးဦးထုပ်တွေ၊ မာဖလာတွေကို ခုနှစ်အလိုက်စာတွေကပ်ထားကာ ပရိတ်သတ်ကိုပြထားသည်။
ဖြူလွှလွှပိုးပိတ်စနောက်ခံပေါ်တွင် အစိမ်းရောင်စာလုံးများတန်းစီထားသည်။ အခမ်းအနားတစ်ခုလုံးကို အစိမ်းနုရောင်ကိုအားပြု၍ဆင်ထားသည်။ အစိမ်းရောင်သည် Flowers များကိုကိုယ်စားပြုသည်။ ပြီးခဲ့သည့်တစ်ပတ်လုံး ညီညီတို့ မင်္ဂလာပွဲနှင့်ပတ်သတ်ပြီး အသေးစိတ်ကမှအစ ကိုယ်တိုင်စီစဥ်ခဲ့ကြသည်။
ပွဲနေ့လည်းရောက်ကာမှ သတို့သားနှစ်ယောက်သည် မနက်အိပ်ရာထပြီး ပွဲအတွက်စတင်ပြင်ရကတည်းက မေတွ့ရတော့ချေ။ တစ်ယောက်တစ်ခန်းစီ ပြင်ရင်းဆင်ရင်း နှစ်ယောက် ဘယ်လိုပုံစံနှင့် တွေ့ရမလဲဆိုတာရင်ခုန်မိသည်။ အခန်းချင်းကပ်လျက်ဖြစ်သော်လည်း ကမ္ဘာခြားနေကြသည့်နှယ်။
ညီညီလည်းရင်တွေသိပ်ခုန်နေသည်။ အချိန်တိုင်းတွေ့နေရတာတောင် ရင်ကခုန်မြဲခုန်ဆဲ။ သည်နေ့ကညီညီ့ဘဝအတွက် ရင်အခုန်ဆုံးနေ့နှင့် အပျော်ဆုံးနေ့ဖြစ်ပါလိမ့်မည်။ ညီညီချစ်တဲ့ဇေ့ကို တစ်ဘဝလုံးစာအနားမှာအတူခေါ်ထားနိုင်တော့မည်။ ဇေဟာ ညီညီ့အပိုင်ပါလို့ တလောကလုံးကကြေညာပစ်တဲ့နေ့ဆိုရင်လည်း မမှားပါပေ။
ညီညီ့မှာတရားဝင်ပိုင်ဆိုင်သူရှိလာတော့မည်။ ညီညီသည် တစ်စုံတစ်ယောက်၏ပိုင်ဆိုင်မှုအောက်ကိုရောက်သွားတော့မည်။ ထိုခံစားချက်ကို ညီညီသိပ်သဘောကျသည်။
ညီညီတို့မင်္ဂလာပွဲကို တစ်တိုင်းပြည်လုံးရော အင်တာဖန်တွေကပါဝိုင်းဂုဏ်ပြုပေးကြသည်။
ဇာတ်သိမ်းပိုင်း
Start from the beginning
