بين التبلد والحنين

البارت 14

اسيل_ لااا هذا اخوها الحيوان اخذها اصلا هوه الي غلط علي وسمعني هذا الكلام وكالي لا تمشين ويا نجمة اني اخاف على اختي وانتي مو خوش ادمية

اكبر جفصة جفصتها وراح اجفص بعد جغصات اكبر منها بالمستقبل عفية اسيل عاشت ايدج صار ساعة تشرحين ودكليله غريب هسه خوش طلع جذبتج سمعته ضحك

اياد_منو بيهم عماد ولا توفيق الجبير مؤدب بس عماد السانة طويل ولا يهمج اسولتي والله اذا ما سويته الج اجنازه ماطلع اياد باجر تسمعين خبره.....

بس لا يسوي شيء بالولد اياد ميرحم ابد........

اليوم كله خلصته واني ضايجة ماما سألتني على الطلعة كتلها تونسنه شوفتهن الصور وبعدها اجانه خطار ونشغلوا

فجر الخميس عرسها يعني بعد اسبوع نيشانها من زمان وديناه لبيتها وملابسها هم نص ملابسها ماقبلت تاخذهن بنات عمي وعماتي كلهن اجو علينه والبيت هوسه خطية مرام شكلها اليوم تولد لأن كل شويه تنمغص وتبقى تبجي

بس وقت اخذناها الدكتورة كالت بعدها بس خلوها تنام على ظهرها خطية هيه 24 ساعة بالغرفة

عبير بس شافتها كالت ظهري وراحت للغرفة نزلت صبا ساعدت ماما سوت جاي وغسلت مؤاعين الخطار هي وفجر

خاله بعدها وضعها مو تمام وبيبي حيلللل صايرة مزعجة بس تتامر وتغلط

عفاف كل شوي تغمزلي شتريد هاي؟ اخر شيء جبتلهن جاي وكعدت يمهن

عفاف_اسيل شو اتصل باياد ميرد ليش؟

اسيل_هااا عندج رقمة؟ والله حبي كاسر تيلفونه

عفاف_يااااا وليش كسره خرب حضي وهسه شلون اكدر اتواصل وياه شلون يخابركم

اسيل_علاقتكم مطورة؟

شفتها غطت وجها بديها عود خجلانه وتضحك

عفاف_كلش تطورت وصرنا يومية نحجي سوء واكتشفت اياد خجول كلششششش

اسيل_الله يديمكم

بقت تحجي شلون مرة هوه مراسلها سئلها ليش ممراسلتني اليوم وهيه معتذرة منه وهوه كايللها خفت عليج وكلت خاف مريضة لأن انتي يومية تحاجيني واليوم ماكو

مادري ليش ضجت يمكن لان صارت صدك اووووف ياا اسيل شوكت افهمج انتي شنو بالضبط

صح ماريد اياد يدخل بيه بس بنفس الوقت ميعجبني اشوفه مهتم بغيري

معقولة صدك يحب عفاف؟ زين اذا يحبها ليش من كتله اتزوجها ماقبل؟ حيرني هالولد

فجر نزلت من الدرج وكعدت يمي بس الوجة مغد سالتها شبيج كالت تعاركت اني وطارق وقت سئلتها ليش تجاهلتني عفتها على راحتها