Unicode
" ဒီမင်္ဂလာပွဲက သမီးစိတ်ဆန္ဒမပါဘူးနော် မာမီ "
အခန်းတံခါးဆီကိုလှမ်းလိုက်တဲ့ဟီဆွန်းရဲ့လက်ချောင်းတွေဟာ တံခါးလက်ကိုင်ပေါ်မှာရပ်တန့်သွားသည်..။ ထပ်မံကာထွက်ပေါ်လာသော ခပ်ကြီးကြီး restaurant တစ်ခုရဲ့ သီးသန့်ခန်းအတွင်းက ကျယ်ကျယ်လောင်လောင်ထွက်ပေါ်လာသောအသံဟာ အချေအတင်အော်ဟစ်နေပုံရသည်။
ဟီဆွန်းလက်ကနာရီကိုငုံ့ကြည့်ရင်း အချိန်ကအနည်းငယ်စောနေသေးကြောင်းသတိထားမိတဲ့အခါ လက်ကိုပြန်ရုတ်၍ တိတ်တိတ်လေးရပ်နေခဲ့သည် ..
သူတစ်ပါးစကားပြောတာကိုခိုးနားထောင်တာမဟုတ်သော်လည်း ဒါက သူနဲ့သက်ဆိုင်တဲ့အကြောင်းအရာတော့ဖြစ်သည် ..။
" မသိချင်ဘူး မာမီ သမီးက အကြွေးနဲ့သိမ်းခံရတဲ့မိန်းမဖြစ်ခံရမှာလား မာမီတကယ်ပဲ ကိုယ့်သမီးကို သူများကိုအကြွေးနဲ့ထိုးအပ်ဖို့စဉ်းစားနေတာတော့မဟုတ်ဘူးမလား "
ဟီဆွန်းသိထားပီးသားတဲ့အကြောင်းအရာကို တစ်ဖက်က မိန်းကလေးသိပုံမရပဲအခုမှသိပုံပေါ်သည် ဟီဆွန်းကလဲခေါင်းညိတ်ချင်ခဲ့သည်မဟုတ်ပဲ မာမီ့ရဲ့ရုပ်ရှင်ထဲက အပေါစား ပလော့တွေလိုမျိုး ဟိုရောဂါဒီရောဂါခေါင်းစဉ်တပ်တာကို မယုံချင်ပါသော်လည်း ခေါင်းညိတ်ခဲ့မိသည် ...။ ခေါင်းထဲမှာအလုပ်ကလွဲလို့ဘာမှမရှိတဲ့သူ့ဘဝအတွက် မိန်းမယူလိုက်ရင်လဲ ဘာမှထူးခြားလာခြင်းမရှိနိုင်ဘူးလို့တွေးမိ၍ လက်ခံခဲ့ပေမဲ့..ဟီဆွန်းရဲ့စိတ်ဆန္ဒကလဲတစ်ဖက်မိန်းကလေးလိုမျိုးပဲထပ်တူကျနေသည်..။
" မာမီ့အကြွေးတွေကိုသမီးကဘာလို့ ကြားထဲကဒုက္ခခံပေးရမှာလဲ မယူနိုင်ဘူး အဲ့လူကရော ဘယ်လောက်တောင်ကြီးကျယ်မြင့်မြတ်နေလို့လဲ အဲ့လောက်ထိ ပါးစပ်ကမချတမ်းဖြစ်နေရအောင် သူ့ဘာသာ ဘာကောင်ကြီးပဲဖြစ်နေနေ သူများသားသမီးကိုအကြွေးနဲ့ယူတယ်ဆိုထဲက လူကောင်းမဟုတ်တဲ့လူယုတ်မာပဲဖြစ်နေမှာ..."
တံခါးကိုထပ်ဖွင့်လိုက်တဲ့ဟီဆွန်းရဲ့လက်တွေလိုတာထက်ပို၍တင်းကြပ်စွာဆုပ်ကိုင်ထားမိသည်..လက်ဆစ်တွေဖြူနေတဲ့အထိ ။ မာနထိခိုက်စေတဲ့စကားတွေက ဟီဆွန်းကိုတမြေ့မြေ့နဲ့ဒေါသတွေလှိုက်လာစေသည်..။ မိဘတွေစီစဉ်ထားတဲ့ပွဲမှာ သူက ကစားစရာအရုပ်တစ်ခုလို မလွန်ဆန်နိုင်လွန်းလို့ လက်ခံလိုက်ရတာကို ဘယ်လိုစကားတွေနဲ့စော်ကားနေသလဲ..
