منار ...ههههه اكل يمعود بالعافية هسة اجيب ماعون ثاني لريم
ريم ...لا تعبين نفسج حبيبتي
منار ...تعبج راحة عمري
ريم ...راحت شوية و رجعت اكلت منها صدك طيبة
عاشت ايدج كلش طيبة
منار ...الف عافية
اسر ...الحمدلله عاشت ايدج بوية يلا اني صاعد ارتاح شوية وانتي خليج يم ريم
منار ...اي
ريم ...مرت الايام عادية كل وقتي بالغرفة الطلع بس للحمام و ارجع للغرفة محد يحجي بس مرت عمي ابو سامر اتجاهلها وافوت للغرفة اسر لتحق صار فترة و الشبكة يمه ضعيفة ماكدر اتصل بي بس هو مرات يراسلني
جنت كاعدة اتفرج بالفون وفاتت منار
منار ...هاا
ريم ...هاا
منار ...اكلج ضوجة
ريم ...اي والله كلش
منار ...شنو رئيج نشوف فلم
ريم ...اي ليش لا هم فكرة حلوة
منار ...يلا اني راح اروح اجيب شي ناكلة وانتي شوفيلنة فلم حلو
ريم ...خوش طلعت واني فتحت الابتوب وبديت ادور على فلم فتحتة و انتضرتها تجي شوية و فاتت جايبة جبس وببسي ونساتل وشامية
منار ...ها طلعتي
ريم ...اي تعاي
كعدت يمي و خلت الاكل كدامنة فتحت الفلم و كعدنة نتفرج شوية وندكت الباب
منار ... منو
سمر ...شلون الحلوات شجاي سون
ريم ...تعاي حبي تفضلي جاي نشوف فلم تشوفين ويانة
سمر ...اي ليش لا
ريم ...كعدت يمنة واحنى مندمجين خلص الفلم و سمر راحت لغرفتها و منار شالت الصينية واجت تمددنة
منار ...ريم
ريم ...همم
دارت وجها علية وكالت بتسائل
منار ...احجيلي وين عشتي من طلعتي منا اذا ما يزعجج
ريم ...تنهدت و رديت
لا عادي احجيلي بس تدرين شي
منار ...شنو.
ريم ...كل الي صار اني مجنت. رايتة يصير ولا جنت رايدة اطلع تنفست بعمق بس بعد صار و احنى ما نكدر نغير الماضي فاا. لازم نتقبلة رغم مرارتة لان هو واقع وما نكدر نهرب منا
يوم طلعت من البيت جنت مراهقة ما افهم زين جنت محتاجة احد ينصحني بس مجان اكو شخص اتذكر هذاك اليوم زين بيوم عمي راد يزوجني سامر تخبلت ورفضت بس شصار نضربت و نهانيت مجنت كادرة اتقبل. ازوجة حاربوني. بدراستي. وهي جانت اهم شي بنسبة الي ماعرف شلون اجتني فكرة الطلعة من البيت صرت احجيلها وابجي كل الي مر بيا ما عدة زواجي باسر يمكن جنت محتاجة احجي. وافرغ كل الي بكلبي. حمل سنين تعبت من التحمل اسمع واسكت واظم بكلبي حجيت واني ابجي على كل الحظات الالم الي مرت علية واضحك على لحظات السعادة الي مرت علينة ومنار شاركتني كل هذي الحظات بتفاصيلها المرة و الحلوة كمت غسلت وجهي لان احسة مشتعل بالنار ورجعت تغطيت و دفنت راسي بالمخدة ما كدرت انام ظليت ابجي بس بدون صوت احس بالعومي نشف وعيوني يحركني. بعد فترة سمعت صوت الاذان مسحت دموعي وكمت طلعت بارة توضيت و فتت للغرفة لبست ايزار الصلاة فرشت مصلايتي و صليت صلات الفجر و رجعت صليت ركعتين لوجه الله لفيتها و كمت قريت شوية قران وبعدها رحت نمت احس راسي راح ينفجر
..........
