همَس الرموش

الجزء السابع

رحنه المكان المشتبه چان فارغ ومابي احد يعني عرف احنه متبعي ونريد نكمشه

وهل مشتبه يعرف تاجر مخدرات كلش خطير هوه ينطي والمشتبه يوزع ع المحافضات مجاي نكدر نوصل للتاجر الاكبر اله نلزم المشتبه ويعترف

بس ضلت ابالي هل بنيه ماعرف شسوي
اخذت مفاتيح سيارتي وطلعت افتر بالشوارع .

ربُى : بدلت وكملت وقررت اروح اخذ كلاتي ، علي عنده هواي شغل هل ايام ف محبيت ازعجه
واكله اني طالعه

وكفت تكسي وكتله لكوفي .... وصلت وكعدت ع ميز يم نافوره وكعدت انتظر احد يجي

إدريس : كاعد افتر ودك تليفوني چان الامر مالتي

:- الو وين انتَ

:- بالسيارة دافتر

:- روح الكوفي ....
المشتبه اهناك بس ديربالك لتبين روحك لان يجوز شايل وياه سلاح راح ادزلك چم شخص بس كلهم طالعين بشغل ف شويه يتأخرون

:- ماشي حتوجه اهناك

_ غيرت طريقي للكوفي تقريباً نص ساعه اني هناك
طبكت ونزلت لبست شفقه وطبيت للكوفي اخذت كلاص عصير ليمون وكعدت

ربُى : طلبت كهوه ساده لان راسي چان يأذيني وره شويه شفت شخص ديقترب مني

الشخص : مرحبا
ربُى : تفضل
الشخص : جبتلج الكلاده
ربُى : شكراً تعبتك
چان ممبين وجه لابس شي مطلع بس عيونه مرتاحيت ،  كعد كبالي ومدلي ايده حتى يصافحني
الشخص : شتنطيني وارجعلج الكلاده ( بضحك )
ربُى : تريد فلوس
الشخص : لا
ربُى : لعد ؟
الشخص : عيونج
ربُى : شنوووو احترمم نفسك لطوخه اذا ع الكلاده ف اخذه وتكشر بيه داريد اكوم وچان يكمش ايدي
الشخص : راح نلتقي هواي عزيزتي
وخرت ايده وداكوم ماشوف اله مسدس موجه بجهي

_ هذا اخر شي اذكره من هل يوم

إدريس : جنت كاعد وشفت المشتبه ملثم وكعد كبال بنية جنت اريد حركه وحده حتى اتحرك
شفت البنيه كامت وهوه لزم ايده وبنفس الوقت جماعتي طبو للكوفي توجهت اله واني جنت خال ايدي ع السلاح مالتي وكفت كبال الابنية وجهت المسدس ابجهه

عيوني توجهت لعيونة بهل لحظه حسيت ماكو شي بالدنيا غير عيونة

معقوله هاي هيه من بعد ٨ سنوات ليش رجعت شسوي كاعدة ويه المشتبه جانت هواي اسئله بالي هواي افكار وامور ابالي

ماشوف اله وكعت كدامي عرفت صار عده اغماء من الخوف ،
دنكت اله وشلته بنفس الثانيه جماعتي لزمو المشتبه

توجهت السيارتي مددته ليوره وتوجهت الاقرب مستشفى جنت الطريق كله اباع علية احاول اعرف هيه او لا بس مداعرف
الملامح ملامحه بس ممتأكد اذا هيه او لا