مشاعر لم تكن بالحسبان

البارت 32

كرز: ما اعتذر منك لان انته الغلطان انته خليتني اعتذر و بعدين انته زعلت لذلك عوفني بحالي

ازار: خوش هذا السانج طويل هاي الفتره بس تدرين اني انطيتج مجال

كرز
اي وهسه شرايد . ماحس غير دافعني واني منكعه كبل زلكت . اخخخ رجلي انته من كل عقلك .  ماحس غير مطفي الضوه و عافني بالحمام و شويه و سمعت صوت قفلته الباب الحمام و الحمام اضلم و بيه الباب عازل من تنقفل اني كلشي و لا ضلام ورجلي هاجت عليه واني منكعه كلي مي و الجو بلش يبرد كمت للباب . ازار افتح الباب . ماكو صوت يالله ماكو صرت اتخيل اشكال تجي عليه واني بهذا الضلام . ازار عفيه افتح والله بعد ماسوي شي انته ماتريده يصير ازار بلا هذا العب عفيه ترا تعرف اخاف من ضلمه ازار راح تمرض عفيه افتح كافي عاد . ادموعي كامن ينزلن واني اتخيل وحدي بالحمام و ماكو ضلام دامس دكيت الباب كل قوتي

كرز: افتحححححح راححححح اموتتتتت عليككككك اللهههههه والله بعد ما اسوي شي اتوبه بس بس طلعني منا والله خايفه كولش إزار ازارررررر اللله ياخذككككك حقيييرررررر افتححححححح . من حسيت ماكو امل بحدود الساعه واني أصيح واريد بس يرد على اقل اطمئن وجود شخص بالغرفه ماكووو اسناني صارت تصك من البرد وملابسي كولها منكعه و منغير رجلي الصارت تصل عليه صل من الوجع و صوتي من كد ماصيح بعلو صوتي صار يشرحك بيه بلعومي ارتكيت على الباب و ضميت نفسي و حجي بهذيان. افتح ازار راح اموت. غمضت علمود ما اتخيل وراها بعد ماحسيت على اي شي
.....

رائد: ولك مرتضى البنيه اليوم كله ماكو معقوله سوالها شي

مرتضى: ليش يعني هوه بيه شي ينخاف منه حتى هلكد خايف عليهه

رائد: مادري بس جانوا قبل يكولون ازار بيه حاله نفسيه حتى يكولون ضل فتره بحدود السنه اهله حبسوه بالبيت لان تخبل مادري شصار بيه بس بعدها رجع طبيعي و داوم و هاي كدامك صار نقيب

مرتضى: حيلللل ولك والله هوه منضره الخارجي احس يخوف زين هيج صار بيه بدون سبب

رائد: شوف امه من جابته جان ابوه مارايده

مرتضى: شلون ليش يعني

رائد: انطي مجال احجي

مرتضى: هاهيه سكتت سولف سولف

رائد: اي امه جانت مزوجه ابوه بالسر و عمتي هسه جان مزوجها بالعلن امه من جابته كايله لابو اني اربيه لان هوه رايد يسقط الطفل بس امه ورا شهرين ماتت بحادث و اضطر ابوه يجيبه ليمهم انوب عمتي الي هيه هسه يصيحولها ام ازار جانت حامل و سقطت و ربته علساس هذا ابنها الي هيه حامل بيه و الكل مشت عليه بس من كبروا واجوي اخوان اله الوضعيه انلاصت جان ابوه يكرهه و نابذه لان صار اثر غلطه و يكلك اشكال تعذيب جان يعذبه الى ان ازار صار مخبل رسمي و ابو مارضه يوديه لا الطبيب و لا المستشفى لان مايريد يكولون عنده ولد مخبل و طاحلك هوه بيها مره حرك بيتهم وهمه نايمين و جان ابوه مايحس بمرضه كبل ايده و الكتل حتى جان يحبسه ويه الحيوانات الي بالمخزن و يسد عليه الضوه و هوه صغير وياكل من اكل الحيوانات ابوه يرفض ينطي اكل و جانت تجي عمتي تبجي على حاله لان هيه الوحيده حبته من صدك