هيثم ...ها ضلعي شبيك
اسر ...ضايج يمعود اريد انزل
هيثم ...هههه ليش خاف مشتاق
اسر ... شنو قصدك لك
هيثم ...ههه لا يابة مو قصدي يلا كم يوم وتنزل و شبع بيها
اسر ...لا يا سا**كوم كو**
كام وهو يضحك النذل اففف يا بوية شمشتاقلج
صدك يومين و نزلت وصلت للبيت الفجر لان طلعت من و كت هستوني وصلت اذان يالله الله يجعلة يوم خير فتت للبيت اظلم و فارغ اي هسة كلها نايمة و ما كدرت انتظر خليت جنطتي على درج و هستوني دافتح الباب انفتح ابتسمت واذكرت ذيج الساعة دعيت اليوم يكون خير صدك بدة الخير بشوفتها فزيت من صفنتي على اديها الناعمة الي حاوطتني قاطعة المسافة بينة بعدتها عني بسرعة وهي تفاجئت بس قبل لا تحجي خليت ايدي على حلكها وسحبتها مصعدها فوك صعدت وياها و اني لسة خال ايدي فتحت الباب و اول ما دخلت سديتة و احتضنتها بين ادية مشتاقلها و احس كلبي مفرفح الها اخذت نفس اخخ
يا عطرها يرد الروح
ريم ...اسر
اسر ...ياروح اسر وعمرة ولج بوية مشتاقلج بكد الكون بتعدت متامل وجها شلونج صغيرونتي
ريم ...بابتسامة بخير بشوفتك اسر طولت هواي ليش هيجي
اسر ...اشش هسة ليش البجي مسحت دموعها و اني ابوس عيونها اروح فدوة لهل عيون الحلوة شسون بيا عيونج يا يابة
خومة احد ضوجج
ريم ...هااا لا محد بس كلش ضجت بدونك اسر حباب بعد لا طول هيج
قرب حاوط خصري و مشاني كعد على جرباية و كعدني ويا
اسر ...بعدت خصلات شعرها خالها ورى اذنها بست خدها بهدوء و اني ارد قابل هو بيدي يا بوية غير هذا و اجبي والله لو علي اكابلج و اكعد اشبع من هل وجه الحلو بس يلا شنسوي بعد
افوت اسبح وانتي لا تنزلين خليج مشتاقلج
ومشتاق لحضنج الدافي و السوالفج الحنينة
ريم ...ابتسمت الى احضرلك هدوم
اسر ...ماكول لا
ريم ...طلعتلة تراك رصاصي اخذة و فات للحمام كعدت انتضرا شوية وطلع ابتسم بوجهي و وكف على لمراية مشط شعرة و حط عطر مشة للجرباية نام و فتح ايدة
اسر ...تعاي
ريم ...اريد انزل لا يكعد احد
اسر ...نايمين كلهم تعالي
ريم ...اريد اصلي
اسر ...تعالي ولج تعالي
ريم ...رحت وكفت كدامة جرني علية نومني بصفة وقيدني بقوة بدي كاني راح اطير وهمس بعد ما اخذ صفنة بوجهي
اسر ...اكلج
ريم ...هاا
اسر ...،يتبع
YOU ARE READING
فالتغفري
General Fictionفي ليلة و ظـحآهآ آنقلبــت ج ـمـيع مـوآزين ح ـيآتهآ لتخـسـر جمـيع آحبــآهآ لتعيش ج ـمـيع آنوآع آلآلم آلنفسـية و آلجسـدية فهل سـيحدث مـآ هو غ ـير مـتوقع ويقلب آلمـوآزين مـره آخ ـرة لنرى مـآ سـيحـدث،.....) قصـة: فآلتغـفري آلكآتبــه: شـمـس
البارت 32
Start from the beginning
