سبيل: ونظراتك الها مليانه مشاعر
اسر(يبتسم): امشي وانتي ساكته
سبيل: واني شعليه طبكم طوب
دخلو للبيت وجان التعب مبين على وجه كوثر ،
اسر: ها يمه شلون صرتي
كوثر: لا يضل بالك يمه مابيه شي
سبيل: يالله اني اروح انام وراي دوام الصبح
كوثر: ماتتعشين ويانه؟
سبيل: لا يمه اكلت ويا البنات بيت خالتي هيفاء،
كوثر: الف عافيه حبيبتي تعاي انطيني بوسه،
سبيل: هههه شنو سالفه صار بيها بوس
كوثر: فدوه لبنيتي ديري بالج على روحج حبيبتي
سبيل: امي الدراما تصبحين على خير حبيبتي
اسر: يالله مامه كملت العشه تعالو اكلو
كوثر: ولك شوكت لحكت تسوي ريوك وليش انت سويت ماخليتني اني اسوي
اسر: لا يمه ماسويت شي هوه جبن وكيمر وكصصت طماطه وخيار وخليتهن بالماعين وبالصينيه والجاي على نار
ساجد: يالله سموو بسم الله واكلو
اسر: خلي اشوف الچاي ،
كوثر: اكلك عيني ساجد ديرو بالكم على سبيل بعدهي طايشه ومراهقه تريد تكشخ كدام صديقاتها على كيفكم وياها
ساجد: لا توصين حريص هيه وحيدتي
كوثر: الله يحفظك خيمه عليهم يارب
ساجد: ويحفظج النه
اسر: شنو هاي الرومانطيات هههههه
كوثر: ولك مابيه اضحك شنو رومانطيات
اسر: يمه يعني رومانسيات ههههه
ساجد: ولا تبطل سوالفك
بعد ما كملو الاكل كلمن راح على فراشه حته ينام، ماعده كوثر جانت تلوج من الالم وشربت العلاج والمهد حته تكدر تنام بعد تعب طول اليوم، خلت كوثر راسها على المخده وتتأمل السكف وهيه تتألم لحد ماغفت،
في الصباح يوم ثلاثاء،
ساجد: عيني كوثر يالله كومي صار الصبح ، كوثر كومي عيني
كوثر: اي عيني كايمه ،
ساجد: يالله اني راح اكعد سبيل واسر ، توجه ساجد حته يكعد سبيل ومالكها بالفراش،
ساجد: سبيل وين انتي سبيل
اسر: ها يابه صباح الخير سبيل اني كعدتها صبح وراحت للدوام هسه ساعه ب9 شفتكم تعبانين ماكعدتكم ،
ساجد: صدك ساعه ب9 ولا حسيت على نفسي حيل تعبنه البارحه وتفكيري بأمك تعبني اكثر
اسر: لا يضل بالك روح الشغلك واني يمها
YOU ARE READING
ضحية المعاناة
Romanceاولاد ابو المخضر يمرون بمعاناة قاسية وحزن وفرح وضحك وبجي هلهوله وصرخه تجتمع كل التجارب بنت تفقد اعز ما تملك وتكول باللهجة العراقية(ابقى يمي .. وصير أي شي .. حتى لو دمعه اعله رمشي ، وتبقه فقط الذكريات الذي لا تموت ولن تموت الا بقتل صاحبها قصة ضحية...
