همَس الرموش

الجزء الحادي عشر

ربُى : جنت اسمع بتركيز لكل كلمه حجاه إدريس جنت ثاقه انو مديكذب عليه بأي شي حجاه احس روحي عاجزه انو احجي شي احس صابني شلل جسمي كزبر من الل سمعته ع لمود افلوس ممكن الانسان ينقتل ومن منو من صديقه من اكثر انسان قريب عليه

إدريس : شبيج صافنه

ربُى : ماعرف شحجي

ادريس : اني وره المحكمه يخلص شغلي وياج بعد حق اخوج اخذته والقاط اربع قوط

ربُى : من كال يخلص شغلي وياج حسيت انغزت بكلبي معقوله يعوفني هوه هم ع الرغم من انو هوه انسان غريب عليه بس وماعرف يمكن اني دبالغ بالتفكير من الصدمه

ربُى : اشكرك ماعرف شلون اجازيك او شلون اردلك الجميل

إدريس : يجي يوم تردي

ربُى : انتَ بالاتصال كتلي تعرفين اني منو شنو چان قصدك

إدريس : اني كلت هيج ؟

ربُى : اي والله

ادريس : متوهمه

ربُى : بس
قاطع كلامي من كال ماعندج كرايب
حسيت انطعنت من كلي هيج شلون اكله ماعندي احد كلش صعبه ، كلش صعب هذا الموقف والله

ربُى : لا عندي

إدريس : سولفتيلهم لو لا

ربُى : سولفت البيبيتي كالت كلنه ع هل درب وسدته
محد يريدني كلمن عايش حياته شنو ربُى شنو اخوه محد يعرف بينه عايشين لو ميتين كلمن عايش المصلحته احنه من چنه اصغار وتيتمنه محد رادنه لو سئل علينه قابل هسه راح يسئلون لو يردونه

إدريس : كلش انقهرت من حجتلي ع كرايبه يعني فعلاً هل انسانه وحيدة وماعده احد
:- شلون راح اتعيشين  ربُى يعني الفلوس المصرف الاكل كليتج ؟

ربُى : راح اتعين ويه صديقتي ابوه يعينه مضل شي واخويه عايف فلوس ادبر بيه نفسي واذا كلش كلش اطلع اشتغل ادور شغل

إدريس : وين تشتغلين

ربُى : ماعرف بس اي شي

إدريس : اي شي يعني تشتغلين رقاصه حضرتج ؟

ربُى : شبيه الرقاصه معاجبتك بيه كرف افلوس

إدريس : هااا واصيرين ك... ع مود الفلوس مو

:- باوعتله صفح
_ الواحد شيسوي لعد

إدريس : ديري عيونج لا اكوم افكسه

ربُى : كوم ولي ماعندك شغل وعمل انتَ

إدريس : لا والله ماعندي عاجبني ابقه هنا اليوم
ورجعت نفسي للقنفه وخليت ايدي وره راسي

ربُى : شنو امفتحه فندق يلا توكل

إدريس : اصلاً حتلو كلتيلي ابقه مابقه لان ماطيقج