فصلية اظفرها مكسور

هاريشااا

هاريشااا

بقلم زهراء الزيدي

اسمي وشكلي ولوني هذي تنزل قبل حتى العنوان... تمام لو مو تمام... هاااا اي سمعت سمعت تمام... 😉

اسمي هاريشا بنت عاريشا الفرفيشا..🥰

طولي 150فديتني قزمه اكيد وشعري هم اكيد يوصل لرجلي

مرات من اريد البس الطرااانشوز يدخل ويه الجواريب

جسمي هلمره ماراح اوصفه الكم اخلي حسب الاذواق (أوبن بوفي)😂

اما عمري لاهذا رقم محدد مالازم نتخطى وهو طالبة سادس اعدادي وشطوره بالمدرسة كولش..

ملاحظين شغله ياحلوين بطلتنه هاريشا هلمره لسانها معدول وماتلفنه وياها بحرف الواو... 😅

اي المهم ماعلينا هاريشا تروح وترجع بطريقها للمدرسة وتريد تصير مهندسة👷🏻‍♀️ عبالكم دكتوره نو نو...

وكل يوم يلاگيها ابن الجيران الجديد الي هستوهم منتقلين براس الفرع ويعاكسها ويزعجها

وهو لابس اكيد اسود ومصدرلنه عضلاته الي صارف عليهن فليسات ابو وامه بالجم والفيتامينات من غير الثلاجه الي ماسحها.. ثلاجته الخاصه😒 كل شي مو مهم لان همه اغنياء

هذا البيت الركن الي براس الفروع لو بس اعرف موزعيهم بالحصه علمود بطلات القصص اقصد بطل قصتي 😊

والد 👴🏻البطله ميريدها تكمل وقاسي تكله صباح الخير يضربها راشدي اچرااااخ

تكله شلونك بابا👴🏻 يضربها بوكسي طررراخ هذي الموسيقى التصويريه تخيلوها من يمكم

يريد يزوجها ويخلص منها لان عليه ديون وامها خطيه تحاول تخليها تعبر مراحل بالدراسه متوقعه بنتها تكمل..

هي الحلوه الوحيده لاهلها خاف نسيت مابلغتكم يهلربع.

راحت ايام واجت ايام وقرب وقت الامتحان.. بس حلوتنا هروشه ماحالفها الحظ وصار الي كانت خايفه منه..

تقدم القائد المغوار شرار يا غير نسيت ماعرفتكم بأسمه اي.. اسمه شرار ابو وامه سمو شرار لان من اول مانولد عيونه بيها دمارات حمره وتشبه الرذاذ المتطاير من لحيم الحدادين هيج يعني شكله دوم 😡

و يسب ويغلط ويسحل العاالم الحواليه مدري شبي مهموش.🤭

لا لاتاخذون على عقلي الباطن هذا أنفه وميتحاجه يسمونه

وكل المراهقات يحبونه ويكولن عليه يمه فديته.تكول من بقيت عشيرتهم يختي..🙃

واليوم وبطلتنا المسكينه رايحه للدوام جاي ومقدم عرض لابو المگروده... يسدد ديونه وياخذ بنته..

فمن رجعت وبلغها انصدمت وكالتله لو اخر واحد بالعالم مااخذه..👩🏻‍🦰

هو صح حلو وشعره سبايكي وقميصه فانكي 🧔🏻بس هم مااريده اهي اهي اهي ماما نقذيني..