رجعت نشرت البارت لان جان بي مشكله هواي من البارت جان مختفي لهذا مسحته
وسويت إعادة نشر..
قرأ ممتعة...
الكاتبة :نارين
narin__wr
~~~مر بي حبــاً (قضايا داعش) ~~~
أول مَرة أجيب عيوني للضيم
و أول مَرة أكسر واهِس الغيم
أول مَرة أجر بروحي لهناك
مو آنهَ التگلهَ فلان يسواك
أول مَرة روحي تغثها الشبيج
أول مَرة أبوس أيد الشبابيچ
أول مَرة گلبي يكضني بأيدة !
القَصيدة المَاتجيبك مو قَصيدة .
أول مَرة أرضى عيوني يبچن
أول مَرة أتيه گلبي عِد مَن
أول مَرة أوصل وجهي للگاع
وأنتَ منين مَا تندار تنباع
شلون أنساك ! ، رايح راد بية
أذكرك وين مَا أسمع أُغنية
و أعيش شلون ..!
حَاچيني أعله بختك
مَاحطو الزاد و مَاذكرتك
أول مَرة أگود الطِيف للرَاس
أول مَرة أكسر خَاطِر النَاس
أنهَ المِن طِحت گبل النِعمة شَالك
أنهَ المَا مَرة غَنة و مَا بچَالك
جَاس ضلوعي بس تگول جَس مَاي
بأصبعهَ أنوب گام يريد جَس مَاي
مِتت بَس طولي طول العود جسمي
على ورگة وردة ويشعيون بية .
يسر :ان شاء الله ما يجي هيج يوم يجي هسه عوفينه دحكي على سما شكد حلو بين نجمات الله
اسراء :امج هناك
يسر :من سمعت طاري امي كبل رفعت نفسي
واني مصدومه كتله شلون
اسراء :شبيج اقصد اعتبري امج فوك
يسر :ملامحه تغيرت وبين عليه ارتباك وخوف مثل زلكت بالحجي
كتله بس امي عايشه
اسراء :امج عايشه بس هي معتبرتج ميته
يسر : عبالك ضربتني بگلبي احس كلمته جبيره عليه احسه وعتني فعلاً امي معتبرتني ميته طول هل فتره ما سألت عليه ولا اعرف شي عنه ما ذكر رفعوا تلفون يوم واسألوا
عني عايشه ميته
او شنو صار وياي تمرضت لا كل هل فتره محد سأل عليه ولا جابو طاري
عبالك حمل ونزاح عنهم وخلصوا منه
جنت شكد اطلع أعذار الهم شكد جنت احبهم
غريبة هاي دنيا شلون ممكن اشخاص يربطنه بيهم دم وروح وعايشين وياهم جوة سكف واحد بس احنه حيل بعيدين وغريبين عنهم وهمه غريبين عنه ميعرفون اي شي عنه
شوكت ضحكنه شوكت بجينه شوكت تعبنه شنو انحب شنو نكره شنو اللي كاتمينه بداخلنا كل شي ميعرفون غير شغله وحدة وهو ان احنه على قيد الحياة ميعرفونه وكأنو احنه غربه بس عايشين وياهم تحت سكف واحد خوفاً من الناس وللحفاظ على صورتنا
السعيدة اللي هي بالأصل كذبه دائما نبينها لناس حتى نبين احنه ما اكو مثلنا
شلون وهمه اقرب شي النا وميعرفونه واكو اشخاص تفصلنه عنهم مدن ومسافات كلش بعيده بس همه اقرب النا حتى من نفسنه يعرفون كل شي يعرفون اذا بينه شي من نبرة صوتنا واحيانا بكلمة صغيرة يكشفونه
