مرام: هيه ام مجتبى شنو اسمها؟
سبيل: اسمها لمياء واني شايفها اكثر من مره وصاكه تجنن
مرام: صدك يعني حلوه اكثر من امج؟
سبيل: نجبي ماكو بجمال امي هههه
مرام: كملي وهذا شكو يراقبج؟
سبيل: باعي اني من عرفت سالفه من امي انقهرت على مجتبى اخو و امه لمياء اخوانها متربين منها لان تزوجت ابوي وحاربت كلشي على موده وابنها مجتبى حته ماكمل دراسه حته يشتغل ومايخلي امه بعازه وحالتهم كلش تعبانه واني اغلب مصروفي الي اجمعه بنهاية الاسبوع انطي الهم وهذا يجي كل نهاية اسبوع ياخذ المصروف ويودي لمياء لان هيه كلش تحبني بس تكره امي
مرام: تردين الصدك حقها تكره امج الي سوته مو قليل وبالاخير طلكت من ابوج بسببها؟
سبيل: يمعوده اني الموضوع ماقاهرني بي احد غير مجتبى المسكين تربه بعيد عن حنان الاب لمياء حرمته من ابو لان ابوي تخله عنه ،
مرام: زين ابوج ليش تخله عنه؟ وين اكو أب يتخله عن بزره اشو مدللج انتي واخوج اسر
سبيل: امي تكول تندم على الي سوا ومايريد يكرر نفس الشي ويانه ،
مرام: يكدر يصلح الوضع ويا ابنه احسن مايضل كره من مجتبى تجاه ابو، ماكلتيلي ليش تغلطين على صديق ابوج الي يصير اخو لمياء؟
سبيل: لان هذا صديق ابوي خال مجتبى شد ويا ابوي وقتها جان هوه مدير ابوي بالوظيفه وفصله من الوظيفه سواله مخالفات وكطع رزقه الله يكطع راسه
مرام: والله مادري شنو اكلج!!
سبيل: دمشي عيني اني صكعتني الشمس من دون العالم شمس عدنه تطلع ساعه ب8
اثناء دخول مرام وسبيل الى صف،
سجى: سبيل كافي تلهلجين انتي ومرام بالدرس شفتي ترزلت من وراجن!
سبيل: هي لزمي لسانج ولا تكولين تلهلجين لا تخليني امسح المدرسه بيج هسه
مرام: باعي سجى تكفي شرنه انتي مو كدنه لا تتمادين احسلج!!
سجى: خلي اسكت احسن شيخلصني من لساناتجن!
سبيل : مرام تعالي خلي اشاورج
سبيل (بأذن مرام): راح اروح اودي لفلوس وارجع لا تخلين احد تنتبه عليه
مرام: تمام
(في بيت ساجد)
كوثر(تتصل): الو عيني ابو اسر فدوه دزلي كيلو بصل وكيلو خيار بيد العامل الي يشتغل وياك !
YOU ARE READING
ضحية المعاناة
Romanceاولاد ابو المخضر يمرون بمعاناة قاسية وحزن وفرح وضحك وبجي هلهوله وصرخه تجتمع كل التجارب بنت تفقد اعز ما تملك وتكول باللهجة العراقية(ابقى يمي .. وصير أي شي .. حتى لو دمعه اعله رمشي ، وتبقه فقط الذكريات الذي لا تموت ولن تموت الا بقتل صاحبها قصة ضحية...
